Alin ang mas nakakalito? Ang paiba-ibang panahon, o mixed signals ni crush? Basta dito sa “It’s Showtime,” hindi ka malilito dahil siguradong good vibes ang hatid namin sa inyo. Kami na ang bahala sa inyong daily dose of happiness this Huwebes. Simulan natin ‘yan sa isang pangmalakasang kantahan kasama sina Rea Gen Villarreal at Garrett Bolden.
Bago pa magsimula ang guess-sing, nauna nang mamahagi ng blessing si Jackie Gonzaga. Ang target n’ya sa pagpapasaya: random madlang people na nagtitinda ng lugaw, regular man ‘yan o special.
Special din ang araw na ‘to dahil birthday nina Jaze at Briseis. Pero sila ang may handog na regalo: nag-uumapaw na ka-cute-an especially for you! Kasama sina Imogen and Kelsey, forda sing sila sa “Karaokids.”
Palaban ang magkakapares for today’s video: Lassy at Vhong Navarro, MC at Kim Chiu, Vice Ganda at Cianne Dominguez, Ogie Alcasid at Ryan Bang, at sina Teddy Corpuz at Jhong Hilario.
Sa pag-ibig, age is just a number. Walong taon man ang tanda ni Fatima kay Ace, hindi ito naging problema sa kanilang pagliligawan. Pero si Ace, masyadong naging busy sa pagiging working student. Para makabawi sa mga oras na nawawala, gumagawa ng paraan si Fatima para mapuntahan si Ace sa workplace.
Pero imbes na matuwa si Ace, naiinis lang siya’pag dumadalaw ang dating nobya. Dahil si Fatima, palaging naghahanap ng assurance. “Mahal mo pa ba ‘ko?” tanong niya kay Ace, maya’t-maya, mga five times a day! Si Ace, walang ma-say, dala na rin ng pagod at pananawa sa paulit-ulit na tanong ni Fatima.
Hanggang sa ang pagod at pagiging cold ay tuluyang lumala. Pag-ibig ay nawala na parang bula. Pakinggan ang kanilang kwento sa “EXpecially For You.”
Sa “Tawag Ng Tanghalan The School Showdown,” mahigpit ang naging laban nina Russel dela Cruz ng ICI College at Aica Torcino ng Kapalong College of Agriculture Sciences and Technology.
Mapuso ang pag-awit ni Russel ng “Faithfully,” samantalang powerful naman ang performance ni Aica ng “Zombie.” Napabilib nila ang mga hurado na sina Marc Bautista, Ogie Alcasid, at Kyla.
#Showtime4thOfJuly
#ItsShowtime
3 июл 2024
