Rangamadala Thama Tharunai | රගමඩල තාම තරුණයි (යන්නම අවසරද?) | Malith Perera & Abhisheka Wimalaweera 

හැම පිරිමියෙක්ම ආසයි තමන් ආදරේ කරන ගැහැනු හිත ළග වීරයෙක් වෙන්න. ඒත් ඒ හිතේ තමන් වෙනුවට ඉන්නෙ වෙන වීරයෙක් කියල දැනුනොත් ඔබ මොකද කරන්නෙ?ගෑනු හිත් ළග වීරයො වෙන්න ඕනෙ හින්දම නොහඩා දරාගෙන ඉන්න පිරිමි කී දෙනෙක් මේ ලෝකෙ ඇද්ද? හැම ගෑනු හිතක්ම ආසයි ආදරේ කරන පිරිමියා වීරයෙක් වෙනවට.ඒත් ඉතිහාසෙ ඉදලම ගෑනු වැඩිපුර ආදරේ කරේ ප්‍රතිවීරයන්ට. ඉතින් මං ඔබෙන් මෙහෙම අහන්නම්. අපි ආදරේ වෙන්න ඕනෙ අපිට ආදරේ මිනිස්සුන්ටද? අපි ආදරේ කරන මිනිස්සුන්ටද? අපි ආදරේ මිනිස්සු ඇත්තටම අපිට ආදරෙයිද? අපිට ආදරේ මිනිස්සුන්ට අපි ඇත්තටම ආදරෙයිද? අභී!

