Gihigugma ko ikaw ( I love you )  

Please support my channel. You may do so by sending donation to my G-cash. Any amount is highly appreciated. Thanks a lot and God speed!
G-cash # : 091693302280
______________________________________________________________
Ang pagpadayag sa tulo ka mga pulong; "Gihigugma ko ikaw; ngadto sa usa ka binuhat, maoy timaan nga hinog na ang imong pagbati sa gugma. Dili na angayan
pang- ikaulaw. Ang pagpadayag sa ingon
sangko na sa langit ang bation niini. Duha lamang ang bugti ning tanan. Oo, gihigugma ko usab ikaw ug sa laing bahin,
wala ako mahigugma kanimo.Payets! Importante nga nakapadayag sa gibati.Dili
ikaw si Absalon! nga segi ug sunod-sunod
dili gyod kaingon"
Gihigugma ko ikaw
Tulo ka mga pulong
nga gihan-ay gikan sa kahiladman
tulo ka balaanong gahom sa gugma
nga gilibkas ning mga ngabil
halaran ko ikaw
kay nakabig ako sa imong pagkaikaw
maoy sulbad sa nag-alindasay kong dughan
gihigugma ko ikaw
gimahal ko ikaw
ikaw alang kanako
ug ako alang kanimo.........
Matam-is ang gugma
sumbongan sa kahinam ug kadasig
daw usa ka batobalani
nga mohulhog sa akong mga tinguha
kay ikaw man ang giya ug lamdag
pagkab-ot sa naglatagaw kong mga damgo
be ug pangandoy..........
kab-uton ko ang mga bitoon
aron ang kahayag niini
mamahimong sukaranan ug gabayan
aron maangkon ko ang kadaugan
sa gugma nga giulipon sa pagpakabana.......
kab-uton ko ang langit alang kanimo
hayan ; molandig ako sa katumanan
gihigugma ko ikaw
antoson ko ang pagsulay sa kapalaran
sa walay kinutobang pangindahay
sa akong paghigugma kanimo
hinumdomi lamang ang tulo ka mga pulong
"Gihigugma......ko....ikaw".................

End