Mai Mara Prasangaya Official Lyrical Video - මැයි මාර ප්‍රසංගය 

එයා කොහොමහරි මගේ කරගන්න ඕනෙ කියන එක දේශපාලනිකයි එයා කොහෙහරි සතුටින් ඉන්න ඕනෙ කියන එක විශ්වීයයි. ❤

කතා නායිකාවගේ පිළිතුර මගේ ඇසින්........... ඈත කන්දේ ගසක් දුටුවෙමි මල් පිපී ඇත බොහෝ ලෙස එහි එමල් මා වෙත එබී ඔබ කොහේ දැයි අහනවා... අහනවා... අහනවා... මගේ මුහුණේ සිනා සේයා වෙනද මෙන් දැන් ඇඳෙන් නෑ කන්ද ඒ බව දන්නවා... දන්නවා... දන්නවා... ඒ කන්ද දැන් මගෙන් හෙමිහිට එයට හේතුව අහනවා... අහනවා... අහනවා... අහනවා... සිතක සුසුමත් සුසුමෙ ස්වරයත් ස්වරයෙ පැහැයත් වගේ අමුතු විදිහට විඳින්නට මට ඉඩක් ලැබුනේ ඔබෙන් අමුතු විදිහට ලැබුනු ඔබගේ ආදරය මං හැඳිනුවා... හැඳිනුවා... හැඳිනුවා... හැඳිනුවා... ආශිංසා තත්සරණි 2023.11.15

ඒ ආදර කතාව සමිධ ගේ නොවේ දැන් මැයි මාර ප්‍රසංගයේ තනි වූ අපේ වු වග මට නිසැකයි.. ඇය කව්රු උනත් සමිධ ගේ ගසේ මැයි මාර මල් ඇය දකීවා මේ ගීයත් ඇයට ඇසේවා...❤

එක හුස්මට හිමින් සීරුවට පොත කියවලා ඒත් එක්කම QR එක scan කරලා මේක අහන්නෙ. එ හැගීම වචනෙන් විස්තර කරන්න අමාරු උනත් පොත කියවපු හැම කොල්ලෙක්ටම හොද ආදර්ශයක්. ❤️

සංචරණී.. ඔබ එක දවසකට හෝ අවාසනාවන්තියෙකි. මන්ද එවන් පිරිමි හිතක ගැඹුරුම ස්පර්ශය ඔබ නොදන්නා බැවිනි.. ඔබ එය නොලැබීමට තරම් අභාග්‍යවන්තියෙකි.. ඔව් ඔබ දැන් කොහේහරි ලස්සන තැනක, ලස්සන බිරිදක් සහ ආදරණීය මවක් වෙලා ඇති. ඒ පිළිබද නිසිආකාරව නොදන්නා බැවින් ඔබට අභාග්‍යවන්තී' යැයි පැවසීමට මා නොකැමැත්තෙමි. ඔබ මෙම පොත කියෙව්වනම්, ඔබගේ හර්දශාක්ෂිය දන්නවා ඒ ඔබ බව.. මම ඔබෙන් හර්දයාංගවම ඉල්ලීමක් කරමි., ඔබ මේ රතුම රතු මැයිමාර පණිවිඩය දන්නවානම්, එක පාරක් හරි දෙමෝදරට යන්න.. රතුම රතු මල් පිරිච්ච මැයිමාර ගහ දිහා බලලා එකම එකපාරක් හරි හිනාවෙන්න.. මේ ලස්සනම ලස්සන මැයිමාර පණිවිඩය ඔබට දැනගන්න ලැබේවා කියා ප්‍රාර්ථනා කරමි.. - ඔව් ප්‍රාර්ථනාවක්..! නිකන්ම ප්‍රාර්තනාවක් නෙවෙයි.. රතුම රතු මල් පිරිච්ච මැයි මාර ප්‍රාර්තනාවක්..! - 🥺❤️‍🩹🍁

ඇත්තටම සමිධ වගේ ප්‍රේමවන්තයෙක් මේ ලෝකේ ඉන්න පුලුවන්ද...?❤ ඒ තරම් සියුම් ව ගැහැණියක්ව විග්‍රහ කරන්න පුලුවන්...?, වචනයකවත් කතාබහක් නැතුව, සියුම් සපර්ශයක් වත් නැතුව දුරින් ඉදන් විතරක් ආදරේ කරන්න පුලුවන් ආදරණීය මිනිසෙක්...? සංචරණි කවදහරි දැනගනීවි ගවරවෙල කන්දේ මැයි මාර ගහේ අවාරෙත් මල් පිපුණ හැටි, සංචරණි සගරාව,ලස්සන අඩිපාර,අතින් ගිලිහුණු තුත්තිරි මල් මිට...🥀 සමිධ වගේ ප්‍රේමවන්තයෙක් ලැබුණනම් සංචරණි කොච්චර වාසනාවන්තියක්ද... නිකම්ම නිකං නෙවෙයි..... රතුම රතු මල් පිරුණු මැයි මාර වාසනාවන්තියක්....🌸🌸 මැයි මාර ප්‍රසංගය❤

පොත කියවන්න දුන්න කෙනා තවත් සමිධ අයියෙක් බවත් පොත කියවූ මා තවත් සංචරණීයක බවත් හොඳින් හඳුනමි❤

මට මේ පොත කියවලා ඉවර වෙද්දි ඇස් වලින් කදුලු වැටුනා .ඒ තරම්ම මේ පොත මට දැනුනා . ""ඔයාගෙ හිනාව බලන්න ඒ මැයි මාර ළමයා බලාගෙන ඉන්නවා සන්චරණී""💗

එයා කොහොමහරි මගේ කරගන්න ඕන කියන එක දේශපාලනිකයි. එයා කොහේහරි සතුටින් ඉන්න ඕන කියන එක විශ්වීය යි.🥀

මම දන්නෑ මහින්ද ප්‍රසාද් මස්ඉඹුල මහත්මයා මේක දකියිද කියලා.. ඒත් මට මේක කියන්නම ඕනේ " මැයි මාර ප්‍රසංගය " මගේ ජීවිතේ මම කියවපු ලස්සනම පොත. මින් මත්තටත් එහෙමමයි. සමිධ අයියා සහ සංචරණි ඇතුලු පොතේ සදහන් සියලු චරිත පාඨක සිතේ සදහටම ජීවමානව සිටින බව නම් ඒකාන්තයි... ❤ මේ වගේ පොතක් පාඨකයාට තිලින කිරීම ගැන ඔබතුමාට බෙහෙවින් ස්තූතියි. දිනක ශ්‍රේෂ්ඨ ලේඛකයන්ගේ නම් අතර ඔබතුමන්ගෙ නම ඉහලින්ම වැජඹෙනවා නොඅනුමානය.