විවාහයෙන් පසු මධු සමය ගත කිරීමට යන තරුණ යුවලකගෙ සංවාදයක් තුළින් මෙදා සැරේ අහිශේකා විමලවීරන්ගෙ අකුරු සහ ඇගේ හදවත මත රටා අඳින හඬ මගෙ හදවත සියුම් ලෙස පාරා දැමූ බව කිව යුතුය.. මේ කතාවේ සැමියා මේ බිරිඳට කප්පරක් තරම් ආදරේ කළත් ඇයට ඒ ගැන දැන්නෙන්නෙ නෑ. ඉතිං හිරි වැටුණ ඕලු මල් වලට සමාන කෙරූ ගැහැණු පපුවේ හිරි ඇරිලා ඔහුගෙ ආදරේ ඇයට දැනෙන්නෙ කවදද කියලා ඔහු ඇගෙන් දින වකවානු අහනවා. එහෙම හරි බලාපොරොත්තුවක් ඔහු ඉල්ලනවා කියලා මට හිතෙනවා.. මං දුන්න හාදු වලට වඩා දැනෙන හාදු කළින් පෙම්වතා දුන්නාද? ඒ ගැන කියලා මට රිද්දන්න බැරි කමට මගෙ ආදරේ දැනෙනවා කියලා ඔයා මට බොරු කියනවද කියලාත් ඔහු ඇගෙන් විමසනවා.. ඔහුගෙ ඒ ප්‍රශ්නයට ඇය අපූරු පිළිතුරක් දෙනවා.. ආදරේ කළා කීව පලියට ආදරේ කලා වෙනවද.. ඒ ආදරේ කියපු පළියට දැනෙනවද කියලයි මට හිතෙන විදියට ඇය අහන්නෙ.. රෑ අහසේ පායන තරුව පෙම්වතා නම් ඇය සැමියාව සමාන කරන්නෙ හඳට.. පෙම්වතා ළඟදි දැනුන වින්ද ආදරේ සැමියා ළඟ දි අමතක වෙලා යනවද.. අලුත් ආදරයක් ලැබුන පලියට වින්ද ඒ ආදරේ මැරෙනවද කියලයි ඇය ඔහුගෙන් අහන්නෙ.. පෙම්වතා හාදු දුන්නෙ ගතට නෙවෙයි හිතට නම් ඒ ආදරෙ සිහිවෙද්දි ඇගේ හිත අද කොච්චර නම් පිච්චෙනවද..? ඒක එහෙම වෙද්දිත් වැඩිපුරම රිදෙන්නෙ ඔයාටද මටද ? අපි දෙන්නාගෙන් වැඩියෙන්ම රිදෙන්නෙ කොයි හිතටද කියලා ඇය අහනවා.. ඒ දෙන්නාට රිදෙන තරම වෙන වෙනම රූප රාමුවෙ පෙන්නලා දෙන්නත් අමතක කරලා නෑ.. සැමියා ආදර ගින්නෙන් නිවෙන්න වතුර මල යටත්, ඒ වගේම මේ බිරිඳ පිච්චෙන තරම පෙන්නන්න ඇය පුලුස්සන රෝස පෙත්තත් අපූරුවට භාවිතා කරලා තියෙනවා.. මොන දේ උනත් මගෙ හිතේ ඔයා ඉන්නවා.. ඒ වගේම ඔයාගෙ හිතෙත් මට ඉඩක් තියෙනවා ද කියලා සැමියා ඇගෙන් අහනවා.. අතීතෙ කුමක් වුවත් අනාගතේ ඇයත් එක්ක ආදරෙන් හරි ලස්සනට අත් අල්ලන් ගමනක් යන්න බලාපොරොත්තුවක් ඔහුට තියෙනවා කියන්න ඒ වචන වලින් මට හැඟෙනවා.. ඊයෙ රෑ අතීතෙ නම් හෙට කියන්නෙ අනාගතේ කියලා‍යි අභී අර්ථ ගන්වලා තියෙන්නෙ.. ඉතිං ඊයෙ වගේ හෙට දවසෙදිත් පෙම්වතාගෙ මතකෙ ඔයාගෙන් මිමිණෙයිද කියලා ඒ සැමියා අහනවා.. නා දලු වතුරෙන් දෙතොල් පහසින් තෙමුණ ඒ කෝල රැය, මංගල රැය මගෙ විතරද කියලා තමයි සැමියා අහන්නෙ.. ඇයට ඒ රැයේ විශේෂය නැද්ද කියලා ඔහු හිතනවා.. කෝල ඔහු විතරද කියලා සැකයක් තිබුණා කියලයි මට හැඟුනෙ. මගෙ ලස්සන නිලියේ මේ ආදරේ රංගනයක්ද, මවාපෑමක් ද කියලා අහන්නත් ඔහු අමතක කරන්නෙ නෑ.. ඊට බිරිඳ දෙන පිළිතුරුත් හරිම නිර්මාණශීලීයි.. නීතියෙන්ම නම් දෙක එකට ලීවත් අයිතිය ඔහුටම පවරා දුන්නත් ඔහුට මදි නේද කියා ඇය අහනවා.. ඊට එහා යමක් බලාපොරොත්තු වෙනව නේද කියලායි ඇය ඔහුගෙන් ව්‍යංගාර්ථයෙන් අහන්නෙ.. කෙනෙක් රෑ දකින හීනයක් වෙනත් පාර්ශවයකට පේන්නෙ නෑ.. එහෙම තියෙද්දි ඒ ගැන දිව්රලා ඔප්පු කරන්නෙ කොහොමද.. ඇය දකින හීනත් ඇයට සත්‍යම කියා දිවුරන්න හැකිද කියලයි ඇය අහන්නෙ. ඒක ඇය රූප රාමුවේ හරි අපූරුවට පෙන්නලා තියෙනවා.. මට හිතෙන්නෙ ඇය දකින හීනෙ තමයි ඇය වැල්ලෙ ලියන්නෙ.. නමුත් ඔහුට පේන්නෙ ඇය දකින දේ නෙවෙයි ඇය පෙන්නන්න දේ.. ඒ නිසාම ඒ ගැන නොකියා ඉන්න තීරණය කරනවා.. මොකද ආදරේ කියන්නෙ සිල්ලරට කිරන්න ඕනෙ හැඟිමක් නෙවෙයි කියලා ඇය විශ්වාස කරන නිසා.. අවසාන වතාවට ඇය ඔහුට පිළිතුරු දෙන ගමන්ම ඔහුට හිතන්න දෙයක් ඉතුරු කරනවා මම ඔබ ඉදිරියේ රඟපාන නිළියක් නම් මේ රඟපෑම තවමත් පටන් ගත්තා විතරයි.. තව දුරටත් මේ රඟපෑම කළ යුතුදැයි ඇය අවසානයේ ඔහුගෙන් විමසනවා.. අර කළින් ඔහුගෙ හිතේ මැවුන ප්‍රශ්නය, මංගල රැයට කෝල ඔහු විතරද කියන ගැටළුවට ඔහුට අවසානෙ ලස්සන පිළිතුරක් රූප රාමුවෙන් මැව්වා කියලයි මට හිතෙන්නෙ.. අභීගෙ අකුරු, හඬ වගේම මලිත්ගෙ සංගීතය හා හඬත් මේ නිර්මාණයට උපරිම සාධාරණයක් ඉටු කර ඇති බව කිව යුතුමයි.ඒ වගේම ඔවුන් දෙදෙනාගෙම රංගනයද ඉතා විශිෂ්ඨ ලෙස මේ නිර්මාණයෙ සාර්ථකත්වයට බලපා ඇති බව මගේ හැඟීමයි.. තම ආදරේ අහිමිවීමේ දුක, ජීවිතේ ගැන දැනෙන අවිනිශ්චිත බව, කළකිරීම අභීගෙ මූණෙන් මනාවට පෙන්නුම් කරලා තියෙනවා.. බලාපොරොත්තු වන ආදරේ නොලැබීමෙ සහ තම ආදරේට වටිනාකමක් නොලැබීමේ වේදනාව, ජීවිතේ ඉදිරියට තැබූ වටිනාම පියවරක් හමුවේ පරාජය වීමේ දුක මලිත් හරි අපූරුවට ඔහුගේ මුහුණෙ ඉරියව් වලින් කියා පානවා.. ආදරේ නම් යන්න දීමය.. රඟ මඩල වියපත් වෙමින් පවතී.. ඇත්ත .. ආදරේ නම් බලෙන් රඳවා ගැනීම නොවේ.. දෙපාර්ශවයට විඳවන කාරණාවක් බවට පත් නොකර ආදරේ නම් යන්න දිය යුතුය.. රඟ මඩල නම් ජීවිතේ වියපත් වෙමින් පවතී.. විඳින්නට තියෙන ජීවිතේ විඳවන්න කරුණු හදාගෙන ජීවිතේ අපායක් කරගන්නවාට වඩා තරුණ රඟමඩල තුළදීම තීරණයක් ගත යුතු බව අභීගෙ මේ නිර්මාණයෙන් ඉස්මතු කර ඇත.. හැමදාමත් වගේ ඉස්තරම් නිර්මාණයක් 👌

