Mathaka (මතක) - Karunaratna Divulgane,Visharada Abhisheka Wimalaweera [Official Video] 

පරණ පොත් අස්සේ සඟවපු, අමතක කරපු, සමහර වෙලාවට පණ පිටින්ම වලලපු පරණම මතක වලින් තමන්වම සියුම්ව රිද්දවගන්න කැමති මිනිස්සු මිලියනයකට ආසන්න ගාණනක් මේ ගීතය අහලා විඳවලා විඳලා තියෙනවා....

Take care බලලා සින්දුව ආයේ අහන්න හිතුනා 😌

මේ අවුරුද්දත් ගෙවිලා යන්න යනවා. මතක ලන්තෑරුම 2024 දී ත් දැල්වේ නොවෙදෝ. . . 💖👍💖

ආදරෙ කියන්නෙ පරිත්‍යාගයක් මිත්‍රයා... මිනිස්සු පිස්සො වෙනවා .. පළවෙනි ආදරේ නැති වුණාම නෙවෙයි.. හිතට දැනුණු ආදරෙ නැති වුණාම 😊♥️ මං

ඇත්ත.. පිරිමියෙක් මැරීගෙන ආදරය කරන්නේ එක පාරයි ❤️ අම්මා නැති උනාම තාත්තා මට කිඋවේ එහෙමයි ... බොහොමයක් හිත්වල කකියන මතක වල එකතුවක්.. මතක සුන්දරයි ❤️🙏

එයා කොහේහරි සතුටින් ඇති.... .සමහරවිට මං ආදරේ කරපු තරම් මතක් වෙනවත් ඇති..... එන්න බැරිව දුක් වෙනවත් ඇති... සමහරවිට එහෙම නැතිවත් ඇති....❤

අකුරු ඇමිණුව කවක් ගානෙම හිතක සෙනෙහස දෝරෙ ගැලුවා අහම්බෙන් නෙත ගැටුණු කවියක් මමත් ලුහුබැඳ ගිහින් තිබුණා රුවක් වෙනුවෙන් නුඹව හැරගිය නුඹත් තනිවී හඬා තිබුණා නොදැන ඒ බැව් මමත් නුඹටම තව තවත් සෙනෙහසම පිදුවා හඳක් වෙනුවෙන් නුඹ අකුරු කල කවිත් මගෙ කර මමම ගැයුවා මට නොහිමි ආදරේ ගැන තව නොදැනුවත්වම හීන මැව්වා අහන්නම මග බලාගෙන උන් වචන හිත යට කැරලි ගැහුවා නොදැනුනා නොහැඟුණා සේ නුඹ මුණිවතම විතරක්ම පිදුවා අඳුරු දවසක කඳුළු හවසක සමුගැනීමක ඉවක් දැණුනා අනේ මොහොතක් රැඳෙනු නොහැකිද මා නොවන මම අසා තිබුණා හදවතේ දුක දරා ඉන්නට බැරි තැනදි නෙතු කඳුළු ලිහුණා මතක විතරක් මට ඉතිරි කර නුඹත් රහසෙම ගිහින් තිබුණා.....😔 සඳක් වෙන්නට නොහැකි තරුවක් අඳුරු අහසක දැවී දිළුණා එකම එක සිනහවක් වෙනුවෙන් යලි යලිත් ඉපදී මියැදුණා පුන් පොහෝදා සඳවතම යලි අඳුරු අහසට ඇවිත් තිබුණා තනිවෙලා උන් පුංචි තරුවක් යලිත් පොළොවට කඩන් වැටුණා.....♥

" තනිය හුරු මට මගේ ලෝකේ තනිය තනි නොකරන්න තිබුනා.එදා ඔය ඇස් දිහා නොබලම බිම බලාගෙන යන්න තිබුනා " I felt it ♥️🥀

සිංදුවේ තේමාවෙන්ම සිංදුවේ සමස්ථ අර්තය පැහැදිලි කරනවා.මතක ❤️කමෙන්ට් අස්සෙ තේරුමක් හොයලා හොයලා අන්තිමට මං සින්දුව අස්සෙ තනිවුණා පොඩ්ඩක්.ගීතයක් ඇත්තටම අපිට ඕනෙ විදිහට අපේ හිතේ කතාවක් ගොඩ නගාගන්න පුලුවන්.මේක මං ගොඩ නගාගත්ත කතාව. කතාව පටන් ගන්නෙ ජීවිතෙන් සමුගත්ත කෙල්ලෙක්.මැරුණට පස්සෙ පවා හුස්මෙ සුවද දැනෙන දුරින්ම මේ කෙල්ල තමන් ආදරේ කරපු කෙනාගෙ ලගින් ඉදලා.ඒ ලගින් ඉන්නෙම ඒ කෙල්ලගෙ හිතේ තියන ආදරේ නිසා.ඒත් කාලෙත් එක්ක ඒ කොල්ලට තවත් කෙනෙක්ව හම්බ වෙනවා.ඒ දෙන්න ආදරේ කරනවා.ආදරේට වඩා ඒ නාඹර වයසෙ කෙල්ල එක්ක මේ කොල්ලා රාගයෙන් බැදෙනවා.ඒ දෙන්නා ලිංගිකව එකතුවෙද්දි පවා ඒ දේවල් අර මැරුණු කෙල්ල බලන් ඉන්නවා.අහම්බෙන් වගෙ ඒ තෙමුණා කියන වැස්ස ඒ ලිංගිකව එකතු වෙන එකෙ අවසාන මොහොතේදී වෙන දේවල් ගැන් කියනවා කියලා මට හිතුණා.ඒ දේවල් එහෙම දකිද්දි අර මැරුණු කෙල්ලට තමන්ගෙ ආදරෙ වෙනුවෙන් කියන්න හිටපු වචන පවා අමතක වෙලා කොල්ලගෙ උරහිසෙම ඔලුව තියන් අඩන්න පටන් ගන්නවා. මේක අහන් ඉන්න කොල්ලා මෙහෙම කියනවා.මතක අමතක කරන්න බැරි තරමටම කලින් ආදරේ ලං කරගන්නෙ නැතිව තමන්ට ඉන්න තිබ්බා වගේම තව කෙනෙක් එක්ක ඒ විදිහට අර කෙල්ලගෙ මරණෙන් පස්සෙ එකතු නොවී ඉන්නත් තිබ්බා කියල කොල්ලට හිතෙනවා.තමන්ගෙ මැරුණු කෙල්ල ඒ වෙලාවෙ තමන් ලගින් ඉදලා මොනවදෝ කියන්න හදනවා වගේ මේ කොල්ලට දැනෙනවා වගේම ඒ දුක මැරුණු කෙල්ල උරහිසේ තියන් තමන් ගාවින් ඉදන් දුක් වෙනවා ඇති කියන දේත් ඒ මේ කොල්ලට දැනෙන්නෙ එයත් තාම හිතේ තියන් ඉන්නෙ පරණ ආදරේ නිසාම වෙන්න ඇති. අන්න ඒ වෙලාවෙ කොල්ලට හිතෙනවා ආදරේ වියෝවෙන් හිටපු තමන් ආපහු ආදරේ කරේ මෝඩකමකට කියන දේ .මොකද තමන් කලින් ආදරේ කරපු විදිහට අර අර නාඹර කෙල්ලට ආදරේ දෙන්න බෑ ඇත්තටම මෙයාට.හුදෙක්ම ලිංගික අවශ්‍යතා සපුරගන්න තමයි ඒ කෙල්ලට ආදරේ කරේ කියන දේ තේරුම් යනවා.ඉතින් අර මලක් වගේ නැවුම් පොඩි කෙල්ලගෙ ආදරේ ගැලපෙන්නෙ තමන්ට නෙමේ නැවුම් ආදරයක් බලාපොරොත්තුවෙන් ඉන්න කෙනෙක්ට කියන දේ මේ කොල්ලට තේරෙනවා. එහෙම කියද්දි මැරුණු කෙල්ලත් එයාගෙ තීරණ ගැන දුක් වෙනවා මේ කොල්ලා තමන් ගැනම දුක් වෙනවා දැකලා.ඒ කාලෙ ඉදන්ම ඒ කෙල්ල දැනන් ඉන්න ඇති ඒ කෙල්ල ඉක්මණට ජීවිතේ අතෑරලා දාලා යන කෙනෙක් බව.ඒක තමා එයා තනිය හුරු මට මගේ ලෝකේ තනිකම තනි කරන්නෙ නැතුව ඉන්න තිබුණා කියන්නෙ.එදා මෙ කොල්ලා තමන්ගෙ ආදරේ පෙන්නද්දි ඒ ආදරේ නොදැක්කා වගේ ගියා නම් අද තමන් හින්දා ඒ කොල්ලා එහෙම ජීවිතේ ගැන දුක් වෙන්නෙ නෑ කියන දේ ඒ කෙල්ල අවසාන වශයෙන් තේරුම් ගන්නවා. මේකට වඩා ගැඹුරු තේරුමක් ඇති මේ ගීතයේ.ඒක ගීයේ අයිතිකාරියගෙ මුවින්ම එනකම් මග බලන් ඉන්නවා. ❤️ -අදහස නිපුන පෙරේරා-