හිනාවෙන්නද අඬන්නද කියලා හිතාගන්න බැරි මොහොතක මං ඉන්නෙ.. ජීවත් උනාද කියලවත් සාක්ෂියක් නැති සමිධ වගේ දුර්ලභ ප්‍රේමවන්තයො දවසක තනිවෙනවා.. හරියට සමිධ වගේම 😔 ඒ තරම් ආදරේ කරන මනුස්සයෙක් බොහෝ වෙලාවට ගැහැණියකට මඟහැරෙනවා.. හරියට සංචරණිට උනා වගේම 😔 නවතින්නෙ නැති අය නෑවිත්ම ඉන්න එක හොඳයි කියලා මං විස්වාස කරනවා.. නැත්තම් හැම මනුස්සයෙක්ටම සමිධට වගේ තනිවෙන්න වෙනවා මැයි මාර මලක්වත් නැතුවම 😔 කෝවිඩ් රැල්ලට අහු නොවී සමිධ ජීවත් උනානම් කියයි ; " සමුගැනීමට වඩා දරුණුයි අවාරේ මුණගැසීම.." 🥺🤎

නූලක එල්ලපු හීනි විදුළු බුබුළු වැලක් වගේ, කන්ද දිගේ ඇදෙන කෝච්චිය බලන්න ආසයි. ඉඟුරු මලක් වගේ දුර්ලභ ළා පාට ගැහැනු සිහිනය, ඇවිද ආ ඒ ලස්සන අඩිපාර බලන්න ආසයි. ගවරෙල කන්ද දිහා ඔහේ තප්පර හත අටක්, මාත් බලාගෙන ඉන්න ආසයි. සමිධ අයියා හදපු නෙල්ලි තෙම්පරාදුවේ, ආඝ්‍රාණ ශෘංගාරය මොකද්ද කියලා බලන්න ආසයි. සීත මීදුම අතරින් කඩා හැලෙන, ඒ වැහිබින්දු සංධ්වනියේ එන ඔබ දකින්න ආසයි. මල් පිපෙන සත්‍යයට විශාල බොරුවක් කරපු, ඒ මැයි මාර ගහ තිබුණු තැන බලන්න ආසයි. ඒ හැමදේකටම වඩා දැවෙන්තයෙක් වුණු, පුංචි මැයි මාර ළමයා යට නිදාගන්න ආසයි. අන්තිමට... මමත්, පැය දෙකක්, එක හුස්මක් අස්සේ, මගේ නම ඇහෙනකම්, මැයි මාර ගහ ළඟ තනි වුණා... ඉතින්... ඒ අමුතු විදිහේ ආදරේ එහෙම්මම තියේවා...🥹❤ - නිහඬ මා ප.ලි: ලියනගේ අමරකීර්තිගේ කුරුළු හදවතට පස්සේ අමුතු විදිහේ ආදරයක් දැණුනු පොතක්... ❤🧡❤

දවසක් නුවර ගිහින් එන්න ඇඹිලිපිටිය බස් එකට නැගලා ඉද්දි එහා සීට් එකේ හිටිය පිරිමි ලමයෙක් මං බහිනකල්ම මං එක හිනාවෙවී ආවා..එක වචනයක්වත් කතා කලේ නෑ...බහිද්දි නම මොකක්ද ඇහුවා...එයා යන්න ගියා...අදටත් මට ඒ මූණ අමතක නෑ...මං තාම නුවරට යනවා..ඒ බස් එකේ එනවා...කවදාවත් ආයේ හමුවුනේ නෑ..පොත කියවනකල්ම මතක් උනේ එයාව...කියාගන්න බැරිව අසම්පූර්ණ ආදර කතා තව කොච්චර ඇතිද.....❤

කතුවරයෙක්ට පුළුවන් ද මේ තරම් ම පාඨකයව රිදවන්න.... 💔

සියල්ල දත් ඔහුටයි ඔහුගේ මිහිරි බසටයි කිසිවක් නොදන්න ඔබටයි ඔබේ නොදන්නකමටයි 🤍🫂

පොත අවසානෙ ඇඩුනා . දැන් ගීතය අහද්දි ලොකු දුකක් දැනෙනවා 😔😭

පොප්ලර් ගස් වගේම දැන් මැයි මාර ගහටත් ලොකු කතාවක් තීනවා...🥀 , ආසම ලේඛකයෙක් ලියපු ආසම ගායකයෙක් ගායනා කරන ලස්සන සින්දුවක් 🥺❤️‍🩹

ඒකපාර්ශවීක ප්‍රේමයේ රිදුම් දෙන මිහිර - මැයි මාර ප්‍රසංගය......

ඔහු ගවරවෙල නම් වූ කන්ද මුදුනේ මැයි මාර නම් වූ රත් වන් මල් පිපෙණ ගසක් සිටුවයි.ජීවිතය සේම ඒ ගසද උස් මහත් වී කළගුණ දැක්වීමට රත් වන් පුංචී මැයී මාර මල් වලින් සැරසෙයි.ඔහු පතන්නේ ඒ මල් ඇයට එනම් සංචරණීට පෙනී ඇයගේ හදට සතුටක් දැනෙන ලෙසයී... ඔහු ඇයගේ සතුටම පතයී.ඇයගේ මුහුණේ සිනා ඔහු නොදැක්කත් කමක් නැති බව පවසයී.ඔහුට අවශ්‍ය වන්නේ ඒ කන්දේ හැදෙන රතු සාරියකින් සැරසී සිටින මානාලියක සේ සිටිනා මැයි මාර ගස දැක ඇය සිනාසීම පමණී.නමුත් ඇයගේ සිනාහව කන්දට පෙනෙන ලෙස ඔහු පතයි.. ඒ කන්දෙන් කැඩපතක් සේ ඇයගේ සිනාහව ඔහුට පෙනී ඒ කන්ද ඒ සිනහව දෙසම බලාගෙන ඔහුට ඉන්නට ලැබෙන ලෙස ඔහු පතයි.. මලක් යනු මෘදු වූත් සිනිඳූ වූත් දැකුම්කලු වූත් අමුතුම නිර්මාණයකී.මල යනු ඇයයි.එනම් සංචරණි.ඇයගේ සුසුම් ඔහු හොඳින් හඳුනයී.ඒ සුසුම් වල ඇති නොකියා කියන වචන වල ස්වර‍යත් ඔහු දනී.ඇය වෙනදාට වඩා මැයි මාර ගස දිහා බලා හිඳිමේන් ඔහු කලබල වූ හැටි ඊට සාක්ශී දරයි.ස්වභාදහම සමඟින් ජීවත් වූ සංචරණිගෙන් ඔහුට අමුතුම හැඟීම් පහල වෙයි.එවා අහිංසක වූත් ඔහුටම ආවේණික වූත් පිවිතුරු හැඟීම්‍ ය. අමුතුම විදියේ ආදරයක් නම් මේක ඔහු ඒක ඇයට නොපවසා ඔහු හද තුළ පමණක් තිබෙන්නට ඉඩ හරියි.... වර්තමානයේදීද සමිධයන් වැනි ප්‍රේම වන්තයන් බිහි වේවා.. එවැනි ආදරවන්තයන්ගේ කතාවන් ලොවටම කියා පාන්නට මස්ඉඹුලයන් බිහි වේවා.. පිවිතුරු වූ ආදරයක් මේ ආත්මයේදී නොලැබෙන්නට සංචරණියන් බිහි නොවේවා..!!! සිත්කවී✍️♥

