Entèvyou ant Pwòf Jean Casimir ak Pwòf DeGraff: Resistans Pèp Souvren kont gwojemoni Lagrandyab 

Videyo sa a se nannan yon resous sou Platfòm MIT-Ayiti MIT-Ayiti.NET/r... konsènan trajedi peyi d Ayiti ap viv depi syèk. Trajedi sa a se konsekans yon seri defòmasyon nan politik kolon blan yo depi Kristòf Kolon te debake ann Ayiti an 1492. Nan twòkèt Kolonyal oswa dekolonyal ? ak _De (2) men klas mwayèn lan_, Pwòf Ti Jan Bosal (Jean Casimir) esplike ki jan defòmasyon sa yo vin atake fason nou konprann pouvwa politik la, idantite nou, lang nou, enstitisyon leta yo, e latriye. Tout defòmasyon sa yo antre nan estrateji Lagrandyab ki mete ak Leta nan dappiyanp sou richès Pèp Souvren depi digdantan - kit se richès nan ekonomi nou, nan patrimwàn nou, nan idantite nou, nan lang nou, e latriye. Youn nan pi gwo mal Lagrandyab fè nou se pouse n fè chwa politik ki p ap mennen n okenn kote. Se defòmasyon sa yo Pwòf Ti Jan Bosal (Casimir), Pwòf Michel DeGraff ak Grenadye Djeride Jean-Baptiste ap ede n konprann nan resous sa a : MIT-Ayiti.NET/r...