අභී කියන්නෙම තනිකරම බ්‍රෑන්ඩ් එකක් කියන සෙට් එක මේ පැත්තට ❤❤❤❤❤❤❤❤❤

සිංදුවටත් වඩා කමෙන්ට් දැක්කම ගොඩක් අය ගැන දුක හිතුනා...අවුරුදු ගානක් ආදරෙ කරලා වෙන් උන අය,අයිති වෙන්නෑ කියලා දැනගෙනත් ආදරේ කරන අය මේ ලෝකේ කොච්චර ඉන්නවද???ඒ හැමෝටම මේ සිංදුව ඇහෙද්දී පරණ මතක අලුත් වෙලා ඇස් වලට කඳුලු එනවා...ඒ තරමටම මේ සිංදුව මාර විදියට හිතට දැනෙනවා❤❤ "තනිය හුරු මට මගේ ලෝකේ තනිය තනි නොකරන්න තිබුනා...එදා ඔය ඇස් දිහා නොබලම බිම බලාගෙන යන්න තිබුනා"❤හරි ලස්සනට ගලපලා තියෙනවා ඒ වචන ටික...ආදරේ නොකරන කෙනෙක්ට උනත් මේ වචන ටික මාර විදියට හිතට දැනෙන වචන ටිකක්....අවංකව ආදරේ කරන හැම කෙනෙක්ටම ඒ ආදරෙ ලැබෙන්න ඕන 🥺🥺❤❤සිංදුව හරිම ලස්සනයි ❤❤❤❤

මට තේරෙන්නෙ නැති එක දෙයක් තියෙනවා. අපේ හිත රිදුණු වෙලාවට ඇයි ඒ හිත හදාගන්න හදනව වෙනුවට ආපහු ඒ හිත රිද්දගන්නම කැමති කියලා.ඉතින් ඒ සියුම් රිදුම දුන්නට ස්තූතියි මතක❤️🔥

හදක දැවෙනා ගින්න මැද්දෙන් දුක් සුසුම් හැමදාම හෙළුවා...... නෙතක ගලනා කඳුළු අතරින් මතක රුව හැමදාම දිලුණා අහම්බෙන් දුටු නුඹගේ මත්තේ මේ පපුව හැම රෑම රිදුනා........ හැමදාම ඔය පපුවේ දැවටී ලඟට ඇවිදින් ඉන්න හිතුනා....... දකින්නම මග බලාගෙන වුන් නුඹ එන්නේ නැතිවම ගිගින් තිබුනා දන්නේ නෑ රත්තරන් මට හුස්ම අමතක වෙලා තිබුනා..... නොඑන්නම නුඹ යන්න කලියෙන් ටිකක් මට පවසන්න තිබුනා...... යන්නෙපා පණ ඔය පපුවේ මට නැද්ද ඉඩ විමසන්න තිබුනා....... හැමදාම ඔය පපුවේ හංගපු නුඹ සෙනෙහේ මට දෙන්න තිබුනා නුඹත් හිත යට හංගගෙන දුක මටත් නොකියම ගිහින් තිබුනා..... වෙන් වෙනා මොහොතේදී වින්ද හුස්මක පහස මට මේ දැනුත් දැනුනා... දන්නවාද ඔය ආදරේ ළඟ මගේ මේ තුන් හිතම නිවුනා...... දුකම හුරු දුකම විදගෙන පාඩුවේ හිනැහෙන්න තිබුනා නුඹට ඇවිදින් මාව තුරුලට නොගෙන ඈතින් ඉන්න තිබුනා ලංවෙලා අපි විදපු හුස්මේත් අංශු ගානට මතක තිබුනා දන්නවා නම් අනේ එදවස මටත් නෑවිත් ඉන්න තිබුනා...... චමිලා කපුවැල්ල.............. ❤

"එදා ඔය ඇස් නොබලා බිම බලාගෙන යන්න තිබුණා" මේ වචන ටික යනකොට දැනුනා❤️

සිංදුව අහන ගමන් කමෙන්ට් කියවද්දි තවත් රිදෙනවා 😥💜️

ප්‍රේමය නිසා විදවන හිත් සුවපත් වේවා ❤️

සිල්ලර සිංදු අහන පරපුරක මේ වගේ නිර්මාණ අගයන්න පුලුවන් මිනිස්සු ඉන්න බව දකිද්දී දැනෙන්නේ පුදුමාකාර සතුටක්....ස්තූති අභී❤❤❤

අභි අක්කිගෙ සිංදු වලට ආදරේ අය කෝ බලන්න 😍😍

අැත්තටම අභි ඔයා මනෝ වද්‍යය වරියක් වෙන්න තිබුනේ. ඔයාගෙ හැම song එකක්ම ඔයාගෙ හැම වැඩසටහනක්ම මම බලනවා. එ් ඔයාගෙ කථා අැතුලෙ කියාගන්න බැරි අමුතුම චරිතයක් ඉන්නවා.

රිදෙනවා කියලා දැන දැනම මං අහනවා " එදා ඔය ඇස් දිහා නොබලම බිම බලාගෙන යන්න තිබුණා " ගොඩාක් අයට දැනෙන වචන ටිකක් 🥺❤️🍂

"එදා ඔය ඇස් දිහා නොබලම බිම බලාගෙන යන්න තිබුණා" ❤❤❤ එහෙනම් මෙතරම් වේදනාත්මක මතකයන් ඉතිරි වන්නේ නැත

මේ ටිකට ආස අය කෝ බලන්න... 😔✋ තනිය හුරු මට මගේ ලෝකේ තනිය තනි නොකරන්න තිබුනා එදා ඔය ඇස් දිහා නොබලම බිම බලාගෙන යන්න තිබුනා...

අපිට අයිති නැ කියලා දැන දැන ආදරේ කරනවා කියන්නේ ඒ තරම් වේදනාව ක්‌ තව ත් නෑ 🥺💔

💕මතක ගොම්මන අතර ඉදහිට ... පුරුදු ඔබෙ රුව මැවෙනවා.... පවන ඇවිදින් නුබ තුටින් බව.... හොරෙන් සවනට කියනවා 🥺💔තවම නොපිරුනු පුන්චි හිඩැසක මතක තාමත් තියෙනවා.... එකම අහසක් යටදි තාමත් හිතක් නුබ ගැන හිතනවා...

දාලා යන්න එපා කියලා....අඩද්දී....දාලා යන්න වුනාට මම තරහ නෑ...පණ පිටින් මතකය වලලන්න අදටටත් අපිට බැරිවෙලා... මැරුණු දවසකට උත්සාහ කරමු.....ආදරෙයි මතක හැමදාමත්

කරුනාරත්න දිවුල්ගනේ මහත්මයාණෙනි ඔබ තාමත් අපේ හිත හිරිවට්ටනව.

