HIMNO - Himig AglipayaNO
Samahan ng mga musikero at mang-aawit na naglilingkod sa Iglesia Filipina Independiente
Ang awit na ito ay ginawa alay sa ika- 60 na annibersaryo ng Diyosesis ng Tarlac. Ang mga titik ay isinulat ni Right Revd. Dindo Ranojo at nilapatan ng musika ni G. Delmar Ranojo. Ang awitin ay naglalaman ng dalawang mahahalagang pangyayari sa kasaysayan ng Plipinas at lalo't higit ng ating simbahang Iglesia Filipina Independiente na nangyari sa lalawigan ng Tarlac. Una ay ang Paniqui Assembly na naganap nuong Oktubte 23, 1899 na kung saan nagpulong ang 27 na Pilipinong pari para sa pagreporma ng mga simabahan dito sa Pilipinas na naging simula ng kaisipang malayang simbahan (sinapupunan ka ng simbahang malaya). Pangalawa ay ang pagtatayo ng sangay ng katipunan KKK sa bayan ng Victoria na tinawag na Liwanag, ito ay sa pangunguna noon ni Msgr. Gregorio Aglipay na kaunaunahang Vicario General Castrence.
IFI Tarlac
Titik ni: Rt. Rvd. Dindo Ranojo
Musika: G. Delmar Ranojo
Isinilang sa paghahangad ng pagbabago sa lipunan
Si Obispo Aglipay binuo at pinangunahan.
Sa bayan ng Victoria itinatag ang liwanag sangay ng katipunan
Hangarin para sa pagbabago ng lipunan.
Sinapupunan ka ng Simbahang Malaya
Sa Asembliya sa Paniqui
Sumibol ang paglalagom.
Sa pagbabago at pag-unlad ng ating Inang Simbahan
Kaparapatan, kakayahan at pagkakapantay-pantay para Filipinong Kaparian
Ito ang pinagmulan ng adhikain para sa Malayang Simbahan.
Marami ang nagdaang hamon
Maging buhay ay inialay sa makabagong panahon
Pagsusumikap, pagsunod sa isang hangarin.
At sama samang nagtitiwala sa gabay ng Diyos
misyon at ministriyang iniatang ay itataguyod.
Sinapupunan ka ng Simbahang Malaya
Sa Asembliya sa Paniqui
Sumibol ang paglalagom.
Sa pagbabago at pag-unlad ng ating Inang Simbahan
Kaparapatan, kakayahan at pagkakapantay-pantay para Filipinong Kaparian
Ito ang pinagmulan ng adhikain para sa Malayang Simbahan.
Minus One: Mark Del Monte Reginio
12 сен 2024