පොත කියවලා ඉවර කරපු සැණින් සින්දුවත් බලන්න ආවෙ ❤️ ගවරවෙල කන්දේ අවාරෙටත් මල් පිරුණු මැයි මාර ගස වෙනුවට සමිධ අතුලසිරිගේ ගෙවත්තේ සත්තකින් ම මල් පිපුණු ඒ ආදරණීය කුතුහලය පිරි චමත්කාරජනක ගසේ "මැයි මාර ප්‍රසංගය" ඇයට පෙනේවා! ❤

හිත හිරි වැටිලා දෙවියනේ..ඒ ආදරේ ..මැයි මාර මලක් වගේ ම පිවිතුරුයි..අයිති කරගැනීමෙන් තොරයි..පවිත්‍රයි..ගුරු ගීතයේ පොප්ලර් ගස් දෙක වගේ හදවතේ රැදෙයි මේ මැයි මාර ගහ..ස්තූතියි ❤️

මට තාම හිතා ගන්න බැරි ඇත්තටම මිනිස්සුන්ට එහෙම ආදරෙ කරන්න පුළුවන්ද ? 🥀🥀❤️‍🩹

ඇත්තටම මෙහෙම හිතන මිනිස්සු මේ ලෝකේ මට ඔබට හමුවෙන්නම ඕනී❤

කරදමුංගු කරාබුනැටි සුවද අස්සේ සමිධ අයියාගේ ආදරයේ රසවත් බව හිතට දැනුන මොහොතක එයා සද්ද නැතුවම නික්ම ගොස් ඇත.😢

අමුතු හැගුමන් හිතේ පූදින නන්නොදන්නා නාදූන්ණියේ... නුඹ කොහේ හෝ සිටිනවානම් යන්න මොහොතක් දෙමෝදර වෙත... නුඹ එන තුරා රතුම රතු මැයි මාර මල් මග බලා හිදිනෙමි... සිනා රැල්ලක් නන්වමින් මුවගෙහි ඒදෙස බැලුමට නුඹ වෙත ලැබේවා ලැබේවා.. 🌻❤‍🩹

පොත ලගින් ඈත් උනු ගමන් අවේ සින්දුව ලගට ...... මැයි මාර ගහ ලග කැරකුනු මන් දැන් කැරකුනේ මෙ ගීතයේ 😘☺️☺️☺️ ඒ තරම් රසයක් ❤️☺️ ඒක මාර සුන්දර මැයි මාර කතාවක් 😘☺️

හොයාගෙන යන්න හිතෙනව, ගිහිං අතරමං වෙන්න හිතෙන්ව, සංචරණිත් උමතු කරපු ඒ මැයි මාර ගහ යටට ...🥺❤️

ගවරවෙල කන්දෙ මැයි මාර ගහ,සමිධ,සංචරණි මතක් වෙනවා.හිත බර වෙනවා.ඇස් තෙත් වෙනවා.ලස්සන පොතක්.ලස්සන ගීතයක් ❤

ආසම කතුවරයා අතින් ලියවුනු ගීයක් ආසම ගායකයාගේ කටහඬින්ම අහන්න ලැබුනු මම ඇත්තටම වාසනාවන්‍තයි...❤️❤️

සමිධ වෙනුවෙන් එකම ප්‍රාර්ථනයයි. සංචරණී, ඔබ තවමත් හුස්ම ගන්නවා නම් ගවරවෙල කන්දේ රතට දිලිසෙන මැයි මාර ප්‍රසංගය ඔබට පෙනේවා…. ඔබේ මුවගට සිනහ රැල්ලක් නැගේවා… සමිධ අපේ සිත් වල ඉතිරි කල වේදනාව ඔබට නොදැනේවා. ❤

