ශ්‍රී ගෞතම මුණි නිය ධාතුව වන්දේ..🙏
පද රචනය - කටුගස්තොට සිරිධම්ම හිමි
තනුව සහ සංගීතය - පමුදිත මානෙල්අංග
ගායනය - පමුදිත මානෙල්අංග , ඉසුරු විතානගේ , දිල්හානි කුලසේකර
ශාක්‍ය මුණි ගෞතම ශ්‍රී සම්බුදු රජාණන්වහන්සේගේ උතුම් ධර්ම මෙහෙවරෙහි දී තැබූ තැබූ පියවරක් පාසා උතුම් සද්ධර්මය තුළින් සරණ ගිය ලෝ වැස්සන්ට , උන් වහන්සේගේ උතුම් වූ වාම ශ්‍රී පාද පද්මයේ වැඩ සිටියා වූ උත්තම නඛා ධාතූන්වහන්සේ සිහිපත් කොට වන්දනය පිණිස මෙම සුගායනය සිදු කරන ලදී..
පද පෙළ 👇🙏
ලෝක විනායක ධම්ම රාජගුරු
අපගේ භගවත් මුනිදුන්ගේ
පරම සුකෝමල මගුල් ලකුණු පිරි
සිරිපාදේ වම් නිය වන්දේ
රන් වන් බුදු රැස් අහසට විහිදෙන
ශ්‍රී ගෞතම නිය ධාතුව වන්දේ
බරණැස මුනිදුන් පෙරලුව දම්සක
තවමත් පෙරලෙන සිංහල දේසේ
ධම්මගුප්ත නම් අරහත් මුනිදුන්
නඛා විහාරයෙ වැඩ ඉන්නේ
මහ පින් ඇති මහ භාතිය නිරිඳුන්
ඔත්තපුව මහ සෑය බඳින්නේ
රන්වන් බුදු රැස් අහසට විහිදෙන
ශ්‍රී ගෞතම නිය ධාතුව වන්දේ
ශාක්‍ය වංශයේ රාජ සැපය හැර
සඳලුතලාවෙන් බසිමින්නේ
පොළෝ තලාවේ සිරිපා තබමින්
පා ගමනින් වැඩි මුනිදුන්නේ
ලෝසත වෙනුවෙන් නිතරම වෙහෙසූ
පාද පද්මයේ වැඩ ඉන්නේ
සාදු සාදු ඒ වම් නිය ධාතුව
නඛා විහාරයෙ වැඩ ඉන්නේ
රන්වන් බුදු රැස් අහසට විහිදෙන
ශ්‍රී ගෞතම නිය ධාතුව වන්දේ..🙏
මෙම සංගීත නිර්මාණයේ සියලුම හිමිකම් මුල් නිර්මාණකරුවන් සතු වෙයි. මෙය ප්‍රතිනිර්මාණය කිරීම මෙන්ම තම නාලිකාවල ප්‍රවර්ධනය වෙනුවෙන් වෙනත් RU-vid හෝ Facebook නාලිකාවල නැවත ප්‍රචාරය කිරීම සපුරා තහනම් වේ..කර්තෘ අයිතින් උල්ලංඝනය කිරීමකි..
This audio track by Pamuditha Manelanga©
unauthorized copying, usage, publishing, public performance, hiring, renting, adapting, synchronization, reproduction, broadcasting, editing of this creation strictly prohibited and is a violation of intellectual property law.
Pamuditha Manelanga is the original composer of this song.
All Rights Reserved ©
1 дек 2022