හිමි උනත් අහිමි උනත් නිමක් නැතුව ආදරේ කරන හිත් මේ ලෝකේ කොයි තරම් ඇතිද😥 හිමිකම කියන්නේ ආදරේ කොටසක් නෙවෙයි කියලා අපිට දැනෙන්නේ ඒ ආදරේ අපිට අයිති නෑ කියලා දැන දැනත් අපි සීමා නැතුවම ආදරේ කරනකොට♥😥😥😥 මේ ලෝකේ හැම අවංක ආදරයක් පිටිපස්සෙම නිමක් නැති ලෝකෙට හංගන දුකක් තියෙනවාමයි 😥😥😥😥♥️

ඒ ගීතය මත්ද්‍රව්‍යයක් .... හැමෝම වගේ ඇබ්බැහි වෙනවා ....පුදුම වචන ටිකක් ...කොච්චර ඇහුවත් එපා වෙන්නේ නැහැ ....ඔයාගේ නිර්මාණ හැමදාමත් එහෙමයි ....ආදරේ .. 🔥🔥

හිතේ අහුමුළු රිද්ද, රිද්දා අහන් ඉන්නට ආස හිතුණා... අනෝරා වැහි හතක් වැස්සත් හෙදුනේ නැති "මතක" රිදුනා....❤

සින්දුව අහද්දි වීඩියෝ එක මතක නෑ වීඩියෝ එක බලද්දී සින්දුව මතක නෑ ඒ තරම් රහයි.දෙකම ❤️

හැමෝගෙම ජීවිත වල තමන් ආස අය එක්ක පසුතැවෙන ජීවීත පසු කරලා වේදනාත්මක මතක ගොඩක් ඉතිරි කරගෙන..ආදරේ කියන්නෙ ම තමන්ගේ තීරණ නිසා තාවකාලික සතුටක් ලබන දෙයක්.. ❤️‍🩹🥹

ප්‍රේමය - විරහව - ශෘංගාරය - පසුතැවීම සහ වැස්ස. 💔♥️

දුකම උරුම වු හිතක් හැරදා සතුට ඈතට ඇදෙනු දුටුවා හිතම පිරිමැද හිතක දුක් නිවු ඇය කොහෙද මගෙ හිතම ඇහුවා රිදුණු තැන් මගෙ අතින් පිරිමැද සුවකරන්නට තනිව හැදුවා සුවනොවෙන ඒ රිදුම් යළි මගෙ අතින් පෑරී තවත් රිදුණා....... දැනෙන රිදුමන් ලියා හුස්මක පාකරන්නට ඇ වෙත හිතුණා තව ටිකක් අපි ඉමුද ඉවසන් නොඉවසිලිමත් මෙ හිත ඇහුවා ඇස් රිදෙනතුරු නැවත එනතුරු අහසෙ තරුකැට ගණිනු හිතුවා බලාහිඳිමත් ප්‍රේමයක් මට මතක හැටියට කොහෙද තිබුණා........ හඬන්නට දහසක් වු කාරණ හිතක පතුලේ රහසෙ හංගා සිනහ සළුවෙන් වසාගෙන මුව දුකක් නැහැ වගෙ මමත් උන්නා පරවයන්නට නොදී පෙම්මල තවතවත් සුපිපෙන්න හැරියා නුඹ ඇවිත් එය සිඹින හැටි හිත් ආකහේ මැවි මැවී පෙනුණා......... ------------------------------------------✍විකුම්....

අභිෂේකා කරන්නනේ ටිකයි. සින්දු නෙමෙයි ඒවා කලා කෘති..! ❤️👍 සුභ පැතුම්..!

තනිය හුරු මට මගේ ලොකෝ තනිය තනි නොකරන්න තිබුනා 🙇 ජිවිතේ දෙවෙනි පාරට අද ආදරෙන් ප්‍රතික්ෂේප උනා ( 2022.11.22 ) - මං අදටත් මං ගැනම සතුටු වෙනව ආදරෙන් පරදින්නැතුව ප්‍රතික්ෂේප වීම ගැන -

විඩාබර දවසක් අවසානයේ මම කරන්න ආසම කුමක් ද? සීතල වතුරකින් ඇඟ සෝදගෙන සීතල කඳු කරයේ සිහිලස විඳ ගනිමින් පොරෝනාවක උණුසුමට ගුලි වෙන්න, කවදත් මං ආස විදියට පොතක ගැඹුරට කිමිදෙන්න ද? යාළුවෙක් එක්කලා දොඩමළු වෙන්න ද? හිත ඇඳී ගිය ගීත ලැයිස්තුවකට සවන් දෙන්නද? හිත පුරා දුවන සිතුවිලි නිදහසේ ලියලා දාන්නද? මගේ පුංචි දූ පැටියාගේ හුරතලය ට සවන් දෙන්න ද? ඇත්තම ඇත්ත නම්, එක එක දවසට මගේ හිත මානසික සුවය හොයමින් ඉල්ලන නිවන එකිනෙකට වෙනස්. විටෙක දී දවස් වෙහෙසකරයි. ජීවිතේ එක්තරා කාලයක, දුකින් සහ ශෝකයෙන් මුසපත් ව ජීවිතය උස් කඳු මුඳුන්, ඝන වනාන්තර, දිය ඇළි සහ ගැඹුරු ගංඟාවල අතර මැද සෙවූ සමයක මා පෙමින් බැඳි මේ ජීවන විලාසිතාව දැන් මගේ ජීවන වෘත්තිය. මම දැන් වෘත්තීය ත්‍රාසජනක ක්‍රීඩා වල නිරත වන්නෙක්. ඉස්සර වරක් දෙවරක් නොසිතාම කළ ක්‍රියාකාරකම්, දැන් දැන් අත්‍යාව්ශ්‍ය මොහොතක පමණක් ගනු ලබන අවදානමක් බවට පත් වී ඇත්තේ, එවන් මොහොතක, මගේ ලෙයින් මට දාව ඉපැඳුණු මගේ සුරතල් දියණියගේ සිඟිති මුහුණ මගේ මනැසේ ඇඳෙන නිසාවෙන්. ඇය මගේ ජීවිතයේ මගේ මහඟු දායාදයයි. මීන් පෙර කිසිවෙකුට හෝ පසුව ඇයට වැඩියෙන් මට කිසිවෙකුට නම් ආදරය කළ නොහැකි බව නම් සනාතන ඇත්තක්. අදත් බොහොම සාර්ථක දවසක්. නමුත් විඩාබර බොහොතක අද මගේ සිත සෙවූ නිවන සොයන් යන මොහොතක කන වැකුණු අභිෂේකාවන්ගේ "මතක ලන්තෑරුම්" ගීතය මගේ ආත්මයව සොලවා දැමූ බව ඇත්තක්. සිතට ආ දහසක් සිතුවිලි ලියා තබන්නට මගේ හුදකළා කාමරයේ ලියන මේසයට වාඩි වූ කල් හී, මට ලියන්නට හැකි වූයේ මෙපමණකි. "අභිෂේකා! මෙව්වා සිංදු නෙමෙයි. උල් පිහි" සොඳුරිය "එදා ඔය ඇස් දිහා නොබලා, බිම බලාගෙන යන්න තිබුණා" ඉතිරිය කිසිදා ලියා අවසන් කළ නොහැකි සසරකි... නදීශ දිලුම් දිසානායක

අභී...❤ අර කෙනෙක් කිව්ව වගේ මමත් හරි බයයි ඔයාගෙ සිංදු වලට.... කොහේ හරි තැනක් තියනව ඒ හැම සින්දුවකම,මතක අවුස්සලා,හදවත හූරන... හැබැයි මම ආදරෙයි අභී,,,ඒ වේදනාවට,දෙතුන්සිය වතාවක්,ඒ සිංදුම අහන තරමට...❤

මම මේ වගේ ගීත රස විදින්න ආසයි. ඒත් බයයි. පන පිටින් වලලපු මතක වලින් තමන්ව සියුම්ව රිද්දගන්න පුලුවන් මේ ගීතය ඇසෙනකොට. හරිම ලස්සනයි ❤️අභි අක්කි. තනිය හුරු මට මගේ ලෝකේ තනිය තනි නොකරන්න තිබුණා එදා ඔය ඇස් දිහා නොබලම බිම බලාගෙන යන්න තිබුණා...