11/12/2023 මැයි මාර ප්‍රසංගය මා දුටිමි. පාන්දර දෙකයි දෙකට විතර . ඈත කන්දේ ගසක් සිටුවමි. මල් පිපේවා! කවදහෝ එහි. එමල් ඔබ හට පෙනී සිතට සතුටක් දැනේවා................. /// එළියේ හිරිකඩ වැස්සක් . ඒ සමග මුහු වුනු සීතලත් ගෙවරගල, කලුපාලම,දෙමෝදරින් එන චමත්කාරය සජීවීව මවන්නට උදම් ඇණුවා විය හැකිය. කන හරහා හදවතට කිඳා බැස්සේ මේ පද දෙක විතරමයි. හුස්ම නැවතුනා වගේ දැනුනත්, සින්දුව නතර කරන්නට තරම් ආත්මාර්ථකාමී සිතුවිල්ලක් මා තුළ නොවිණි. අහෝ මේ ලෝකය තුළ මා දුටු ඒ සුන්දර නැවත බිහි නොවෙනා ඒ සහෘර්ද මිනිසා .ඒ අපූර්වතම ආදරවන්තයා ” සමිධ” යන නාමයට මාගේ ජීවිතය පූජා වෙනවානම් මා කෙනෙකු වෙනුවෙන් කල හොදම පරිත්යාගය එය වේවා ! මගේ හිත එය සහතික කලා...... ඔබේ මුහුණේ සිනා සේයා මං නොදැක්කත් කමක් නෑ.. ඒක කන්දට පෙනේවා..../// ඒ කන්ද දෙස බලාගෙන මට ඉන්න ඉඩ කඩ ලැබේවා.. /// සලන සුසුමත් සුසුමෙ ස්වරයත් ස්වරයෙ හැගුමත් වගේ. අමුතුවිදිහට හිතන්නට මම ඉගෙන ගත්තේ ඔබෙන්... අමුතු විදිහම ආදරෙනම්..ඒක එහෙමම තියේවා.../// මේ විදිහට සිංදුව ඉවර වුනේ සමිධ නම් ආදරයේ දෙවියන්ගේ පූජනීය ආදර වෘතන්තය මා සිත තුල රූපාවලෝකනය කරමිනි. ආඩම්බරකාර පිරිමි ඇස්පියන් කඳුළු අවහිර කරන්නට ගත් අනේකවිද තැත් ව්්‍යර්ථ කරමින් කදුලු නෙතු කෙවෙනි කරා ගලා ආවේ ඒ ආදරයට උත්තමාචාර කරන්නට සේය. තාමාගේ සිහින දෙව්දුව වෙනුවෙන් පරිසරය සමග ද්වන්දව පොර බදන්න, කාලය හරවන්න සමිධගේ ආදරයට විශ්වයම ශක්තියක් වුනා විය හැක. අප්‍රකාසිත මේ ආදරය ප්‍රාණවත් වූවානම් උදෘත මේ ආදරයේ හදවතේ නතර කරන්නට ,සන්තාන සුසුම් හෙලන්නට තරම් හේතුවක් නොවන්නට තිබුණා. ඕනෑම ප්‍රාථමික පාඨකයෙක් වු “මඩොල් දූව” පොතේ පිටු දෙක තුනකට වඩා පෙරළලා නැති මම “මැයි මාර ප්‍රසංගය “ මේ පොතේ කතා වස්තුව අහගත්තෙ මගේ ආදරණීය බිරිඳගෙන්. සරල උනත් ඒකේ සාරාංශය අහපු වේලාවේ ඉඳලම පපු තුරුලේ ගුරුල්ලන්නට ගත්තේ ඒ හැඟීම හුස්මකින් පිටකර මොහොතක් ගානේම ඒ පොත කියවන තැනටම මාව පත් කළා.... හරියටම රෑ 12.00 කියවන්න පටන් ගත්තම පාන්දර 2.00 වෙනකන් එක හුස්මට කියවන තරමට ඒ ආදරය සුන්දරයි.චමත්කාරයි. හරිම අපූරුයි.හරිම පූජනීයයි. කළු පාලම.. අහස සිඹ ගන්නා වූ නමුණුකුල කදු පන්තිය මීදුම් අතර එන කණාමැදිරියන් පෙලක් වැනි දුම් රිය. සදා පර නොවුන තුත්තිරි මල් සමිධ අයියගේ නාමයෙන් පිපෙණ ලස්සනම ලස්සන මල් පිරුණු මැයි මාර ගස ප්‍රේමණීයය රහස් සගවන ගෙවරගල කන්ද විශ්වයේ සොඳුරුතම මින්සාට ජීවය දුන් ඈය සංචරණිය.. හෘද ස්පන්දනය අඩු වැඩි කරන දුම්රිය හඬ අඩු වැඩි කරන රේල් ගැටය. රැයවල් පුරා නිදි වර්ජිතව නිමවනු සංචණියගේ සිනහව පොහොසත් කළ මැයි මාර මල් කිනිති.. කඳු පන්ති ඔබමොබ වසා සිට හිරු රශ්මිය දුට වික්ෂිප්ත වන මීදුම්දුමාරය.. ආත්මීය බැඳීම ඇති කළ තාත්තාගේ සොහොන් කොත... දිව්යලෝකයට යන්නට තරම් මනස්කාන්තව නිමකරපු පුංචි අඩි පාර සුළං සමග දඟ කරපු සංචරණියගේ ඉන්ඩිගෝ කෙස්කලඹ තෙළිතුඩට ආදරයේ නියම අර්ථය දුන් සමිධ අයියාගේ ලියුම් ලොමුදැහැගන්න බදුලු පරිසරය කාලයට නොදැනීම කාලයේ තාලයට ගෙවරගල පරිසරය සැරි සැරූ සංචරණියට එකදු තත්පරයක්වත් මග හැරෙන්නට නොදුන් සමිධගේ ඔරලෝසුව... තුල මා ජීවත් වෙමි . මා ඒ ආදරයට ගරු කරමි. එම ආදරයේ නිර්මාතෘ ඔබය. අමුතු විදිහට හිතන්නට මම ඉගෙන ගත්තේ නුඹෙන් සමිධ අයියේ ඔබට නිවන් සුව ලැබේවා .!! ඔබගේ මතු ආත්මයම සුවපත් වේවා !! 🙏🙏🙏🙏🙏🙏🙏

සමිධට වගේ හිත් හැමෝටම තිබ්බනම්.....

පොත කියෙව්වා...ඒ ගමන් සින්දුව අහනවා...ආදරේ වෙනුවෙන් අපි මොනාද කරන්නෙ කියන ප්‍රශ්නය ඉස්සරහින් ලොකු ප්‍රෙහෙලිකාවක් ඇති වුණා...❤ #respect Mahinda Prasad Masibula

මම හැමදාම දැක්ක, දකින දෙමෝදර ට දැන් පන තියෙනවා ❤❤❤ මටත් දැන් ඒක දැනෙනවා,, මමත් දැන් එහෙම දකිනවා.. ❤❤❤❤❤❤❤❤❤❤

එකම එක වතාවක් ඇවිත් යන්න ඔබ ආදරයේ විශ්වීය පණිවිඩය අරගෙන ගවරවෙල කන්දට.....මතක ඇතුවම අර පුංචි අඩි පාරෙන්ම... ඔබව බලාපොරොත්තුවෙන් ඉන්න... මැයි මාර ගසක් මැයි මාර මල් පුරවගෙන බලාගෙන ඇති කන්ද මුදුනේ.... එකම එක වතාවක් හිනැහෙන්න ඔබ ඒක ඇති මට සදා කාලෙට සමිධ

නම මොකක් දැයි තාම දන්නෑ නමක් නම් මං දන්නවා අහන්නට මට හිතුනේ නෑ එය නැවත නොපැමිණීයොත් කියා කපා තිබු ඒ පුංචි පාරේ හෙමි හෙමින් පා අඩි තියා බැස්සා පහලට සිනහා වීගෙන මැයි මාර ගස දෙස බලා සෑම දිනකම දකින්නට මට හිතුනා ඔබෙ ඔය මුවෙ සිනා ඒ නිසාමයි, අවාරෙත් මල් පිපුනේ ඒ මැයි ගහ පුරා. ~හසිනි පියුමිකා~ 14/01/2024

ජීවිත කාලය තුළ දුටුව ප්‍රේමනිය මිනිසා ඔහුය , එතරම් හැගිම් ඔහුගේ සිත තුළ කෙතරම් පිරි තිබෙන්නට ඇතිද , ස්තූතියි මස්ඉඅඹුල මහාත්මයාන්නි මොහොතකට හෝ මේලොව නැතැයි සිතු පිරිමින් පොතක් තුළදි හෝ මුණ ගස්සුවාට ❤

