Nəsiminin 650 illiyinə həsr olunmuş tədbirdə Nazim Musabəylinin Nəsimi obrazında "Etməgil" qəzəlinin səsləndirməsi. Çalğıda - Majda Mária.
Yüzünü məndən nihan etmək dilərsən, etməgil!
Gözlərim yaşın rəvan etmək dilərsən, etməgil!
Bərgi-nəsrin üzrə saçlarını sən dağıdıb,
Aşiqi bixaniman etmək dilərsən, etməgil!
Canımı vəslin şərabından ayırdın, ey sənəm,
Eynimi gövhərfəşan etmək dilərsən, etməgil!
Qaşların qövsündə müjganın xədəngin gizləyib,
Ey gözü məstanə, qan etmək dilərsən, etməgil!
Qoymuşam eşqində mən gövnü məkanın varını,
Can nədir kim, qəsdi-can etmək dilərsən, etməgil!
Birqəi yüzündən açarsan məgər naməhrəmə,
Gizli əsrarı əyan etmək dilərsən, etməgil!
Hər qəzanın oxuna qıldın nişanə sən məni,
Ol nişanı binişan etmək dilərsən, etməgil!
Doğruyam eşqində ox tək kirpigin tanıq durur,
Qəddimi nişin kəman etmək dilərsən, etməgil!
Yandurursan könlümü eşqində, mə’lum oldu kim,
Ani rüsvayi-cahan etmək dilərsən, etməgil!
Çünki eşqin məskənidir könlümün kaşanəsi,
Həsrətə anı məkan etmək dilərsən, etməgil!
Çün yəqin bildi Nəsimi eşqini, oldu ğəni,
Ol yəqini sən güman etmək dilərsən, etməgil!
Nazim Musabayli
16 дек 2020