අතීතයත් එක්ක ජිවිත් වෙන මතක අමතක කල නොහැකි මිනිස්සුන්ට මේ ගීතය ආයේ පාරක් අතීතයට😌💔 ගිහින් අතාරිනවා

ජීවිතේ කවදා කොහොම දාහක් දෙනා අතරින් මතක හිටිනා කෙනෙක් හිටියා .... හැමෝගෙම හිත් අස්සේ..... එකම එක රූපයක් විතරයි මුලු ජීවිතේ ටම හිතක් පුරාම සදාකාලිකවම නතර වෙන්නේ.... ප්‍රේමයේ නියමක් උනාට වෙන්වීම ... ජීවිතේ නියමයක් හදවත උතුරන්න ආදරෙ එකපාරක් විතරක් හමුවීම ....... ❤

මගේ අවුලක්ද මන්දා විෂුවල් එක බලද්දි වචන වලින් මොනවද කියන්නෙ කියලා තේරෙන්නෑ. මේකෙ ඕඩියෝ ට්‍රැක් එක වෙනම අහන්න ඕන. රූප රාමු ප්‍රභලයි😍♥️

උඩුගම් බලා පීනන අභී ට මගේ ආදරය ❤️

තනිය හුරු මට මගේ ලෝකේ තනිය තනි නොකරන්න තිබුණා... 🤍 'හදවතටම' වැදුන ලොකුම 'පසුතැවීම'.. අන්තිම පදපේලි ටික ගොඩක් අයගෙ ජීවිත වලට තදින්ම සමීපව බැඳෙනව කියලනම් හොඳටම විශ්වාසයි

"තනිය හුරු මට මගේ ලෝකේ තනිය තනි නොකරන්න තිබුනා " 😥 " එදා ඔය ඇස් දිහා නොබලා බිම බලාගෙන යන්න තිබුනා" 😌😢 හිතට තදින්ම වැදුනු කොටසක් 😔

#මතක.. part 01 වැස්ස හරිම ප්‍රේමණීයයි..වැස්සකට පුලුවන් අපේ වැළලීගිය දුක්බර හෝ සතුටු මතකයන්ට හරි අපූරුවට පණ දෙන්න.. නැවත මොහොතකට ඒවයේ ජීවත් කරවන්න.. අතීතයේදී ඒ කියන්නේ තරුණ කාලයේදී ප්‍රේමයෙන් වෙලුනු සහ ඒ ප්‍රේමයේ මතකයන්ගෙන් තවමත් ගැලවෙන්න බැරි උන පිරිමියෙක් ගැන..පිරිමින්ට විතරක් නෙවේ..අනිත් පාර්ශවයටත් මේක ආදේශ කරගන්න පුලුවන්..නමුත් මම හිතනවා පිරිමි අතිතයේ ඇලිලා ගැලිලා ඉන්නවා වැඩී කියලා පිටට නොපෙන්නුවට කාටත් නොකීවට..මේක කිව්වම මතකෙට එන්න ඕන ඝරසරප චිත්‍රපටය...හරය ඒ හා සමාන නමුත් වෙනත් කතාවක් තමයි මෙතන වෙන්නේ.. ප්‍රේමයෙන් අතිශය විදිහට වෙලුනු දෙන්නෙක්..මේ තරුණයා ප්‍රේමයෙන් වෙලුනු කාලෙක තරුණීයකට ඉතාමත්ම ආදරයෙන් ඉඳල තියනවා.. මේ දෙදෙනාගේ ප්‍රේමයේ මතක කෙතරම් ප්‍රභල ද කියනව නම් වැලලී ගිය මතකයෙන් හුස්මකින් වුවද අඳුර ගන්න පුලුවන් තරම් මේ දෙන්නා කොච්චර ලං වෙලා හිටියද කියලා හිතාගන්න පුලුවන් කියලා හිතෙනවා මේ අහන අයට නම් අත් දැකීම් තියෙන්න පුලුවන්.. ඒක හරියට ආත්මීය බැඳීමක් වගේ හරියට සංසාරයෙන් සංසාරේ පෙරුම් පුරාගෙන ඇවිත් වගේ..ඒ වගේ ප්‍රේමයක් නැති උනාම හරිම වේදණීයයි..ඒක අමුතුවෙන් කියන්න ඕන නෑ කියල හිතනවා.. අපි කාට උනත් අතීත ප්‍රේම වෘතාන්ත වල මතකයන් වලින් සම්පූර්ණයෙන්ම ඉවත් වෙන්න බෑ..මොකද ඒවා තමන්ගේ ජීවිතයට බැඳුනු දේවල් නිසා..මතක යටපත් වෙන්න පුලුවන්...ඒත් නැති වෙන්නෙ නෑ.. ඒ යටපත් උන මතකයන් ඉඳහිට උඩු දුවන් ඇවිත් ඉඳහිට මතක පෑරීලා හිත රිදෙන්න පුලුවන්..ඒ මතක නිසාම තවත් කෙනෙක්ගේ ජීවතයට කෙතරම් බලපෑම් කරන්න පුලුවන්ද..මේක බලද්දි දැනෙන්න පටන් ගනීවි..කාලයගේ ඇවෑමෙන් මේ පුද්ගලයාට හමුවෙනවා තරුණියක්..මේ දෙදෙනා ආදරයෙන් වෙලෙනවා..නමුත් ඔහු ඇත්තටම මේ තරුණියට ආදරේද? මතක ලන්තෑරුම් අඳුර මැද ඔබේ හුස්මක සුවඳ දැනුණා අහම්බෙන් වට මුරුගසන් වැහි මැද්දෙ මම තනියෙන්ම තෙමුණා කියන්නම මග බලාගෙන උන් වචන අමතක වෙලා රිදුණා දැනුනෙ නැතුවට මගේ කඳුළින් කමිස උරහිස තෙමී තිබුණා මෙතනදි අභිශේකාගේ හිතේ තියන අදහස තමයි කියවෙන්නේ.. ඇයත් මේ මතක වලින් විඳවනවා කියලා මේ පද වලින් කියන්න පුලුවන්..ඇයට ජීවිතය සහ ඔහුව හැරදා යන්න වෙනවා.. නමුත් ඇයට මේ හේතුව කියාගන්න බෑ..හිතේ කැකෑරෙන වේදනාව නිසාම ඇයට එය කියාගන්න බැරි වෙනවා..ඇය ඒ වේදනාව ඔහුගේ උරහිස මත හිස තියාන ඇගේ වේදනාව පිට කරනවා.. මේ කියාගන්න බැරි දේ කඳුලුවලින් ඇය පිට කරන්නේ එහෙමයි. මේ තරුණයට මේ දුක නොතේරෙනවා නෙවෙයි..නමුත් ඔහු දන්නවා වෙන්න යන දේ..මේ.තරුණයට යලි මතකාවර්ජනය වෙනවා අලුත් තරුණිය ඔහුගෙ උරහිස මත හිස තියන ඉන්න නිසාම..ඒ නිසාම ඔහුට යම් යම් අතීත දේවල් මතක් වෙනවා.. මතක ලන්තෑරුම් අඳුර මැද හුස්ම නොතියා ඉන්න තිබුණා අහම්බෙන්වත් මුරුගසන් වැහි නොදී ඈතට යන්න තිබුණා කියන්නම ගිය වචන අමතක වුණත් මගෙ හදවතට දැනුණා නොදැනුණා වාගේම උන්නට සුදු කමිස උරහිසට රිදුණා අපි කවුරු උනත් ප්‍රේම කර වෙන් වෙලා අවසානයේ කියගන්නවා ඇති මොකටද අපි හමු උනේ.. හමු නොවුනා නම් මේ වගේ දුකක් උරුම නෑ නේද කියලා හුඟක් අය පසු තැවෙනවා..ඔහුත් ඇයත් ඒ වගේම තමයි හිතන් ඉන්නේ..මොකද ඒ හමුවීමෙන් උරුම දුකක් මිස සතුටක් නොවන නිසා.. ඒ නිසාම ඔහු තාමත් ඔහුගේ වියෝ වු ප්‍රේමය ගැන කලකිරී මනසට එන දේ නිසාම ඔහු ඇයට කියන දෙයක්..යටපත් උන ඒ වගේ ශෝචනීය මතකයක් යලි මතක් වෙන්නටවත් නොවුනා නම් කියලා..සාමාන්‍යයෙන් කාන්තාවක් ඔහු ආදරය කරන පිරිමියා ලඟ හඬා වැටෙන්නේ දරාගත නොහැකි අවස්ථා වලදි විතරක්ම.නිසා .ඒ කඳුලු වල තියන වේදනාව උරහිසට දැනුනත් නමුත් ඔහු ඒ දේ හිත ඇතුලේ දුක දරාගෙන ඉන්නවා.. Part 02 මේ කමෙන්ට් එකේම රිප්ලයි එකේ

