සීතල හෝර්ටන්තැන්නේ දින හතරක්
පලමු කදවුරු බැදීමෙන් පසු දෙවන දිනයේ අප අපගේ සොදුරු නවාතැන්පොළ කරගත්තේ "ගිණිහිරිය" සංචාරක නිවස්නයයි. ඔහිය පිවිසුමට මදක් ආසන්නව පිහිටා ඇති ගිණිහිරිය සංචාරක නිවස්නය ඉතා සොදුරු සහ පහසුකම් වලින් පරිපූර්ණ වූ කතා රාශියකට මූල බීජය වූ සීත මාලිගයක්. ලද විවේකය මනාව විදගෙන පසුදා උදෑසනම වනගත වූයේ තොටුපොළ කන්ද සොයාගෙනයි. අධික සීතල මධ්‍යයේ මීදුම පිරුණු වන මං පෙත් ඔස්සේ ගමන් කිරීම සොදුරු සහ අමතක නොවන අත්දැකීමක් උවත් මෙම මාර්ගය වැටී ඇත්තේ කදුකර කොටියන්ගේ රාජධානියක් මැදින් වීම නිසා කංඩායමේ සියල්ලන්ටම වෙනදාටත් වඩා සැළකිල්ලෙන් වන මංපෙත හරහා ගමන් කිරීමට සිදුවිය.
ගහ කොල සහ වර්ශාව සමගින් ඒ ලද සොදුරු අත්දැකීම් සමූහය අමිලය. ඉන් පසු අප නැවතත් ගමන් කලේ හෝර්ටන්තැන්න මධ්‍යයට වන්නට පිහිටා ඇති මහ එළිය සංචාරක නිවස්නයට යි. කදුකර කොටියන් නිතර යන එන ඉසව්වක පිහිටා ඇති මෙම නිවස්නය අධික සීතලකින් සහ මීදුමකින් වෙලා ගෙන තිබුනේ වෙනදාටත් වඩා වෙනස්ම වූ සුන්දරත්වයකිනි. කෙසේ වෙතත් එහි තවත් සීතල රාත්‍රියක් ගත කල අප ඉනික්බිතිව නැවතත් වනගත වූයේ හෝර්ටන්තැන්න පිළිබඳ සිත තුල පැවතුනා වූ පැනයන් සමූහයකට පිළිතුරු සොයාගෙනයි.
ආයුබෝවන් මම දිනේෂ්.
➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖
Instagram - / dinesh_a_pathum
➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖
“Copyright @ [Dinesh A Pathum 2023]. Any illegal reproduction of this content will result in immediate legal action.‼️“
14 июл 2023
