Mana U La Pynhap Na Bneng || Psalm 78 || Lynti Bneng 763 - Saiñ Marweiñ 

MANA U LA PYNHAP NA BNENG
Mana U la pynhap na bneng
Ba kin bam ki paid jong U.
Pynban ki la nang leh pyrshah
Ïa u Bahalortam
Da pop da sang ki la haram
Ï'u Trai ha ri kynjah.
Ki la tynjuh ï'u Blei Kynrad
Hapoh dohnud jong ki
Da kaba pan jynbam bun jait
Ha jinglalot jong ki. (A)
Ïa ka suiñ-bneng
Trai U hukum ban plie jynkhang jong ka
Mana U la pynhap kum slap
Kin bam ha ban da kdang.
Ki briew ki bam pahuh pahai
D'u kpu jong ki Angel
B'u Blei U la pyndap pynbiang
Ba kin ïoh bam kyrhai. (A)
U la pynmih ka lyer mihngi
Pynkhie ka lyer shathie
Ïa ki U ai ka doh ban bam
Da ki sim khlaw ba her.
U la pynhap marpdeng dara
Sawdong ïingjaiñ jong ki
Ki bam katba ki kwah lalot
Ha ban da ngiah hi shoiñ. (A)
Kila tynjuh bad leh haram
Ïa U Bahalortam
Ï'u Trai Kynrad kim treh ban sngap
Kim shym rakhe ki aiñ.
Ki la lyndet bad shetkylla
Kum kpa tymmen jong ki
Ï'u Trai Kynrad ki shet shukor
Kum ryntieh bym lar kam. (A)