ආද⁣රයෙන් පැරදුණ තරැණයෙක්.ගොඩක් වෙලාවට තමන්ගෙ මිය ගිය බිරිද ගැන මතකයන් එක්ක ජීවත් වෙන ස්වාමිපුරැෂයෙක් වෙන්නත් පුලුවං.අහම්බෙන් මෙයාට හම්බෙනවා තරැණියක්.ඒ තරැණිය මෙයාට ආදරේ කරනවා.ඒත් ඒ තරැණයගෙ හිතේ ඇතිවෙන්නෙ ආදරයක් නෙමෙයි අවස්තාවට අනුව කාමුක හැගීමක්.කාලයක් යනකොට මේ තරැණයට අතහැරැණ ප්රේමය ගැන නැවත පීඩා විදිනවා.එයා තේරැම් ගන්නවා ඔහුගේ සිතේ මේ යුවතිය ගැන ප්රේමයක් නෑ කියලා.ඔහු ඇයව ප්‍රතික්ශේප කරන්නෙ ඔහුගේ හදවතේ ඇති දේ තේරැම්ගත් නිසා වෙන්නැති.අවසානයෙදි තරැණිය ඇත්තට මුහුණ දෙනවා.ඇය අවසන් වරට ඇගේ ප්‍රතිචාරය අවසානයේදී කියනවා."එදා ඔය ඇස් දිහා නොබලම බිම බලාගෙන යන්න තිබුනා😥 " මේක මං දකින විදිහට ජීවිතයේ ගොඩක් දුර ආපු දෙන්නෙක්ගෙ අතීතය ගැන පසුතැවීමකින් ඉවර කරන්න හදපු මතක ආවර්ජනයක්.. මම දන්නෑ හරියටම ගැබ් උන අර්තය මේකද කියන එක.රෑප රචනාව බලන්නැතුව හෙඩ් සෙට් එක ගහගෙන ඇස් පියාගෙන අහද්දි මට දැනුන දේ ඔන්න ඔය විදිහයි.ඔයාලටත් දැනුන දේ කියන්න.

හිත පතුලටම දැනෙන ඇස් වලට කදූළු පුරවන භාවනාවක් වගේ ගීතයක්. ❤

මේ සින්දුව මට මගෙ අතීතේ මතක් කරලා මාව සංවේදී කලා.අපි මෙච්චර ආදරනීය මනුස්සයෝ කියලා මට ආයෙ වතාවක් මතක් කරලා දුන්නා❤️

රාගය සීමිත කාලයකදී නැති වෙන බවත් , ආදරය ජීවිත කාලයටම මුළු හිතක් පුරාම නොවෙනස්ව පවතින බවට ලස්සන නිදසුනක්. ඒ ආදර ගින්න ඇවිලෙද්දි මුරුගසන් වැසි වැටුණත් ඒ ගින්න නොනවත්වා දැල්වෙන්නේ රාගයේ මතක දවා අළු කරමිනි.❤️ best creation❤️

*"මුහුණ,* *ලැම,* *නිතඹ* *නොව* *දෙනෙත* *පමණකි* *මතක."*

හිත ගොඩක්ම රිදුණු වෙලාවටත් ආයේ ආයෙත් මේක අහලා හිත තවත් රිද්දගන්නවා. #මතක 💔

නොගැලපුනු දෙහදක්.. නිසා රිදවුනු රිදුමක්.. ගැන ලියා කවියක්.. හඳට, තරුවට බැනපු තරමක්.. නොපැවැසෙන රහසක්.. හිතට නොදැනුන පහසක්.. ගැන ලියන ලියුමක්.. කොහොම ලිව්වත්...... මෝඩ කවියක්......🥺❤️

මතක ලන්තෑරුම් අඳුර මැද ඔබේ හුස්මක සුවඳ දැනුණා අහම්බෙන් වට මුරුගසන් වැහි මැද්දෙ මම තනියෙන්ම තෙමුණා කියන්නම මඟ බලාගෙන උන් වචන අමතක වෙලා රිදුණා දැනුණෙ නැතුවට මගේ කඳුළින් කමිස උරහිස තෙමී තිබුණා.. මතක ලන්තෑරුම් අඳුර මැද හුස්ම නාෙතියා ඉන්න තිබුණා අහම්බෙන්වත් මුරුගසන් වැහි නොදී අෑතට යන්න තිබුණා කියන්නම ගිය වචන අමතක වුණත් මගෙ හදවතට දැනුණා නාෙදැනුණා වාගේම උන්නට සුදු කමිස උරහිසට රිදුණා.. පර වෙලා මිහිදන් වෙලා උන් හිත ඔහේ පරවෙන්න තිබුණා නිල් පාට කටරොළු මලෙක නිල පිපුනු හිතකට දෙන්න තිබුණා.. තනිය හුරු මට මගේ ලෝකේ තනිය තනි නොකරන්න තිබුණා එදා ඔය අැස් දිහා නොබලම බිම බලාගෙන යන්න තිබුණා...❤️

දිවුල්ගනේ සර්ගෙ Voice එකෙන් අලුත් සිංදුවක් අහන්න තරම් වාසනාවන්තයි 😣❤️❤️❤️❤️❤️😣

හිතට දැණිච්ච අාදරේ 11 වසරෙන් ඉවර වුනා. එ් මතකෙ හැමදාම තියෙනවා. මතක් වෙද්දි කදුලු එනවා. එයාටත් එහෙමද කියලා දන්නෙ නම් නැහැ. දැන් එ් මතකෙට අවුරුදු 8ක්. මං තාම විදවනවා. මගේ නොවෙන මතකෙ මට හිමි කදුලු කතාව මගේ... හම්.. කවදාවත් හිමි නොවෙන මගේ අහිමි අාදරේ.. (කේෂාන්..💔)

ඇත්ත , එදා ඒ ඇස් දිහා නොබල හිටිය නම් මගෙ උපතින්ම ආපු හැඟීම් දැනීම් අදටත් තියෙනව මට ඇත්තටම ආදරේ කරන කෙනෙක්ට හරි දෙන්න......මට මතකයි මගෙ කමිසෙ උරහිස් තෙමෙනකල් උබේ දුක් කිය කිය ඇඬුව, ඒ හැම වෙලාවකම උඹට හයියක් වෙන්න මම හිටිය, මගෙ හැම දේම කැප කලා, මාව වදාපු අම්මව පවා අමතක උනා උඹට ආදරේ කරන්න ගිහිල්ල ,හැබැයි මට අන්තිමට ඉතුරු උනෙත් ඒ රත්තරන් අම්මම තමා.......මගෙ ජීවිතේ රටකට ගිහින් හරි ගොඩ දාගන්නම් කියල හිතාන කරපු පළවෙනි රස්සාවෙන්ම මගෙ උවමනාකම් පවා අතැරල උබේ ලෙඩ දුක් වලට වියදම් කලා, හැබැයි මගෙ ජීවිතේ ඕනම දේකට ඉන්නව කියපු ඒ උඹම මගෙ ඒ රස්සාව නැති උන දවසෙම (රටේ ආර්ථික ප්‍රශ්න නිසා) ඒ කියපු කටින්ම උඹ ස්ථාවර වෙලා හිටපං කියන දේ කියල යන්න යනව. Job එකේ පීඩනෙයි ඒ පීඩනෙයි දෙකම වැදිල මං පිස්සෙක් ගානට වැටිල බෙහෙත් බීලම ඔලුව හදාගන්න වෙන තැනටම වැටුන, ඒ ගිහිල්ල දවස් 8ක් යද්දි මේ රටේ 1st please company එකක රස්සාව කරල ඒ ගත්තු පඩිය වගේ 5 ගුණයකටත් වැඩියෙන් පඩියක් ගන්නව අද වෙද්දි,ලක්ශයක් හම්බ කරන්න ඒ දවස් වල මාස ගානක් ගියාට අද ලක්ශයක් ඉතුරු කරන්න මාසෙකින් පුළුවන් තැනට ඇවිල්ල ඉන්නව,තව මාසෙකින් දෙකකින් උබ ගිහිල්ල අවුරුද්දක් වෙනව, ඒත් ඒ ගියපු උබ අද හැම අතින්ම අසරණ වෙලා ඉන්නව අඩුම තරමෙ නෑදෑයො යාළුවො පවා ප්‍රතික්ෂේප කරන තරමටම. මම අදටත් සුභ පතනව ජීවිතේ ලස්සනට තියාගෙන හිටපං කියල, කවදාවත් වරදින්න එපා . ඉන්න තැනක සතුටින් පරිස්සමෙන් හිටපං, Good bless you 🖤

