اعلى 5 عربيات مبيعا بأمريكا السيفيك ثم الكمري ثم الكورولا ثم الاكورد ثم التسلا3.. للاسف التوكيل ظلمها بالتسعير المبالغ فيه.. سعرها في الكويت مايعادل 250-300الف جنيه مصري.. التوكيل حيكون مضطر ينزل سعر الكورولا لو نزل سعر السيفيك و الكورولا بياعة في السوق المصري بسبب ثقافة الشعب.. الهوندا هي مرسيدس اليابان.. عربية مهضوم حقها و اعتماية لاقصى درجة
بجد والله حسيت انك هتشتمهم ع التسعير دا بس الصراحه عندك حق العربيه دي شبابيه وللشباب من التسعينات وكدا تسعيرها اوفر وهيخرج فئه كبيره من عشاق الهوندا اللي انا واحد منهم ومعايا ال سفيك 2012 😂😂
سعر السياره مبالغ فيه جدا بالاضافه الي انها تجميع تركي يعني المفروض تبقي زيرو جمارك اكبر عيب فيها و في مازدا هي التوكيل شوف موديلات مازدا و هوندا في أمريكا و أوروبا تحس ان اننا عايشين في غيبوبة و ان مصر في أوسخ أسوء عربيات في العالم خليها تصدي و انا مقاطع شراء سياره جديده حتي اشعار اخر و حتي تغيير التوكيلات للسيارات في مصر
شكرا على المراجعة فعلا عربية جميلة سعرها ظالمها و الاسواء ان التوكيل بنى سياسة تسعير الطرازات الأخرى على سعر السيفيك العالي فظلم الاكورد و الCRV و وضع العربيات في شرائح سعرية تفوق احيانا طرازات بريميم ألماني متربعة على السوق بينما لا تنافس الهوندا نفس الفئات في الأسواق التي أتت منها سواء في امريكا او اليابان او حتى الخليج ، هل المشكلة عند ادارة الوكيل أم في قيمة الجمارك الله اعلم الخلاصة ان السوق محروم من هوندا بسبب اسعارها
شرح جميل و منتهى المصداقيه و بدون مجامله ، بس يا ريت بلاش اللف بالكاميرا .... هوندا سيفيك من العربيات القليله إللى تحسسك بثبات و قوه على السرعات العاليه و مهما تدوس عليها هتلاقيها بتستجيب بسهوله و ألعربيه عاوزه تروح معاك اكتر ، يعنى عالطريق تحسن ان تحت رجلك ماكينه صح ، انا بصراحه من عشاق هوندا و ركبتها بجميع فئاتها بس بصراحه بسعرها الحالي كده اوفر وبفكر ارجع للألماني تانى .
يا اخونا لازم نفهم ان التاخير في الطلعة ده مقصود اولا للامان و الحفاظ على عفشة العربية من الفرك و الطلعة الامريكانى ثانيا اقتصادية كلنا عارفين ان اكتر حاجة بتاكل بنزين هى الطلعة السريعة و دوس بنزين على الغيارات الواطية
كلام محترم وانا معاك ان سعرها مبالغ فيه بس عندي معلومة ان العربية مبتدورش بالمفتاح غير مرتين لو شغلتها من جوا التالته مش هتشتغل لو انتا بره وشغلتها من الريموت مرتين وده اخرها لازم تدور من داخل السياره وبعد كده تدور بالريموت
تسلم ايدك استاذ محمود ،، الصراحة كفيت ووفيت ،، شرح رائع ومحايد جدا واسلوب محترم .. انت شجعتني اني اشتري العربية دي ( انا مقيم ف الكويت) سعرها هيكون أرخص من مصر بالإضافة الى ان الوكيل بيديلك عليها بتكلفة اضافية ( شاشة 10.4 زي بتاعت التيسلا ) وكمان ( الفرش الجلد اللي بتختاره من وسط 60 لون مختلف) .. بالنسبة لشراءها من مصر زي ما تفضلت فعلا غالي أوي .. بالمناسبة : بتنزل فالكويت ٣ فئات. تحياتي 😎✋🏼
انا معايا الموديل دة 2020 فالسعودية ما شاء الله عربية ممتازة من جميع النواحى يعيبها بس الطلعة تقيلة شوية لكن لو حولت الجير لوضع سبورت الار بى ام بيرفع معاك اعلى والموتور بيستجيب بطريقة افضل ويبقى السعر اغلى من منافسيها لانها تستحق مع العلم انى معايا سيراتو كاملة برضو
@@rashidalshehhi5760 LX Sport نص فل ما شاء الله ممتازه لها معي ٣ سنوات حول ٨٠الف كم ممشي. روحت بيها مصر وجيت ولا حسيت باي شىء بالطرق السيفيك اعتماديه التويوتا بس اوبشن واداء افضل بكتييير
