Cümhuriyyət günümüzdə böyük qürurla sizlə paylaşdığım bu layihənin uzun bir yolu, öz hekayəsi var.
Azərbaycan mövzusunda yazılmış ilk klassik tipli opera sayılan R.Qlierin "Şahsənəm operasından" "Şahsənəmin mahnısını" uşaq ikən "Uzun ömrün akkordları" filmindən, şərqin ilk qadın opera ifaçısı olmuş, əvəzedilməz Şövkət Məmmədovanın ecazkar ifasında izləyib valeh olmuşdum. Elə o vaxtdan bu əsərin izinə düşdüm, Bakı Musiqi Akademiyasında təhsil müddətim və sonrasında da kitabxanalar, arxivlər gəzərək əsərin not yazısının uzun müddət axtarışında oldum. Və illər sonra müəlliməm Jalə xanımın qəfil sürpriz zəngi ilə mənim üçün yeni bir dönəm başladı. Beləliklə, 1938-ci ildən bu yana "Şahsənəmin mahnısının" Şövkət xanımdan sonra ikinci ifaçısı mən oldum. Sizlər üçün sevərək təşəbbüskarı olduğum layihənin yeni not tərtibatı , səsyazma, təqdimat və tanıtım, vizual tərtibat və ssenaridən sonra nəhayət mahnının klipi bu gün işıq üzü görür. Əziz dinləyicilərimə töhfəmiz olsun.
Bu yolda mənlə yol yoldaşı olan, xidməti keçən hər kəsə sonsuz təşəkkürlərimi bildirirəm:
Musiqi: Reynhold Qlier
Sözlər: Cəfər Cabbarlı
Aranjman: Nazim Əhməd
Səs rejissoru: İmran İbrahimov
Əsərin not əlyazmasını təqdim etdi - Bakı Musiqi Akademiyasının Dosenti: Jalə Cəfərova
Əsərin not tərtibatçısı: Gülnarə Səfərəliyeva
Press Reliz: "Təzadlar" qəzeti - Asif Mərzili, Yasəmən Məmmədli
Rejissor: Orxan Bektaş
Prodüser: Hüseyn Aydınov
Ssenari: Əsmər Qasımova
Operatorlar: Elgün Akay, Elmir Xasiyev
Makeup: Xoşqədəm Hüseynova
İnzibatçı: Rəşad Məmmədov
"Şahsənəmin mahnısı"
Gözəllər bağında
Bir gözəl gördüm
Eşqinə bağlandım,
Könlümü verdim
Məni bir baxışla eşq oduna saldı o getdi...
Ala gözlərində
Eşqi gülümsər
Yerişi can alan,
Gülüşü dilbər.
Məni bir baxışla eşq oduna saldı o getdi...
27 май 2024