මේ වගෙ භාවනාවලට අන්ලයික් කරන අසංවේදී මිනිසුන් නොසිටියානම්..අද මගේ රට සුරපුරයක්🖤. දැනෙන රිදෙන කදුලක වටිනකම දන්න සුන්දර මිනිසුන් පමණක්ම මේ පුන්‍ය භූමියේ පහල වේවා!!🌸🙏

මං දන්නවා ඔයා සතුටින්.... ඔයාගේ ලෝකේ ඔයාගේ අය එක්ක... මාව සමහර විට තාම මතක් වෙනවා ඇති... සමහර විට මතක අමතක ඇති.... කොහේ කොහොම උන්නත් මගේ පණ උබම විතරයි මේ ආත්මේ..... ❤ කියන්නම ගිය වචන අමතක වුනත් මගෙ හදවතට දැනුණා.. නොදැනුනා වාගේම උන්නට සුදු කමිස උරහිසට රිදුණා..😔

ඇත්තටම අභී මම හරි අසරණයි මේ සිංදුව අහද්දී.. ඒ වගෙම හරි බයයි..😔🖤🌹තාමත් මුමුණන සිංදුවක්

අමරදේවයන්, නන්දා මලිනියන් ආදී මහා විද්වතුන් තැනූ සංගීත ලෝකේ ...දැන් දැන් නැතිවෙලා යමින් නටඹුන් ඉතිරිවෙන්න යන සංගීතයේ... අත්තිවාරම නැවත ශක්තිමත් කරන්න වෙර දරන ඔබ වන් ගායන ශිල්පීන්... රටේ පිනට උපන් සම්පත් . ❤

අයිති කරගැනීමක් ම නොවුණු අතහැර දැමීමක් ම පමණක් වුණු ප්‍රේමයක් හදවතකට කෙතරම් වේදනාවක් ගෙන දෙනවාදැයි දන්නේ අහම්බෙන් වහිනා මුරුගසන් වැසි පමණි. ඒ මහා වැස්සේ අඳුරේ හොරෙන් තනියම හඬමින් කීයක් දෙනා ආදරයේ වේදනාත්මක මතක පා කර යවනවා ඇතිද? ඒ කඳුලෙන් ම තෙමුණු ඔහුගේ උරහිසට රිදුණා යැයි මම සිහිනෙකින්වත් සිතුවේ නැත. තනිය හුරු වී තිබුණු මගේ හිත එදා ඔබ දෙස නොබලාම ගියා නම් මේ මතක ලන්තෑරුම් අඳුර මැද ඔබේ හුස්මක සුවඳ නොතිබෙන්නට තිබිණි. අභිෂේකා විමලවීර මහත්මියගේ හැඟුමට ඇගේ ම හඬත්, කරුණාරත්න දිවුල්ගනේ මහතාගේ හඬත්, තරිඳු ප්‍රියංකර ද සිල්වා මහතාගේ තනුවත්, ළහිරු ද කොස්තා මහතාගේ සංගීතය කුකුල් මස් කුරුමා සමඟ පූරි කන්නා තරම් රස ය. හැඟුම - චනිර දුලංජය රණතුංග

නොඑන බව දැන දැනත් මඟ බලන හිත් කොයි තරම් ඇතිද...? 'පරිස්සමින් ඉන්න. මාව අමතක වෙයි ඉක්මනට' කිව්වට, නොමැකෙන මතක වල හුස්ම ගන්න පොර බදින හිත් කොයිතරම් නම් ඇතිද...? 🤍

තනිය හුරු මට මගේ ලෝකයේ තනිය තනි නොකරන්න තිබුනා.... එදා ඔය ඇස් දිහා නොබලා බිම බලාගෙන යන්න තිබුනා.... 🥺🌷💜️

මම මේ කල්පනා කලේ මේ කාලයේ මේ වගේ අර්තවත් ගීත කොහොම ලියවෙනවද කියලා.අනෙක තමා මේක ගීතයක් නෙමේ සම්පූර්ණයෙන්ම භාවනාවක්.ස්තුති දායක වුන සැමදෙනාටම 🙏🙏

අසා ඔය හඩ තනිව රසවිද මොකුත් නොකියම යන්න තිබුනා ඔබ ලියු පද ඔබ ගැයු යස පුරන් වූ ගී කෙතම පිරුවා

අභී, මේක ලියන්නේ මට ටිකක් වැදිලා ඉන්න වෙලාවක. මේ සිංදුවට ගොඩාක් ගොඩාක් ස්තූතියි. I listen to this song a thousand and one times when I am high. I love it that much. Iknow that this speaks the same to many hearts like me. I just love the melody, it’s lyrics and the vibe.

" එදා ඔය ඇස් දිහා නොබලා බිම බලාගෙන යන්න තිබුණා..." 🥺💙🥀

දාලා යන්න නම් කාටවත් ආදරය කරන්නෙපා...ඒක ලොකු පවක්. මොකද තනි වෙන කෙනා ගොඩක් අසරණ වෙනවා..

❤️අභී..✍️ 🤍මතක ලන්තෑරුම් අඳුර මැද..🏮 💛ඔබේ හුස්මක සුවඳ දැනුනා..🥰 💜️අහම්බෙන් වට මුරුගසන් වැහි..⛈️ 💔මැද්දේ මම තනියෙන්ම තෙමුනා..🥀 🥺කියන්නම මඟ බලාගෙන උන් වචන අමතක වෙලා රිදුනා..😖 👀දැනුනේ නැතුවට මගේ කඳුලින් කමිස උරහිස තෙමී තිබුණා..💫 🧡මතක ලන්තෑරුම් අඳුර මැද හුස්ම නොතියා ඉන්න තිබුණා..💔 🥺අහම්බෙන්වත් මුරුගසන් වැහි නොදී ඈතට යන්න තිබුණා..⛈️ 🌸කියන්නම ගිය වචන අමතක වුනත් මගෙ හදවතට දැනුණා..💝 🥺නොදැනුනා වාගේම උන්නට සුදු කමිස උරහිසට රිදුණා..😔 🥀පරවෙලා මිහිදන් වෙලා උන් හිත ඔහේ පරවෙන්න තිබුණා🍂 💙නිල්පාට කටරොලු මලෙක නිල පිපුණු හිතකට දෙන්න තිබුණා..🌸 😖තනිය හුරු මට මගේ ලෝකේ..💔 💜️තනිය තනි නොකරන්න තිබුණා..🥀 🌦️එදා ඔය ඇස් දිහා නොබලම..😪 🥺බිම බලාගෙන යන්න තිබුණා..🙏

අනේ අභි ඇත්තටම මට‍ ඔයාගේ සිංදු අහන්න බයයි 🥺🥺 ඔයා අපේ හිත් අස්සට ගිගින් කවුරුත් නොදන්නා තමන් විතරක්ම දන්න කතාව මුළු ලෝකෙටම කියනවා හරි ලස්සනට ❤️❤️ඇත්තටම අභි ඔයා මාරම ඇබ්බැහි වීමක් 👊👊

ආදරෙන් පැරදුනු මිනිස්සුන්ගෙ ඇස් වලින් කදුලු කැට සිය දහස් ගානක් වට්ටන්න පුළුවන් වචන ටිකක්.............සින්දුව අහන කොට දැනෙන ඒ අමුතු හැගීම වචන වලට පෙරලන්න අමාරුයි..........💔💔

අනේ මංදා දවසට 100 පාරක් විතර අහනවා එපා වෙන්නැනේ💜පලවෙනි දවසේ පලවෙනි පාරට අහනකොට දැනුන ඒ හැගිමම හැමවෙලේම හිතට දැනෙනවා ❤️❤️❤️

