Gecələr çətin olur,
İçib-içib darıxmaq.
Bir də zəng ümidilə
Tez-tez telefona baxmaq.
Bir də xatirələri
Edirəm ələk-vələk.
Bilirsən, necə olur
Gəlməyəni gözləmək?
Bilirsən, heç nə qədər
"Qayıt" yazıb
pozuram?
Yerə çəngəl də düşsə
Gəlməyinə yozuram.
Bilirsən, indi gəlsən
Bərk-bərk qucaqlayaram.
Səni sinəmə sıxıb
Bir az da ağlayaram.
Bilirsən, indi sənsiz
Havalar da sızaqdır.
Əllərini deyirəm,
Mənə niyə uzaqdır?
Bir də ki, ağbənizlim,
Küçədən biri ötsə
Sən sanıb karıxıram.
Hə bir də üşüyürəm,
Bir də ki,
darıxıram...
söz; Əziz Yaqubzade
ifa ;Rzalı Yazar
#şeirler
27 дек 2023