Logistika və nəqliyyat texnologiyaları mühəndisliyi ixtisası müasir logistika prinsipləri və texnologiyaları əsasında logistika və nəqliyyat sahəsinin idarə edilməsi üzrə mütəxəssis hazırlığını nəzərdə tutur.
Bu ixtisası bitirən tələbələr mənimsədikləri bilik, bacarıq və vərdişlərin nəticəsində müasir logistika və nəqliyyat texnologiyalarının tətbiqini, onların təşkilində inzibati, texniki, texnoloji, nəzəri və praktik məsələlərin həllini, texniki-iqtisadi təhlillər aparmağı, bu sahədə kompüter texnikası və texnologiyalarını tətbiq etməyi, eyni zamanda, logistikanın funksional sahələrində müxtəlif işlərə aid olan praktiki vərdişlər əldə edir və bu sahə üzrə Beynəlxalq Hava Nəqliyyatı Assosiasiyası standarlarına uyğun yüksək ixtisaslı mütəxəssislər kimi formalaşırlar.
Təhsil Proqramını müvəffəqiyyətlə bitirmiş məzunlar yiyələndikləri peşə kompetensiyaları sayəsində iqtisadiyyatın bütün sahələrində (xüsusilə hava nəqliyyatı sahəsində) logistika və nəqliyyat texnologiyaları ixtisası üzrə layihə-konstruktor, istehsalat-texnoloji və təşkilati-inzibatçılıq peşə fəaliyyətləri istiqamətlərində,beynəlxalq və yerli hava limanlarında, yerüstü xidmət şirkətlərində, nəqliyyat logistikası və ya logistika üzrə mühəndis, ekspeditor, daşımalar üzrə mütəxəssis olaraq çalışa bilərlər.
30 сен 2024