ජීවිතේ කවමදාක හරි තනිවුන තනිකරපු වැරදුන වරද්ද ගත්ත රැවටුන රවට්ටපු අාදරය ලබපු අාදරය කරපු හැමෝට ම අැස් පියන් අහන්න පුලුවන්... එහෙම වෙන්න හේතුවත් හොයගන්න පුලුවන්... 😊❤

හිතට දැනුන ආදරෙ ලග හැමෝම පිස්සෝ වෙනවා ...ලබාගන්න බැරි උනාම මැරෙන්න ,,,මරන්න දෙපාරක් නොහිතන්නේ ඒ නිසයි...මහ හුගක් ආදරෙ හිතේ තියාගෙන මමත් බලාපොරොත්තු වෙනවා මගේම කරගන්න ...❤❤❤

කරුණාරත්න දිවුල්ගනේ කලාකරුට උපහාරයක්ම වේවා ❤️💪

කීවෙනි පාරද අහන්නෙ කියලා මතක නෑ.. මුලු දවස පුරාම සිංදුව මතක් වෙනව.. අනේ හේමාල්ට ආදරෙත් හිතෙනවා😭😭😭😭

"තනිය හුරු මට මගේ ලෝකේ තනිය තනි නොකරන්න තිබුනා " කොහොමද අභී අක්කේ මේ තරම් ලස්සන අදහස් ඔයාගෙ හිතට එන්නේ.❤❤❤

ව්දින ව්දවන හැම හදවතක්ම දවසක සුවපත් වේවා..........!!

"එදා ඔය ඇස් දිහා නොබලම බිම බලාගෙන යන්න තිබුනා" 🙈🙈🙈🙈 ඒ වචන ටික 🖤🖤 ඇත්තටම ගොඩක් තැන්වල එහෙම මග ඇරල ගියා නං අද අපිට මතක් වුනාම දුක හිතෙන සිදුවීම් කොච්චර අඩු කර ගන්න තිබුනද??? 🤷🤷🤷🤷🤷🤷

වැස්ස කියන්නෙම ප්‍රේමවන්තයොන්ට නව ආරම්භයක්❤️. එක් වුණ ප්‍රේමවන්තයො විදින මගහැරුණු ප්‍රේමවන්තයො විදවන සොඳුරු නිමේශයක්....

විවාහය දික්කසාද කරලා අවුරුදු 10ට පසු එයාව හම්බුනා එයා තවමත් මන් එයාට ආදරේ කරනවා වගේම ආදරෙයි. එත් එයාට දරු පැටියෙක් ඉන්නවා ....එදා නොහැගුන ආදරය...දික්කසාද අද අපි හරි අපුරුවට තෙරුම් අරන්.

මගේ boyfriend නිසා මං ගොඩාක් දුකෙන් ඉන්නේ......මට රෑට නින්ද යන්නේ නෑ.... මගේ හිතට දැනෙන පීඩාව වචන වලට හරවන්න බෑ..... පපුව පැලෙන්න වගේ මට මේ දුක දරාගන්න බෑ.....එයා කීයට වත් මං නිසා කිසිම දෙයක් නවත්තන්න ලෑස්ති නෑ...එයා එක්ක හිටියොත් මට මුළු ජීවිතේම මේ දුක විඳින්න වෙනවා... පිස්සු හදෙන් නැතුව මට එයාව අමතක කරලා හිත හදාගන්න ක්‍රමයක් කියන්න.... මගේ මනස අවුල් වෙන්න දැන් හොඳටම ළඟයි කියල මට තේරෙනවා 🥺❤️ " එදා ඔය ඇස් දිහා නොබලාම බිම බලාගන යන්න තිබුනා " මෙහෙම හිතුනු වාර ගාන 1000 වතාවටත් වඩා වැඩි 🥺❤️ මගේ මනස අවුල් වෙන් නැතුව ඉක්මනනින් මේ දුකෙන් මිදෙන්න ලැබෙන්න කියල ප්‍රර්ථනා කරන්න. 🙏🙏

සීත මිහිදුම් වලා අතරින් සිතට නුඹ මගෙ එබෙනවා අදත් ඉඳහිට දෑසෙ අග හිඳ කඳුළු එබිකම් කරනවා කොතෙක් වෙන් වී යන්න හැදුවත් නුඹ ලඟම හිත රැදෙනවා තවම අපි මඟ හැරුණ තැන ගැන ලොවට රහසින් සොයනවා.... ඉරේ එළියෙන් සඳත් හරියට අහසේ හිනෑහී ඉන්නවා පුංචි ‍තරු කැට එකම පොකුරට ගුවනේ අසිරිය විඳිනවා සඳෙ ලස්සන පෙනෙන්නට ඉර හැංගෙන්න මඟ බලනවා ලංව සිටි විට නොපෙනී ලස්සන වෙන් ව ගිය පසු දැනෙනවා.... නුඹෙන් ලද ඒ මතක ගොන්නම අදත් සුරැකිව තියෙනවා එදා වගේම මගේ තුන් සිත නිවන්නට එය දන්නවා යන්න සමුගෙන හිතුනටත් බෑ නුඹ ගැනම සිත අහනවා අයදින්න මට වරම් ලැබුනොත් නුඹේ හිමිකම පතනවා.... පේන මානේ ඉන්න නැතුවට සිතින් නිතරම දකිනවා හුස්ම ගිලිහෙන තප්පරෙත් නුඹ මේ හිතේ මැද ඉන්නවා වචන අමුණා කියා ගන්නට බැරුව මම කවි ලියනවා එක වරක් යලි දකින්නට නුඹ තවම මම මඟ බලනවා...❤ 🔥කවී🔥

හේමාල් අය්යා මගේ faourit actor.අභි අක්කි ගොඩාක් හිතට දැනුන ගීතයක්..... ජයවේවා....!!!

එයා වෙනුවෙන් හැදුව මාලිග.අදත් ඒ ලෙසෙම තියෙනවා.වහන්වී මා ඉන්න හැදුවත් මතක අතරින් අලුත් වෙනවා.. හැදුව මාලිග වල් නොබිහි වී තාම ඇත අලුතින් හැදුව සේ.ඔයා යන්නම යන්න ගිය දින ආයේ නොයනු බව දැනන් සිටියා. ❤😥

ආදරයෙන් විටෙක හිත රිද්දනට පුළුවන් වුනා වගේම තවත් වෙලාවට මගේ මුලු හිතම සතුටින් පිරෙව්වා...හැමෝටමලෑබේවා බලාපොරොත්තු වෙන ආදරය