එයා කොහොම හරි මගේ කර ගන්න ඕනි කියන එක දේශපාලනිකයි.එයා කොහෙ හරි සතුටින් ඉන්න ඕනි කියන එක විශ්වීයයි.❤️‍🩹🥺. ආදරණීය සංචරණි. ඔබ මේ පොත කියෙව්වා නම් හැකි නම් අනිවාර්යයෙන්ම යන්න දෙමෝදරට.අවාරයේ මල් පිපුණු සුන්දර මැයි මාර ගස එතන නැති උනත් සමිධ විසින් සිටවූ ආදරයේ සංකේතයක් බදු වූ අලුත් සුන්දර මැයි මාර ගසක් ඔබට දැක ගන්න ලැබේවි.♥️

මාස ගානක් තිස්සේ මම ජීවත් වෙන්නේ මේ පොත ඇතුලේ, මේ සිංදු ටික ඇතුලේ, මේ කතාව ඇතුලේ.. මිදෙන්නට බැරි තරමට ඒ ඇතුලට මං ගිලිලා..මට දැනෙන්නේ, මේක මා දන්නා මගේ ජීවිත කතාවමයි.. සමහරවිට මම මැරෙනකන්ම මේ පොත ඇතුලේ ජීවත් වෙයි.. සමිධ වගේ ආදරවන්තයෝ නෑ කියලා හිතන්න එපා.. සමහර මිනිස්සු හිත් වලට දැනෙන තැන් වල සෑහෙන්න බැදෙනවා. අයිතියක් නැති උනත් නොසෑහෙන්න ආදරේ කරනවා. පරිස්සම් කරනවා.. "ආදරය කියන්නේ දීමක් පමණයි. නැවත ආපසු ගැනීමක් නෑ..." ඒ මිනිස්සු ඒක දන්නවා. ඉතින් ඒ මිනිස්සු කිසිම ඉගියක්වත් බලාපොරොත්තු නොවී තවත් ආදරේ කරනවා. කාලයත් එක්ක ඒ අමුතු විදිහේ ආදරේට ඒ මිනිස්සු ඇබ්බැහි වෙනවා. ඉතින් තවත් ආදරේ කරනවා. දවසක ඒ මිනිස්සු ඒ ආදරෙත් එක්කම මැරිලා යනවා... 🖤

මේ කතාව ගුරුගීතයට ගොඩක් සමානයි... ගුරු ගීතයේ තියෙන්නෙ අප්‍රකාශිත ප්‍රේමයක්,මේ කතාවෙත් එහෙමයි.. හැගීම්වල විසල් බව කියන රූපකයක් විදියට ගුරු ගීතයේ, පොප්ලර් ගස් 2ත්, මැයි මාර ප්‍රසංගයේ ,මැයි මාර ගසක් ගැන කියනව....බස් වහර පොත් දෙකේම ලස්සන සමාන කමක් තියෙනව... එකම වෙනස අවසානයේ අල්තිනායිට දුයිෂෙන් හමුවෙනවා.. එත් මැයි මාර ප්‍රසංගයේ සම්ධට සංචරණී කවදාවත් හමුවෙන්නෙ නෑ... ඇය කවදා හෝ ඒ මැයි මල් දකීවා...♥️♥️♥️

මං කියවපු ලස්සනම කතාවක්.කතාව කියවනකොටලස්සනට චිත්ත රූප මැවිලා පෙනුණා.දැන් film එකත් එනකම් ආසාවෙන් බලන් ඉන්නවා 😍❤️

මේ පාර ඒලෙවල් , ඉතින් මරුම කාලේක තමයි පොත කියෙව්වේ... කියවලා සතියකට එහා පැත්තේ උනත් පොත කෝම හරි පැත්තකින් තියාගත්තත් මේ සිංදුවෙන් මිදෙන්නම බැහැ.. පොත ගැන, සමිධ ගැන තිබුනේ මිශ්‍ර සිතිවිලි..... අවංක අදහස කිව්වොත් පොත ගැන මට හරිම වෙනස් හැගිමක් තියෙන්නේ.... මස්ඉඹුල සර්ගේ පොත් සේරම කියවලා තියෙනවා.. ඒ හැම පොතකම තිබුනේ තාත්වික ගතියක්.. ඒත් සර් එච්චරට තාත්වික ගතියෙන් ලිව්වේ ප්‍රබන්ධ ගැන..... ඒත් මැයි මාර ප්‍රසංගය කියෙව්වම ඇගට අමාරු අතාත්වික ගතියක් දැනුනා... සිද්ධිවල මොනවදෝ මන්දා අමුතු හිස්තැන් ගොඩක්... ඒත් , පුදුම හිතෙනම දේ ඒ අතාත්වික බව ඇතුළේම , මට විශ්වාස කරන්න අමාරු වුනා මේක ප්‍රබන්දයක් කියලා... මොකද සර්ම කතාවේ කියලා තිබ්බා වගේ ජිවිතේ කියන්නේ කවුරුත් ප්ලැන් කරලා ලියන කතාවක් නෙවේ.. අහඹු සිද්ධිවල එකතුවක්.. ඒ සිද්ධිවලත් , බලාපොරොත්තු නොවුන තරම් වේගෙන් ළගා වුන අවසානයේ තිබ්බෙත් ඒ ප්ලැන් කරන්නැතුව ලියපු ජිවිත කතාවක්දො මට සැක හිතුනා... පොතට මම ආදරේ කරන්න ගත්තේ ඒ මොහොතේ ඉදන්... මං දැක්කා කතාවට ලැබෙන ආදරය වගේම විවේචනත්.... හරිම සාධාරණයි .. මොකද සර් ඒක ලියලා තිබුනේ එහෙම... පොත ඉවර කරපු ගමන්ම මට හිතුනේ ෆැන්ටසිය ඕනවට වඩා ඔබ්බවලදො කියලා... සංචරණිට නොතේරි තියෙන්නේ කොහොමද , එක පොහොට්ටුවක්වත් නැති වෙන්න නිරුවත් වුන ගවරවෙල මැයි මාර ගහ එදායින් පස්සේ හිටි හැටියේම හැමදාම රතු පාටින් හැඩ වුනේ කෝමද කියලා ? ඒක අවාරෙදි පවා ?? ඉතින් තුත්තිරිමල් හත අටක් නෙලාගන්න තරම් සංවේදි වෙන කෙල්ල , ඇත මැයිමාර ගහ දිහා බලන් හිනා වෙන කෙල්ල... එයාට නොතෙරැනේ කොහොමද ? ඒ ගැන කුතුහලයක් නොතිබුනාම ද ? ඇය ඕනවටත් වඩා විශ්වය විශ්වාස කළා ද ? එහෙනම් සමු දෙන්නට වගේ ඒ ගහ දිහා වැඩිපුර වෙලාවක් එදා බලාගෙන ඉදියේ ඇයි... කෝම නමුත් , මං දන්නේ එක දෙයයි.... සංචරිණිට ලැබෙන්න නියමිත වුන මැයිමාර ප්‍රසංගයේ ඉදිරිපෙළ ප්‍රවේශ පත්‍රය මේ පොත බව මට විශ්වාසයි....

