Jerita tu ngenang pengidup kitai orang rumah panjai ti agi pabu petara pabu antu.Bisi tiga iku diri sekaban ti nurun mansai.Sida tu endang diri serumah lau agi dara magang.Tang, lebu ari nyau manggai dipuchuk pala, dia hari pan lalu ujan nyala.Tang sida tiga enda mulaika diri majakka diri mansai.Rindang meda mayuh amat ikan, gerama enggau undang ke ulih mansai.Dua iku nyau mayuh utai disebut bekenangka utai dempa di babas nya din ti ngujungka seduai puni.Nya mih ke ngujungka seduai ulih antu gerasi papa ke nurun ngasu maya hari ujan nyala.Siku pulai bepadah ke rumah panjai.Parai mih dua iku nya tadi.Benung sida ke nyenggai niang dua iku nya malamnya mega, dia Aki Manang bisi madahka sida serumah senentang pemarai niang dua iku nya.Puni lalu semengat seduai iya tampak, dipeda antu gerasi baka babi lalu diulihka antu gerasi lebuh sida ke ngasu maya hari ujan nyala, pia ku Aki Manang madah.
15 сен 2024
