Qəmzə peykanın çəkib hərdəm bizə, ey nuş-ləb,
Bisəbəb qan tökmək istərsən, nədir axır səbəb?
Vaiza, meykeşlərə daim qəzəbdir adətin,
Qorx o gündən kim, sənə piri-muğan eylər qəzəb.
Eşqdə bidərdlər eylər təəccüb halimə,
Yoxsa bu kişvərdə bir dərd əhli yoxdur, ey əcəb!
Gözlərin, ey səngdil, sındırdı könlüm şişəsin,
Məstlər bəzmində olmazmış müraati-ədəb.
Dəhr ara bir gül yetirdim, dərdi gülçin aqibət,
Kamə yetdi bitəəb əğyar, mən çəkdim təəb.
Gahü gəh dil istəyir busə üzündən, vəchi var,
Öz fəqirindir ki, quti-layəmut eylər tələb.
Müriba, ləhni-hicaz ilə sürudun saz qıl,
Ta Məhəmməd eşqinə Seyyid bu şəb etsin tərəb.
9 авг 2024