Abone OL: goo.gl/W99fFm
Copyright © ARB Şəki
Sayt: goo.gl/NfKDu5
Facebook: goo.gl/XVhVzG
Həftəsonu hökm sürən küləkli hava şəraiti Şəki və Oğuzda bir sıra fəsadlar törədib. Xüsusilə Oraban kəndində evlərə ziyan dəyib.
Şimal-qərb bölgəsində iki gündür hökm sürən küləkli hava şəraiti ötən gün axşam saatlarına doğru daha da güclənib. Bəzi yerlərdə yağışla müşahidə olunan külək bir sıra fərdi yaşayış evlərinin damını uçurub, elektrik dirəklərini aşırıb, ağacları qırıb. Nəticədə Şəki şəhəri və Oraban, Baş Zəyzid ,Vərəzət, Orta Zəyzid və digər kəndlərdə elektrik enerjisinin verillişində fasilələr yaranıb. Ancaq qısa müddət ərzində yenidən bərpa olunub. Oraban kəndində Maqsudovlar ailəsinin qısa müddət öncə təmir etdiyi ev külək nəticəsində yararsız hala düşüb. Həmçinin uçan dam yola düşərək hərəkəti məhdudlaşdırıb, elektrik sayğaclarına və elektrik xətlərinə ciddi ziyan vurub. Kənd ərazisində bir çox ağaca da ziyan dəyib, külək onları kökündən çıxararaq aşırıb.
Güclü külək Oğuzda da fəsadız ötüşməyib. Qeyd edək ki, hazırda bölgədə külək dayanıb, mülayim hava şəraiti hökm sürür.
#ARBŞəki #güclükülək #hadisə
5 окт 2024