العربية دي معايا من ٢٠١٦ فئة التورينج ١٨٠ حصان ١٥٠٠ سي سي ولسة من اسبوع مغير طقم المساعدين والمقصات. من قبلها العربية مطلبتش أي حاجة بصراحة. النهاردة عامل بيها ٢٥١ ألف كيلو
@@mostafajemba7866 انا بتكلم عاميه يا ابو جهل مش هتفرق ال أ من ال ى عشان لاتنين بيستخدمو ثانيا اسمها type مش tayp لو مبتعرفش تكتبها خلى اخوك اللى ف الحضانه يكتبهالك عادى يعنى او كت ممكن تكتبها عربى و متتفزلكش علينا
@@Gojosataru213 على الأقل أنا إتلغبطت في حرف في لغة إنجليزى يعني مش لغتنا . إنما إنت يا جاهل بتكتب عربي غلط اللى هو اللغة بتاعتنا . يعني إنت ساقط في الإملاء وبتتكلم !!؟ إسمها ( إكتبوا ) مش ( اكتبو ) وإسمها ( إتكلموا ) مش ( اتكلمو ) . خلي بتاع الحضانة بقى يعرفك تكتب ألف باء من أول وجديد 👊
العربية غالية و مفيهاش فى مصر مرايا صالون تعتيم ولا lane keeping assist ولا adaptive cruise control ولا فرش جلد ولا gps ولا blind spot alerts ولا كاميرا 360 ولا جنط ١٧ غير كدا متوفرة بس ب صالون بيج وموكيت بيج وكلو عارف خلال سنة بيتوسخ
تحياتي لحضرتك على مراجعاتك وفيديوهاتك المميزة, كنت حابب استفسر على بعض النقط: كنت شوفت فيديوهات كتير (عربي واجنبي) بتحذر الناس من مواتير التيربو وإنها بتمثل حمل وضغط على مواتير السعات القليلة مع صغر الصمام الخانق أو الثروتل بودي وعدم تحسين خامات المواتير الداخلية واللي بيأثر على إعتمادية المواتير وعمرها الإفتراضي, إيه رأي حضرتك في الموضوع ده؟ نقطة كمان, كنت أعجبت جدا بمراجعة حضرتك للماليبو لكني فوجئت بكلام متداول إن الموتور بتاعها هي والإم جي 6 الشركة المصنعة قررت إيقاف إنتاجه, هل الكلام ده صحيح وهل ده يغير رأي حضرتك فيهم؟ نقطة أخيرة, بغض النظر عن فرق السعر, حضرتك ترتب الإم جي 6 والسيفيك والماليبو إزاي من الأحسن للأقل من ناحية الأداء والكفاءة والإعتمادية ؟ شاكر جداً لحضرتك.
للاسف الهوندا فى الشرق الاوسط اسعره مبالغ فيه مقارنه ب امريكا وكندا وبعض الدول الاوربيه زى honda crv اعلى فئه فى امريكا ب 35500 دولار يعنى يعادل 56000 الف وهنا فى مصر كانت دخله على ال 830000 ودلؤتى 759000 يعنى دخله على 200000 الف فرق حاجه زى الفل هنقول جمارك ومكسب الوكيل 100000 يبقى تنزل تانى مية الف وللعلم الوكيل بيدخله بسعر اقل من اللى بقوله زى اسعار الجمله ..
والله العربية مظلومة جدا ومحدش أداها حقها والناس خايفة تشتريها بسبب كلاك مش حقيقي ومش مظبوط بيتقال اتمني نقل تجربة حقيقية بدل من اثراء الإشاعات علي سيارة ممتازة حقها هدر بسبب تسعير وارى انها تتفوق علي غيرها من سيارات أخرى تفضلها علي انها بموتور لفضل وتيربو وفي الحقيقة هذه السيارة تقدر تشتريها بدون اوفر برايس وقد يصل سعرها اقل من ٤٤٠ مين أفضل بالسعر ده بصراحة لفيت كتير وملقتش ...، انا بثق جدا في أراء ا محمود واتمني يثير اهتمامه بهذه السيارة للمظلومة التي تستحق مكانا افضل بكثير
احمل ريفيو شوفته للعربيه لكن هيه مش ١٥٠٠ سي سي ولا انت متاكد انها ١٦٠٠ وفعلا سعر العربيه غالي جدا جدا مع ان بجد الواحد بيعشق السيفيك دي لكن لايمكن يفكر فيها بالسعر ده
خيرى بك ، اولاً شكرا على المراجعة، وعندي سؤال صغير ، هى العربية ليه بتقارنها بالتويوتا كرولا، فى حين ان العربية سيدان كوبية ، يعنى نقدر نقارنها بالاوبل انسجنيا و البيجو الـ 508 ، يعنى الثلاث عربيات سيدان كوبية ، وتقريبا بنتكلم على كاتوجرى سعرى الى حد ما قريب من بعضه ، طبعا انت ادرى واعلم منى بموضوع التصنيف ده ، بس لو كلامى مظبوط وبفكر اشترى حاجه من الثلاثة لانى عاوز عربية سيدان كوبية تميل الى الرياضية وتكون إعتماديتها وقلة مشاكلها مهم جدا بالنسبة لى ، وطبعا سعر إعادة البيع ، وشكرا جدا لك واسف على الاطاله