Иже Крестом ограждаеми, / врагу противляемся, / не боящеся того коварства и ловительства, / яко бо гордый упразднися и попран бысть на Кресте силою распятого Христа. Крест Твой, Господи, освятися, / тем же бывают исцеления немощствующим грехми, сего ради к Тебе припадаем, / помилуй нас. Господи, оружие на диавола Крест Твой дал еси нам, / трепещет бо и трясется, / не терпяй взирати на силу его. / Яко мертвые возставляет и смерть упраздни, // сего ради покланяемся погребению Твоему и восстанию.