KSRTC യിലെ പ്രണയദമ്പതികളും പ്രൈവറ്റ് ബസിനെ വെല്ലുന്ന വേണാട് ബസും | KSRTC HARIPPAD | AANAVANDI 

KSRTC യിലെ പ്രണയദമ്പതികളും പ്രൈവറ്റ് ബസിനെ വെല്ലുന്ന വേണാട് ബസും
loving couple in the KSRTC BUS as Driver and Conductor | KSRTC HARIPPAD | AANAVANDI
#iypevallikadan #ksrtc #aanavandi #aanavandiishttam #ksrtclovers #giriandthara #ksrtcalappuzha #ksrtcharippad #harippad #alappuzha
ഇരുപത് വർഷങ്ങൾ നീണ്ട പ്രണയത്തിന്റെ ഡബിൾ ബെല്ലടിക്ക് ശേഷമാണ് കോവിഡന്റെ ലോക്ഡൗൺ കാലത്ത് ഗിരിയും താരയും ഒന്നായത്.കേൾക്കുമ്പോൾ സന്തോഷം തുളുമ്പുന്ന കഥകളുള്ള പ്രണയജോഡികൾക്ക് മറ്റെരു പ്രത്യേകത കൂടിയുണ്ട്.ഇരുവരും ഹരിപ്പാട് ഡിപ്പോയിലെ KSRTC ജീവനക്കാരും ഒരേ ബസിലെ ഡ്രൈവറും കണ്ടക്ടറുമാണ്.
ഗിരിക്ക് 26 ഉം താരക്ക് 24 ഉം പ്രായമുള്ളപ്പോഴാണ് സ്വകാര്യ സ്ഥാപനത്തിൽ വെച്ച് ഇരുവരും പരിചയപ്പെടുന്നത്.പരിചയം പ്രണയമായി വളർന്ന് വീട്ടുകാർക്ക് മുന്നിലെത്തി.എല്ലാം ശരിയായി എന്ന് ഉറപ്പിച്ചപ്പോഴാണ് ജാതകം വെള്ളിടിയായത്.പൊരുത്തമില്ലാത്ത ജാതകം കൂട്ടിച്ചേർത്താൽ അനിഷ്ഠങ്ങളുള്ള പെരുമഴയാകുമത്രേ.
വീട്ടുകാരുടെ എതിർപ്പിനെ മറികടക്കാൻ ഗിരിയുടെയും താരയുടെയും പ്രണയത്തിന് കഴിഞ്ഞില്ല,അവരുടെ സമ്മതമില്ലാതെ വിവാഹിതരാകേണ്ടെന്ന് ഇരുവരും തീരുമാനിച്ചു.വർഷങ്ങൾ കടന്നുപോയി,ഇതിനിടയിൽ ഇരുവരുടെയും അനുജത്തിമാർ സുമംഗലകളായി.അവരിരുവരും സംഘാടകരും.
അതിനിടയിൽ PSC പരീക്ഷകളിൽ ഇരുവരും അത്യുൽസാഹത്തോടെ മത്സരിച്ച് പഠിച്ചു,2007 ൽ ഗിരി KSRTC ഡ്രൈവറായി,2010 ൽ തൊട്ടുപിറകെ താരയും കണ്ടക്ടർ വേഷമിട്ടു.
വിവാഹത്തെ ഏറെ എതിർത്തിരുന്ന ഗിരിയുടെ അച്ഛൻ 2019 ൽ മൺമറഞ്ഞു.അച്ഛനെ വിഷമിപ്പിക്കാതിരിക്കാനായിരുന്നു ഏറെക്കുറെ പ്രതിവിധികളിലൂടെ ശരിയായ വിവാഹം നടക്കാതെ പോയത്.
അച്ഛന്റെ മരണശേഷം പ്രണയത്തിന്റെ തീജ്വാല ആളിക്കത്തി അവരിരുവരും ഇരു വീട്ടുകാരുമില്ലാതെ അമ്പലത്തിൽ താലിചാർത്തി ഒന്നായി.
കല്യാണശേഷം കെഎസ്ആർടിസിയുടെ മലക്കപ്പാറയിലേക്കും വാഗമണ്ണിലേക്കും നടത്തിയ ടൂറായിരുന്നു ഇരുവരുടെയും ഹണിമൂൺ.