ඇයට මෙම ගීතය සහ පොත කියවන්නට හැකි වේවා...මැයි මාර ගසේ මල් ඇය දකීවා❤

මැයි මාර ප්‍රසංගය දුකක්ද සතුටක්ද කියලා හිතාගන්න බැරි හැඟීමක මාව අතරමං කරලා . ඒසා විශාල ආදරයක උරුමකාරිය වෙන්න සංචරණී ඇත්තටම පිං කරලා නැද්ද, එහෙමත් නැතිනම් සමිධ නොමැති ලොවක හුස්ම ගන්න වෙන බවත් ඒකට මල් පෙත්තකටත් ආදරේ කරන සංචරණීගේ හිත හයිය නැති බව දැන දැනම විශ්වය ඔවුන්ගේ දෑස් එකිනෙක හමුවීම වලකාලන්නට ඇතිද . හිමි නොවන ආදරයක වටිනාකම තුන් කල්හිම එකාකාර වෙන නිසා ඒසා විශාල අදහස් පිරුණු සිතක අයිතිකාරයකු වෙන සමිධට සංචරණිට ලියුම් ලියන්න වචන ගොලු උනාද. එහෙමත් නැතිනම් මෙහෙම හිතලා හිත හදාගන්න තරම් මං තවම බොලඳයි ද ම්ම්ම්..., කොහොම උනත් ඒ ඇස් මඟ හැරුණට සංචරණිට මැයි මල් බලන්න යන්නම වෙනවා . මං දන්නවා එදාට කාට නොපෙනුනත් සමිධ සංචරණිගේ සිව් නෙත් යා වෙයි. එතන මැයි මාර ප්‍රසංගයක්ම වෙයි . @nush ✍️♥️

ආසම ලේඛකයෙක්ගෙ ආසම පොතක් සම්බන්ධ සිංදුවක් ආසම ගායකයා ගායනා කරද්දි ❤

හිතට මේ තරම් දැනෙන්න නිර්මාණ කරන්නේ කොහොමද?මේ පොත කියවලා ඒ මතකේ කොච්චර දවස් හිටියද?මේ ගීතයත් එහෙමයි ❤

සමිධ කියන්නෙම අප්‍රසාදිත සෙනෙහසේ පුරාවෘත්තයක් ♥️

"අමුතු විදිහට හිතන්නට මම ඉගෙන ගත්තෙ ඔබෙන්.." අමුතු විදියේ ආදරේ.. 🥺❤️‍🩹

නළල දෙපැත්තෙන් හීන් හිරියක් යනවා, හිත හිරි වැටිලා ඇස් වලට කදුලු ඉනුවා😢 ඒක පාර්ශවික ආදරය තරම් සුන්දර දෙයක් මේ ලොකෙ කොහෙවත් නෑ❤️

මස්ඉඹුලයාණෙනි , සමිධ අය්යාගේ එකම පැතුම ඉටු වී හමාරය . ඔබ අතින් ඒ රසකාරක යෙදු කුතුහලය පිරුණු චමත්කාර ආදර කතාව ලිය වී ඇත.එයනම් මාරය .නිකම්ම නකන් මාර නොවේ මැයි මාරය.

එක හුස්මට කියවලා මැයි මාර ප්‍රසංගයේ හිර වුනා කියලා දැනෙනවා. ඒ වගේ අය ඇත්තටම මේ ලෝකේ ඉන්නවාද ❤️කියන ප්‍රශ්නයක් එක්කම. "එයා කොහොම හරි මගේ කර ගන්න ඕනෙ කියන එක දේශපාලනිකයි එයා කොහෙ හරි සතුටින් ඉන්න ඕනේ කියන එක විශ්වීයයි "❤️🥺

මම කියවපු ලස්සනම පොත 'මැයි මාර ප්‍රසංගය' ❤❤❤

ඇය මැයි මාර ගස දුටුවා විය හැකිය. තවමත් ඇය එය නොදුටුවා නම් කිසියම් දිනක ඇයට එය දැකිමට විශ්වය හා සොබා දහම උදවු කරනු ඇත.

❤,අපි මොනවද ආදරෙ ගැන දන්නෙ කියලා හිතුනා පොත කියවද්දි

පොත කියවලා සිංදුවත් අහලා... හැබැයි.. හිතේ තියන දේ මෙතන ලියන්නේ කෝමද කියලා හිතා ගන්න බැරිව හරිම අසරනකමක් දැනෙනවා.. ඉතින් මොකුත් නොලියාම එකම එක ප්‍රාර්ථනාවක් කරන්නම්...නමක් නොදත් සංචරනීය කොහේ හෝ හිටියත්.. සමිද අතුලසිරියන්ගේ ඒ මහා මැයි මාර ප්‍ර්‍රරසංගය ඔබට පෙනේවා..... ❤❤

“අපි හැමෝම මේ ලෝකෙට ඇවිත් යන්න ආපු අය” I feel it…🥺❤️

සමිධ අයියා මානුෂීයත්වය පසක් කළ උත්තුංග චරිතයක්... කුරුදු කරදමුංගු කරාබු නැටි නෙල්ලි වෑංජනෙත් එක්ක... ඒ අපූරු මිනිසාගෙ ජිවින සුවද මාර විදියට දැනෙනවා...❤ ඇත්තටම මැයි මාර ප්‍රසංගය මාරයි.