මේ ආදරනීය යුවල වෙන් උනත් තරුනයා කවදාවත් තරුනියව අමතක කරන් නෑ,මේ පසුබිම,මේ වාහනය සියල්ලා බැදිලා තියෙන්නේ මියගිය තරුනිය ගේ මතක එක්ක,තරුනයා ඒ කිසිම දෙයක් වෙනස් කරගෙන නෑ මේ වෙනකම්,මොකද එයාගේ හුස්ම වල තරුනිය ගේ මතක තවම ජීවත් වෙන නිසා.ඒ නිසයි තරුනිය කියන්නේ,'මතකය කියන ලන්තෑරුම් එලිය කවදාවත් ඔයා නිවෙන්න දුන්නේ නෑ,හැමදාම මාව ඔයාගේ මතකේ තියන් හිටිය හුස්ම වල'කියලා.'ඒත් ඔයා මුරුගසන් වර්ශාවක් වගේ වෙන යුවතියක් එක්ක රාගයෙන් බැදිලා මාව මොහොතකට අමතක කරනවා,එතකොට මේ තරම් කාලයක් මම වෙනුවෙන් හිටිය කෙනා වෙනස් උනා කියලා මම දුක් වෙනවා තනියම කියලා.මිය ගිය තරුනිය තරුණයාට කොච්චර ආදරේ කලත් මේ වෙලාවේ හිත රිද්දගන්නවා මේ ක්ශනික වෙනස් වීමට,එත් තරුනිය හිතන්නේ ඒක තරුනයා තේරෙන්නේ නෑ කියලා ඒකයි කියනේ'දැනුනේ නැතුවට මගේ කදුලින් කමිස උරහිස තෙමී තිබ්බා කියලා, 'මතක ලන්තෑරුම් අදුර මැද හුස්ම නොතියා ඉන්න තිබුනා' මම ඔයා වෙනුවෙනම බලන් ඉන්නවා කියලා ඔයාට පෙන්නනේ නැතුව මට ඉන්න තිබුනා කියලා තරුනයා කියනවා,මොකද හැමදාම මේ තරුනිය මියගියත් ඔවුන්ගේ මතක අතර මේ තරුනයා නිතර සැරිසරනවා, ඒ තැන් වලට නිතර යනවා,ඒ නිසයි තරුනියත් මේ තරම් හිත රිද්දගන්නේ,තමන් මේ අභිසාරිකාවක් සමග එකතු වෙච්ච එක ගැනත් එයා පසු තැවෙනවා, 'අහම්බෙන්වත් මුරුගසන් වැසි නොදී ඈතට යන්න තිබුනා' තරුනයා මේ මුරුගසන් වර්ශාද දකින්නේ තමන්ගේ මිය ගිය බිරිදගේ කැලබීම විදිහට,වෙනදා මොකද තරුනයා දන්නවා,මේ දේ තරුනිය බලන් හිටියොත් කොචර පසු තැවෙයිද කියලා,'කියන්නම ගිය වචන අමතක වුනත් මගේ හදවතට දැනුනා'මම ඔයා ලගමයි ඉන්නේ කියලා තරුනිය අගවන්න ගියත් ඒක නොකර ඉන්න හැදුවට තරුනයා දන්නවා තරුනිය එයා ලගම ඉන්නවා කියලයි,ඒ වගෙම මේ දේ දැකලා එයා දුක් වෙනවා කියලා දැනගනත් මොහොතකට ඒක අමතක කරනවා 'නොදැනුනා වාගේම හිටියට සුදු කමිස උරහිසට රිදුනා........... 'පර වෙලා මිහිදන් වෙලා ගිය හිත ඔහේ පර වෙන්න තිබුනා 'ඊලගට තරුනයා කියනවා,අපරාදේ මම මේ අබිසාරිකාවක් සමග තාවකාලික සතුට ලබන්නේ නැතුව හිටිය වගේම ඉන්න තිබ්බා හරි නැත්තන් මට ඇත්තටම ආදරේ කරන කෙනෙක්ව හොයා ගන්න තිබ්බා කියලා..'නිල් පාට කටරොලු මලක නිල පිපුනු හිතකට දෙන්න තිබුනා, තරුනයාගේ නොක්කාඩුවට තරුනිය කියනවා මටත් ඔයා ලගටම වෙලා ඔයා දිහා බලන් නැතුව තනියෙන් ඉන්න තිබ්බේ, ඔයා මම මැරුනාම මගෙ දිහා බලන් හිටිය විදිහ දැක්ක නිසා තමයි මම තාම ඔයාගෙ පස්සෙන් එන්නේ,එදා මම බිම බලන් ගියානම් මට අද ඔයා මේ පොඩි වෙනස්වීම පේන එකක් නෑ කියලා,එදා ඔය ඇස් දිහා නොබලම බිම බලාගෙන යන්න තිබුනා..... ශානි...

තාමත් මතක ආදරෙන් වැලදගන්න කට්ටිය කෝ..... "එදා ඔය ඇස් දිහා නොබලම බිම බලාගෙන යන්න තිබුනා..." ❤️

අපි අපේ හිත් වලින් ගනුදෙනු කරනකොට පරිස්සමෙන් ඒදේ කරන්න ඕනේ ඔයා ඒ දේ හොඳට ප්‍රගුණ කරල තියනවා ඔයාගේ සින්දු අහන්න මම බයයි මොකද අපේ හිත් වල තියෙන සියුම්ම තැනට ඔයා සිංදුව දැනෙන්නම කියනවා සමහර වෙලාවට ඇඬෙනවා මේ සිංදුව මාරම ලස්සනයි මාර තේරුමක් තියනවා congratulations මේ වගේ සින්දු කරන්න ශක්තිය ධෛර්යය ලැබේවා 💐💐💐💐💐💐💐💐💚💚💚💚💚

මේක භාවනාවක් වගේ. මම මේ සින්දුව අද වෙනකොට 100 පාරකට වඩා අහල තියෙනවා ඒ තරමට මේක දැනෙනවා. Good luck akki. මම හරිම ආදරෙයි ඔයාට ඔයාගේ personality එකට. ❤️

අඩන තරම් කිසි කෙනෙක් දන් නෑ මේ සිංදුව අහන හැම වෙලාවකම මාව ඒ ලෝකේ තනි කරනවා.. මතක මරාගන්න බැරුව අසරණ හැම වෙලේම අහනවා... ඇත්තටම ලස්සනයි...❤️🙏🏼😭😭

වෙනස් දෙයක් අමුතු දෙයක් දෙනවා පදරචනය හා රූප රාමු.. ස්තූතියි ❤ මෑත කාලයේ ඇසුනු සුන්දර යුග ගායනය..

වැලලුනු මතකයන් අවුස්සන මහා අරුතක් පිරි ගීයක් 🎶💜️🎧🥀 ගොඩක් ස්තූතියි අභී අක්කි ඒ මතකයන් වලින් ආයෙත් මේ හිත් නොදැනිම රිද්දුවට. ඔයාට සරස්වතී මෑණියන්ගෙ පිහිටයි ❤️‍🩹🙏

අදත් අහනවා. දෙවිදිහකට අඬන්න මට පුලුවන් අභී.එකක් තමයි ඇස් රිද්දගෙන කට ඇද කරගෙන. අනික ඇහැටත් නොදැනි මමත් නොදැනම හිතට විතරක් දැනෙන්න. අනේ මම මේක අහන අහන වතාවෙ ඔය දෙවෙනි විදිහට අඬනවා. බොහොම ස්තුතියි අභී. පිං ඔයාට .හිතේ වේදනාව ඇහෙන් පිට කරගත්තා.🙏💖

2022 May 21. අදටත් ආශාවෙන් අහනවා 😍❤️. පපුවටම දැනෙනවා.

අනේ ඒ සිංදුව ඉවර උනේ නැත්තම් 😭❤️🙏

කවදාවත් මනුස්සයෙක්ට තමන්ගෙ හිතට දැනුණු ආදරේ අහිමි වෙන්න හොද නැ ..ආදරනීය විශ්වාස බිදිලා යන්න හොද නැ ..මොකද එහෙම වුනාම මිනිස්සු මැරෙනවා ඔව් වුන් පන ගැහෙද්දීම මැරෙනවා..මතක අස්සට දහස්වර රින්ග රින්ගා ආයේ ආයේම මැරෙනවා..වේදනාවත් සුවයක් වෙද්දී නිතරම රතු වෙන ඇස් වුන්ට ගනනක් නොවෙන තරම් වෙනවා...මම දන්නේ එකදෙයයි මිනිස්සු පනපිටින් මරන්න ආදරේකට පුලුවන් හිතට දැනුණු ආදරේකට පුලුවන් ...❤

මතක ලන්තෑරුම් අඳුර මැද ඔබේ හුස්මක සුවඳ දැනුණා අහම්බෙන් වට මුරුගසන් වැහි මැද්දෙ මම තනියෙන්ම තෙමුණා කියන්නම මග බලාගෙන උන් වචන අමතක වෙලා රිදුණා දැනුනෙ නැතුවට මගේ කඳුළින් කමිස උරහිස තෙමී තිබුණා මතක ලන්තෑරුම් අඳුර මැද හුස්ම නොතියා ඉන්න තිබුණා අහම්බෙන්වත් මුරුගසන් වැහි නොදී ඈතට යන්න තිබුණා කියන්නම ගිය වචන අමතක වුණත් මගෙ හදවතට දැනුණා නොදැනුණා වාගේම උන්නට සුදු කමිස උරහිසට රිදුණා පරවෙලා මිහිදන් වෙලා උන් හිත ඔහේ පරවෙන්න තිබුණා නිල් පාට කටරොළු මලක නිල පිපුණු හිතකට දෙන්න තිබුණා තනිය හුරු මට මගේ ලෝකේ තනිය තනි නොකරන්න තිබුණා එදා ඔය ඇස් දිහා නොබලම බිම බලාගෙන යන්න තිබුණා

අභිෂේකා, මේ ගීතය මට මහා බරක්...❤️

ශෂිකා නිසංසලා, අභිෂේකා විමලවීර කියන්නේ Brand දෙකක්😇😘