ഇരുവരും പൊന്നുപോലെ നോക്കുന്ന KSRTC ബസിനെക്കുറിച്ച് രണ്ട് വാക്ക് പറഞ്ഞില്ലേൽ വലിയ കുറവായിപോകും.
കേരളത്തിൽ ഇതുപോലൊരു ഓർഡിനറി കെഎസ് ആർടിസി ബസ് ഉണ്ടാകുമോ എന്നത് സംശയമാണ്.യാത്രക്കാരുടെ സുരക്ഷക്കായി ആറ് സിസിടിവി ക്യാമറകൾ,മനം മടുക്കുന്ന യാത്രകൾക്ക് സുഖം പകരാൻ നല്ല പാട്ടുകൾ കേൾപ്പിക്കുന്ന സ്പീക്കറുകൾ,ബസിലെ ദുർഗന്ധം മാറ്റാൻ ഓട്ടോമാറ്റിക്കായി പ്രവർത്തിക്കുന്ന ഫ്രഷ്നർ,കുട്ടികൾക്ക് പോലും യാത്ര ആനന്ദകരമാകുന്ന തരത്തിലെ പാവക്കൂട്ടങ്ങളും അലങ്കാരങ്ങളും,അപകടമോ അത്യാഹിതമോ ഉണ്ടായാൽ ഡ്രൈവറെ പെട്ടെന്നറിയിക്കാൻ എമർജൻസിസ്വിച്ചുകൾ,
അതുക്കും മേലെ പുറത്തും അകത്തും വൃത്തിയും വെടിപ്പും.
പുറത്തും ചില നല്ല കാഴ്ചകളുണ്ട്,ലക്ഷ്യസ്ഥലം കാട്ടുന്ന എൽഇഡി ബോർഡുകൾ,ഞാന്ന് കിടക്കുന്ന അലങ്കാരങ്ങൾ.സ്വന്തം പോക്കറ്റിൽ നിന്നുള്ള പണം കൊണ്ടാണ് ഗിരിയും താരയും ഈ ബസ് മനോഹരമാക്കി നിലനിർത്തുന്നത്.അലങ്കാരപ്പണികൾക്ക് KSRTC യുടെ മുൻമൂർ അനുമതിയുമുണ്ട്.
സാധാരണക്കാരുടെ ആശ്രയമായ കെഎസ്ആർടിസിയെക്കുറിച്ച് കെട്ടവാർത്തകൾ പ്രചരിക്കുമ്പോൾ പ്രൈവറ്റ് ബസിനേക്കാൾ മനോഹരമായി,സ്വന്തം വണ്ടി പോലെ സൂക്ഷിച്ച് സ്നേഹിച്ച് കൊണ്ടുനടക്കുന്ന ഈ ഡ്രൈവർ ഗിരിയെയും കണ്ടക്ടർ താരയയെയും എത്ര അഭിനന്ദിച്ചാലും മതിവരില്ല,ഇതുകണ്ട് അസൂയ മൂത്ത് പരാതികൾക്ക് പകരം ഇതുപോലെ പത്ത് പേർ കെഎസ്ആർടിസിയെ സ്നേഹിച്ച് തുടങ്ങിയാൽ കേരളത്തിന്റെ നിരത്തുകളിലെ ഏറ്റവും പ്രിയപ്പെട്ട വാഹനമായി KSRTC ബസ് മാറുമെന്ന് കാര്യത്തിൽ സംശയം ലവലേശമില്ല
അതുകൊണ്ട് ഈ വീഡിയോ കാണുന്നവർ സന്തോഷത്തിന്റെ കുറിപ്പുകൾ കമന്റായും അത് മറ്റുള്ളവർക്ക് കാണാൻ ഷെയറും ചെയ്യണമെന്ന സ്നേഹം നിറഞ്ഞ അഭ്യർത്ഥനയോടെ വണ്ടിയിലേറി ദൃശ്യങ്ങൾ പകർത്തിയ മിഥുൻരവിക്കൊപ്പം
ഐപ്പ് വള്ളികാടൻ
നമസ്കാരം.
Subscribe for more videos
......................................................................................
💙 facebook : / iypevallikadan
❤ Instagram : / iypevallikadan
💜TikTok : vm.tiktok.com/ZSeDEombD/
💛For Promotion & Enquiry : iypevallikadan@gmail.com
:07510173289