Rusiya ordusu. 20-ci əsrdə adı Qırmızı ordu idi. Azərbaycanda daha çox işğal faktları ilə xatırlanır. 106 il əvvəl elə aprel ayında Azərbaycanı işğal etmişdi. Biz onun qanlı ordu olduğunu bir də 90-cı ildə görəcəkdik. 20 Yanvar qırğınında. Bugünkü isə Rusiya ordusudur. Onu Qırmızı ordu ilə müqayisə etmək mümkün deyil. Hər nə qədər bəzən məqsədləri bənzəsə də. Azərbaycana sülhməramlı kimi gəlmişdilər. Məramları sülhə nə qədər uyğun idi, mübahisə mövzusudur. Amma gedənin dalınca danışmazlar. Biz fərqlərdən danışaq. “Rusiya Ordusu girdiyi yerdən çıxmır”. Qəliblənmiş fikirdir. Haqlılıq payı çoxdur. Amma görünən budur ki, onunla savaşmaq yox, dil tapmaq lazım imiş. Azərbaycan kimi. Rusiya sülhməramlıları ölkəmizə 2020-ci ilin noyabrında gəlmişdi. Gəldikləri andan müzakirə mövzusuna çevrilmişdilər. “Niyə gəldilər” deyib məyus olanlar çox idi. Bu həmin ordudur ki, yaxın keçmişdə Gürcüstanda Osetiya və Abxaziyanı, Ukraynada Krımı işğal edib. Azərbaycan nə Gürcüstan idi, nə də Ukrayna. Bunu hamı dərk edirdi. Amma “ruslar əbədi qalacaq” deyənlər də az deyildi. Elə Rusiyanın özündə də. Qalmaqallı sözləri ilə tanınan mərhum siyasətçi Jirinovski o günlərdə iddialı danışırdı. Rusların Qarabağdan çıxması bəzi iddiaları da ortaya atdı. Erməni teleqram kanalları bunu İran-İsrail gərginliyi ilə əlaqələndirirdi. Müharibə başlasa, guya İsrail Qarabağdan İrana zərbələr endirəcək. Ermənilər Azərbaycanın Rusiyanı öz torpaqlarından çıxarmasını həzm edə bilmirdilər. Rusiya hərbçiləri bu gün Gürcüstanda da mövcudluğunu qoruyur, Ermənistanda da. Cənubi Qafqaz ölkələri arasında rus hərbçilərin olmadığı yeganə ölkə Azərbaycandır. Azərbaycan həm də o nadir ölkələrdəndir ki, ərazisində xarici hərbi kontingent yoxdur. Hər tərəfdə Azərbaycan əsgəri dayanır. Beləliklə, bir tarix sona çatdı. Səs-küylü, həm də iddialı gəlmişdilər. Azərbaycan onları sakit yola saldı. Biz onları həm də təbəssümlə xatırlayacağıq. Ən azından ona görə ki, futbol üzrə dünya çempionatını izləmək fürsətini onlara biz yaratmışdıq. Xidmət başında ikən böyük ekranda sevdiyi komandaya azarkeşlik etmək. Bu şansı görəsən bir də harda yaşayacaqlar? Sülhməramlıların Azərbaycanla bağlı xatirəsində ən pozitiv məqam da məncə, elə bu olacaq.
Bizi İzləyin:
Whatsapp: whatsapp.com/channel/0029Va8Q...
Facebook: / ictimai.tv
Instagram: / ictimaitv.official
Teleqram: t.me/tvictimai
Sayt: itv.az/
Copyright © İCTİMAİ TV
#itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet
20 апр 2024
