Manán-na'in da-4 & Mellor Atór:
Títulu filme: Echoes of Courage
Produsaun husi: The Conquerors
Atór: Inacio
SYNOPSIS :
Echoes Of Courage
Echoes Of Courage nu’udar filme badak ida ne’ebe konta istoria kona ba moris joven ida nian ho naran Inacio, joven ida ne’ebe prejudika nia aan husi ninia duvida ba nia-aan/self-doubts no tauk hodi ba koalia iha oin/ public speaking, maske nia hakarak tebes atu koalia iha ema barak nia oin hodi espresa nia aan no ideias ba ema seluk, Inacio nafatin susar atu ultrapasa ninia imajinasaun negativu sira ne’ebe sempre taka ka sori netik nia esforsu sira hodi bele koalia iha publiku. Teresa hanesan Inacio nia amiga solidariu/Supportive Friend no sai hanesan fonte insentivu importante ida /an important source of encouragement ba Inacio ne’ebe sempre enkorajen Inacio no suporta Inacio iha Inacio nia jornada moris ba ultrapasa ninia limitasaun sira no atinje saida mak nia hakarak.
Inacio nia funu hasoru ninia duvida ba nia-aan/Self-Doubts no ninia tauk sira reveladu liu husi ninia relasaun ho Teresa, maske Teresa suporta Inacio ho makaas, Inacio sempre falla hodi koalia iha publiku.
Pontu virajen ka Turning Point ba inacio nia moris ne’e wainhira Inacio-nia Profesor ho naran João rekonhese Inacio nia abilidade ba hakerek kompozisaun/essay no konvida Inacio hodi aprezenta ninia kompozisaun ba nia kolega sira iha aula laran. Ho Fiar no oportunidade ne’ebe Profesor João fo ba Inacio hodi halo livre nia-aan husi limitasaun sira ne’ebe Inacio kria rasik ba nia-a’an, Inacio sei nafatin iha konsiderasaun hodi kansela ninia aprezentasaun maibe to’o ikus nia hetan duni korajen no motiva nia aan hodi bele halao ninia aprezentasaun.
Filme to’o ninia Climax wainhira Inacio sae ba hamriik iha aula oin no halibur ninia korajen hotu hodi aprezenta ninia kompozisaun ne’ebe kapaas tebes iha aula laran halo ninia aan no audiencia sira hakfodak ho ninia aprezentasaun.
Iha momentu transformativu ida ne’e, Inacio harahun ninia limitasaun sira no transforma nia-aan ba Joven ida ne’ebe nia sempre aspira atu transforma ba.
“Echoes Of Courage” nu’udar istoria ida ne’ebe reflete situasaun juventude Timorense agora ne’ebe barak mak sei hanesan Inacio. Juventude barak sei iha duvida ba sira-nia an/self-doubts ne’ebe makaaas, tauk atu partilla sira-nia hanoin, tauk atu koalia, tauk atu husu no tauk atu espresa sira nia aan ba mundu.
Nune’e husi Filme ida ne’e espera bele sai inspirasaun ba juventude “Inacio” iha Timor laran tomak hodi bele transforma sira nia-aan harahun limitasaun sira hotu, fiar sira-nia aan no iha korajen ka aten-brani hodi buka joven nia lian ne’ebe auténtiku maske iha duvida no tauk nia laran.
8 янв 2024