ලංකාවේ සංවේදි මිනිස්සු නැ කිව්වොත් මේ සිංදුවේ comments බලන්න ♥️✨️

මේක අභීගේ කොන්සට් එකක ලයිව් අහන්න පුලුවන් නේද කියලා මතක් වෙද්දි 😍✨️

Abhi වෙනමම Brand එකක් ❤️ කරපු හැම Song එකක්ම Masterpieces ❤️ නිස්සාර ❤️ මතක ❤️ සබදිනි ❤️ හවසක මා ❤️ තවම පණ ❤️ රඟමඩල ❤️ රිදි රිදී ❤️ දෙකොපුල් ❤️ සීමා නෑ ❤️ නේත්‍රා ❤️ චන්ද්‍ර මණ්ඩලේ ❤️ Vocals + Lyrics + Melody එකකට එකක් දෙවෙනි නැහැ ❤️

රිදවීම කලාවක් නම් අභී එහි පිකාසෝ වෙයි.🥺❤️ much love ABHI ❤️

අභි කොහොමද හැම සින්දුවක්ම මගේ කතාවට පොඩි හරි සම්බන්ධයක් තියන විදියට ලියන්නේ... නෑ සමහරවිට මං අභි ට ආදරේ නිසා එහෙම හිතින් මවාගෙන ඇති.... භාවනා කරන්න ඇස් වහන්න ම ඕනි නෑ.. ❤

