Majaz* - Shanne Naqvi ki awaz - junoon e shauq ab bhi kam nahi hai 

Majaz* ki Ghazal,
Shanne Naqvi Sahab ki awaz meiN.
Courtesy: Hussain Afsar - Shahernaama
Junoon-e-shauq ab bhi kam nahiN hai
Magar woh aaj bhi barham nahiN hai
Bahut kuchh aur bhi hai is jahaaN meiN
Yeh duniya meHz Gham hi Gham nahiN hai
Bohat mushkil hai duniya ka saNwarna
Teri zulfoN ka peich-o-Kham nahiN hai
Taqaaze kyuN karooN paiham na Waaez
Kise yaaN fikr e beish o kam nahiN hai
Abhi maiN kya uThhuN bazm-e-tarab se
Abhi tO aaNkh bhi pur_nam nahiN hai
PaiiN sayle gham o sayle hawaadis
Mera sar hai ke ab bhi kham nahiN hai
Majaaz* ek baadah_kash tO hai yaqeenan
jo hum sunte thEy woh a'alam nahiN hai