Gufata abakenyezi ku nguvu kwarakoreshejwe nk’ikirwanisho kuva mu mwaka w’2015 (MFPPS) 

Igitigiri kinini c’abakenyezi n’abigeme baraborejwe igufa bongera barashurashuzwa ku nguvu na bamwe mu bo mu nzego za leta n’Imbonerakure kuva mu mwaka w’2015 mu Burundi. Ivyo vyemezwa n’umukuru w’umuhari w’abakenyezi n’abigeme baharanira amahoro n’umutekano mu Burundi. Umushingwamanza Jeanne d’Arc Zaninyana ababazwa n’uko abakorewe ayo mabi, benshi baciye bahunga igihugu mu buryo budashemeye, akababazwa kandi n’uko ubutungane mu gihugu butigeze bugira ico bukoze, kandi ababakoreye ayo mabi bazwi.