Kamran M. YuniS - Möcüzə bir şeir kimi... 

#kamranmyunis #kamranyunis #xəyyammirzəzadə #şeirlər
#poeziyateatrı #şiirler #sevgişeirləri #poeziya #cızmaqara
Kamran M. YuniS - Möcüzə bir şeir kimi...
Bəstəkar - Xəyyam Mirzəzadə - "Bağ mövsümü" filmindən musiqi
Damcı-damcı həriflər düşər ruhumdan...
Düşər, kəlmə-kəlmə şeir olar.
Yumaram gözlərimi
Qaranlıq gecələrə,
Sadəcə nəfəs alaram, astaca, incəcə...
şeir olar, həm də ən zərif şeir.
Sevərəm gecəni, sevdiciyim kimi...
o da dönər şeir olar.
Baş qoyaram anamın dizlərinə,
Atamın çiyninə...
o da bir şeir olar, doğmalarımdan xatirə kimi.
Uzadaram əlimi
toxunaram sevdiyimin tellərinə,
O da dönər şeir olar...
Həm də o tellərin ətri gələr kəlmələrdən...
Sevgi ətirli, sevgi qoxulu...
olar... həm də ən gözəlindən.
Dünyanın ən gözəl gözlərinə şeir qoşaram,
bir də baxaram ki, qızımın gözləri də
ən gözəl şeir kimi gülümsəyir göylərdən,
Ayla Ulduz kimi.
İlahi...
Nə qədər şeir var yumulan gözlərimin içində...
Nə qədər şeir kimi İnsanlar var, İlahi...
Hər biri bir nağıl,
Hər biri bir möcüzə...
...Yenə yumdum gözlərimi... açdım...
Göydən üç alma düşdü...
Möcüzə bir şeir kimi...

Кино