පොතක් කියන්නෙම හිතක් 📚 ❤️ සාහිත උයන හරි මැද පිනකට පිපුණ පරසතුව මස්ඉඹුලයන් 🙏 ❤️🖤 .... සිත් සතන් සුවපත් කරන හඬක් හිමි නව යුගයේ ගායක සුනීර 🎶❤️🖤 අපූරු සුසංයෝගයක්...👌

ඈත කන්දේ ගසක් සිටුවමි මල් පිපේවී කවදා හෝ එහී එමල් ඔබ හට පෙනි සිතට සතුටක් දැනේවා දැනේවා..... ❤

කතාව කියවලා ඉවර උනේ දැන්. ගීතයත් අහනවා. භාවනාවක් වගේ…දෙකම………….❤️❤️❤️❤️❤️❤️

මේ ලෝකේ හැම හොද ගැහැණු ආත්මෙකටම මුණ ගැහෙන්න ඕනි සමිත අතුලසිරි වගේ උත්තරීතර ආදරණීය පිරිමි හිතක් ❤️

සිනමා නිර්මාණයක අවසානෙට ම යන තේමා ගීතයෙන් කරන්නේ ඒ සිනමා නිර්මාණය ප්‍රේක්ෂක විචාරක හදවත් තුළ හැමදාමත් තැන්පත් කිරීමට ගන්නා එක්තරා ප්‍රයෝගයක්. ඒ ගීතය ඇහෙන වාරයක් පාසා ඒ නිර්මාණයට අදාළ චරිත හිතේ මැවී මැවී ඒ ඒ සිදුවීම් හදවත් තුළ දෝංකාර දෙන්න සලස්වනවා. සිනමා නිර්මාණය ඇතුළේ ජීවත් වුණු ප්‍රේක්ෂකයෙක්ට ඒක හැඟීම් එක්ක දියවෙලා යන නොමැරී මැරෙන හැඟීමක්. ගීතයෙන් හෙම්බත් වෙලා, හෙම්බත් වෙලා බැරි ම තැන වේදනාව නැති කරගන්නේ ඒ සිනමා නිර්මාණයේ තියෙන behind the scenes වගේ දේවල් බලලා. ඒත් කදුලු පුරෝපු කතා පොතකට තේමා ගීතයක් මේ විදිහට නිර්මාණය වුණොත් වේදනාව නැති කර ගන්න කෝ behind the scenes. පොත කියවලා දැන් මාසෙකටත් වැඩියි. අවසාන පරිච්ඡේදයේ වේදනාවෙන් තුවාල වුණු හදවතේ සියුම් තැන් මේ නිර්මාණයෙන් ආයෙත් පෑරුණා වගේ දැනුණා. මේ නිර්මාණය හුදෙක් සුවහසක් මැයි මාර ප්‍රසංගයට දැහැන් ගත වූ පාඨක ප්‍රේක්ෂකයාට සිදු කරන සාහිත්‍යමය දායාදයක් විතරක් නෙවෙයි. පරිකල්පන හැඟීම් කඳුලින් තෙත් කරන අසාදාරණාත්මක සාහිත්‍යමය ඝාතනයක්...🥺❤

අමුතු විදිහම ආදරේ නම් ඒක එහෙමම තියේවා!!! ❤

කියන්න වචන නෑ .කතාව වගේම සිංදුවත් අධිමාත්‍රාවක්❤️‍🩹🥀🥺

මම මේ ගීතයට අදාළ ග්‍රන්ථය කියවලා නෑ . ඉතාමත්ම සංවේදී ගීතයක් . ඉතාමත්ම සංවේදී ගායනයක් . හැඟුම්බරයි . සුභ අනාගතයක් සුනීර පුතේ . ඔබේ ආදරණීය විදුහල්පති අම්මා . 👍🌹👍💥🌟👍🌹

'මැයි මාර ප්‍රසංගය' කියන්නෙ නිකන්ම නිකන් පොතක් නෙවෙයි රතුම රතු මල් පිරිච්ච මැයි මාර පොතක් ❤

මැයි මාර ගසක් දකින හැම වෙලේම ආදරණීය දුකක් දැනෙනවා..

ඒක මාර පොතක් ,මාර සිංදුවක් මැයි මාර ගහක් ගැනයි ලියවුණු..මේ වගේ අපි නොදන්න ආදර කතා කොතෙක් ඇත්ද ? ලෝකෙටම හොරෙන් අවසන් උන 😥❤💐

කිසිදා අමතක කළ නොහැකි ගවරවෙල කන්දේ මැයි මාර ගහ, සංචරණී, සමිධ මේ ගීතයෙන් අපව තව තවත් ප්‍රකම්පනය කරවනවා.. ඒ හඬ, ඒ පද, ඒනද විශිෂ්ටයි.

සමිධ සංචරණි වෙනුවෙන්ම සිටවූ මැයි මාර ගස ඇයට පෙනී සතුටක් ලැබේවා. ❤

කවදමහරි දවසක සන්චරනී මේ කතාව දැනගත්තොත් ඇති...ඇය වෙනුවෙන් කෙනෙක්ගේ හිතේ මේ තරම් හැගීමක් තිබුනා කියලා..!!♥️🌿

ඒක නම් මාරම සින්දුවක්🥺❤ නිකන්ම මාර නෙමේ ඒක මැයි මාර සින්දුවක් 🥺♥️♥️

හම්මේ ඒකෙ ලස්සන .මසා, සුනීර හොඳ ම සුසංයෝජනයක් .නාද රටා ඒ සුසංයෝජනය තීව්‍ර කරලා.සුබ පැතුම් ❤

ආසම ලේඛකයෙක්❤❤ ආසම ගායකයෙක් ❤❤ හරිම ආදරණීය නිර්මාණයක් 💐 සුනීරගේ කටහඩින් ඒක ගොඩක් දැනෙනවා 💖

ලෝකෙට ඕනි මේ වගේ ආදරවන්තයෝ❤!

ඒක හරි අමුතු රසයක් තියෙන කතාවක්...හමු නොවී...කතා නොකර...ඒ තරම් කැප කිරීම් කරන මිනිස්සු මේ ලෝකේ කොහේ හරි ඇති. ..❤

ලස්සන කතාවක්,,,අද මිනිසුන් පේුමය විදින්න මාරා ගන්නෙ ,,,රාගය විදින්න ,,,සෑබෑ නිර්මල පේුමයක් කතාවක හෝ මුණ ගැසීම සතුටකි

තමන්ට කවදාවත්ම අයිති කරගන්න බෑ කියලා දැන දැනත් ඒ ආදරේ පස්සෙන්ම දුවන්න හිත හදාගන්න ලේසි නැහැ. හැබැයි සමිධ ඒ දේ කොහොමහරි කළා. අපි කවුරුත් නොදන්න, ඒත් සමිධ විතරක්ම දන්න, මැයි මල්වලට අසීමිතව පෙම් බැන්ද ඇයට මේ වචන ටික දැනේවි 💔

කියන්න වචන නෑ හරිම ලස්සන කතාවක් ❤

හදවතෙ ගැඹුරුම තැනක් ස්පර්ශ කරපු කතාවක්....❤️

සමිධ,සංචරණි එක්ක ගෙවුන කතාව ඇතුළෙ ජීවත් උන අපිට මේකත් භාවනාවක්❤🥺ඒ මතක මැදින් ආයෙත් ලස්සන ගමනක් එක්ක යන්න පුළුවන් පද පෙලක්,ගායනයක්,මියුරු සංගීතයක් ❤❤❤

මේකනම් මාර ලස්සන සින්දුවක් නෙවේ ලස්සනම ලස්සන රතු පාට මල් පිරුණු මැයි මාර සින්දුවක් 🥺❤️

කියවලා ඉවර වෙනකන් හුස්ම ගන්නත් අමතක උන පොතක්

ටත් ආශයි යන්න ඒ තැන බලන්න. ඒ පොත වගේම ගිතයත් භාවනාවක්.

හදවත පත්ලට ම දැනුන, මේ නිර්මාණය අප හමුවට ගෙන ආ ඔබ සියලු දෙනාටම මේ විශ්වයේ ශක්තිය ආශිර්වාද ලැබේවා!!! 🙏💝🙏💝🙏

ඔහුට ඇය හමුවේවා...හිමිවේවා....අහිමි නොවේවා...❤💐

හදවතේ ගැඹුරුම තැනක් ,කොනිති ගසා රිදුමක් ඉතිරි කර ....නික්ම ගිය අපූරුව....

කෝච්චිය තාමත් උදේ හවස නතර නොවී දුවනවා.. ඒත් ඔයා නෑ.. තුත්තිරි මල් යාය තාමත් මඟ බලන් හුළඟට වැනෙනවා.. ඒත් ඔයා නෑ.. ඉස්සර වගේම තාමත් ශ්වේත මීදුම් වගේම හිරිපොඳ වැහි වැටෙනවා.. ඒත් ඔයා නෑ.. අහම්බෙන් හරි ඔයා ආවොතින් ගවරවිල කන්දේ මැයි මාර ගහ ආයෙ හොයන්න එපා.. එයා එතන නෑ.. ඒ කන්දෙන් මේ කන්දට යන ගමන් පුරුදු විදිහට පුරුදු තැනම නැවතිලා කිසිම හිස්කමක් නැති වටපිටාව නිදහසේ බලන්න.. ඔයාගෙ ඇස් නොගැටුණු ඔයාගෙ ඇස් වල ගැටෙන්න බලාන ඉදපු රතු පාට මැයි මාර ගහ ඔයා අනිවාර්යයෙන්ම දකීවි.. එදා වගේම එයත් එක්ක හිනා වෙන්න.. මේ කතාවෙ එකම හිස්තැන සම්පූර්ණ කරන්න.. මැයි මාර ප්‍රසංගය දුරුත්තේ ඉදන් බක් මහ වෙනකම්ම තියෙනවා.. ඉඟුරු මල ඔයා ඇවිත් යන්න... - නිශා - Mahinda Prasad Masimbula 🙏❤️

අයිතිකරගැනීම නොවේ ප්‍රේමය..දුර ඉදන් ආදරය කිරීමද ප්‍රේමය වන බව සමිධ අයියා මැයී මාර ගසෙන් පසක් කලේය....❤

ඒ වගේ උතුම් ආදරයක් හැමෝටම මුණ ගැසේවා...

මම මගේ ජීවිතේ කියවපු ලස්සනම කතා පොත. මේ තුල හැමදාමත් ජීවත්වේවි. ❤️🌸

අමුතු විදියට හිතන්න කියා දුන් මැයි මාර ලමයෝ ඔයාටත් මං ගොඩාක් ආදරෙයි.

ළා පාට ගැහැනු සිහිනය හිනාවුණේ ඔබව සැරසූ ලක්දිව සකුරාවට බව කියන්නට රතු රෙදි මලෙන් නුඹව සරසා ඇගේ මුහුණ සිනහවෙන් සරසන්නට ඔහු කළ කැප කිරීම ගැන කියන්නට ඇයට නිදහසේ තත්පර හයක් ගත කර ඔබ දෙස බලන්නට සුදු වැලි මැද කොට ඒ වටා ගල් අතුරා ස්ථානයක් සැදූ බව කියන්නට ඔබ දෙස බලා හිනහෙන ඇයව ඔහු හොරෙන්ම මග නොහැරම සැම දිනම බලන් ඉන්න බව කියන්නට අවාරෙත් නුඹ සකුරාවෙන් සැරසෙන්නට හේතුව ඔහු බව කියන්නට තත්පර හය පසු කළ ද තවමත් ඔබ දෙස බලා හිඳින ඇගේ පුංචි වෙනසෙන් ඔහු කෙතරම් කලබලයට පත් වූයේද යන වග කියන්නට කොටින්ම කිව්වොත් ඇය එදා යන්නේ නැවත නොඑන්නම බව කියන්නට ඔබට එදා හැකි වුණි නම් ජීවිතය පුරා විඳවූ ඒ වරදකාරී හැඟීමෙන් මිදෙන්නට ඔහුට හැකි වන්නට තිබුණා නොවේද… ~මැයි මාර ප්‍රසංගය~ මේක තේරුම් ගන්න ඔයා ඒක කියවන්නම ඕනේ... 🥺❤ __°•Silu•°__

ඒ දෙන්නා එකතු උනා නම් ඒ කතාව එච්චර ලස්සන නොවෙන්න තිබ්බා...මේවගේ හිතට නොදැනෙන්න තිබුනා...

හරිම ලස්සන නිර්මාණයක්.මිනිස්සු හිතන විදිහ ලස්සන උනාම ජීවිතේ හරි ලස්සනයි ..❤️❤️

ගිතයේ පද,ඊටම ගැලපෙන ස්ංගීතය හා ගායනය අප සෞන්දර්‍යය ලෝකයට රැගෙන යයි.

වචනයට ගොනු කල නොහැකි සංවේදී හැගීමක් මේ..පොත සහ ගීතය..😢❤ මේ මැයි මාර ගසත් සදා නොමැකෙන මතකයක් වෙයි..ඒ රතු මලින් පිරුණු මැයි මාර ගසක්❤

ඊයේ කියෙව්වේ පොත නිදාගත්තේ හරි අමාරුවෙන්

ආදරයට කොයින්ද් සීමා.... මා දුටූ සිත නිවනම ආදරය මේ පුංචි මැයි මාර ලමයා.....මෙවන් ආදර කතා අපට නෙත නොගැටුනත් ලොවේ තවම ඇතැයි සිතමි...ඉතිම්..මේ අපූර්වත්වයට ඔබට තුති පුදමි 🖤🌼

ඇය එලෙසම එ මැයි මල් දකින්නැති...... ඇයගෙ මූනෙ සිනාවකුත් තිබෙන්නැති.....