මලිත්ගෙ රංගනය ඒ මූනේ ,ඒ ඇස් වල හැගීම් ප්‍රකාශනය දකිද්දිත් ඇග හිරිවැටෙනව 😢😢

අභිගෙ අලුත් සින්දුවක් ආවම ඒක දහදොලොස් පාරක් අහලා පරන ඒවත් ආයෙ ආයෙ අහන්නෙ මං විතරයි ද

මේ සින්දුව ඇත්තටම මට දැනුනේ තේරුනේ මෙහෙමයි. මේ දෙන්නා එයාලගේ මධුසමයට යන්නේ මේ. ඒත් සාමන්‍යයෙන් අපි දන්න දකින ආදරවන්තයන්ගේ තියන සතුට එයාලගෙන් පේන්න නෑ. විශේෂයෙන්ම ගැහැනු ලමයගේ. ඇත්තටම ඒකට හේතුව විදිහට දැනෙන්නෙ එයා මේ බැඳලා තියෙන්නේ එයා ඇත්තටම ආදරේ කරපු කෙනා නෙවේ. ඉතින් හිත වෙන තැනක තියෙද්දි ගත තව කෙනෙක්ට දෙන්න වෙන වේදනාව ගැහැනු ලමයගෙන් පේනවා. පලවෙනි කොටසෙදි අහනවනේ කප්පරක් ආදරේ දුන්නත් දැනුන් නෑ නේද කියල ඒ කියන්නේ කොච්චර ආදරේ කලත් ඔයාට මාව දැනෙන් නෑ නේද අහනවා. ඒවගේ හිරි වැටුනු ඕලු මල් පිබිදෙන්නේ කවද්ද අහනවා. මට ඇත්තටම මෙතන තේරෙන්නේ ගෑනු ලමයගේ ශරීරය ඇත්තටම පිරිමි ලමයා වෙනුවෙන් ලැබෙන්නේ කවද්ද වගේ හැඟීමක්. ඕලු මල් මට දැනුනේ ඇත්තටම ගැහැනු කෙනෙක්ගේ පපුවට කරපු උපමාවක් වගේ. හිරිවැටිලා තියනකොට අපිට කිසිම දෙයක් හරියට දැනෙන්නේ හැඟෙන්නේ නෑනේ. ඉතින් මේ හිරිවැටීම ගිහින් ඒ හැඟීම් කවද්ද හරියර දැනෙන්නේ, විඳින්නේ වගේ අදහසක් ඒකෙන් දැනෙනවා. ඒ වගේම තවත් ප්‍රශ්න දෙකක් අහනවා. අනිත් කෙනාව මට වඩා දැනෙන්නේ එයා දුන් හාදු නිසාද , ඒවගේම මට රිද්දන්න බැරි නිසා ආදරේ කියනවද කියලා. ඉතින් ඔය ප්‍රශ්න ටිකට ඇත්තටම හරි ලස්සන උත්තර ටිකක් ගෑනු ලමයගෙන් ලැබෙනවා. පෙම් කලා කිව්වාට පෙම් කලා වෙනවාද , ඇත්තටම අපි ඕන තරම් ආදරෙයි, අපි ආදරේ කරනවා කියන්න පුලුවන් , හැබැයි ඇත්තටම ආදරේ නොකරනවා වෙන්නත් පුලුවන්. තරු එළියේ පිපුනු මල් හඳ එලියෙන් මැරුනාද , සමහර මල් තියනවා ඒ මල් පිපෙන්නේ මද ආලෝකයට. ඒ මල් වල පැවැත්මට ඕනේ තරු එලිය වගේ අඳුරත් එක්ක ලැබෙන ආලෝකයක්. ඉතින් හඳ එලිය ලැබුනම ඒ මල් වලට මොකද වෙන්නේ. මැරෙනවද ? ඒවගේම අනිත් ප්‍රශ්නෙටත් උත්තරේ දෙනවා. කලින් කෙනා හාදු දුන්නේ හිතට කියලා කියනවා. ඇත්තටම අපිට අමතක කරන්න අමාරු අපේ හිතේ රැඳුන දේවල්. ඒකයි ඇයගේ මධුසමයදිත් මේ තරම් වේදනාවක් දැනෙන්නේ. අන්තිමට ඇය කියනවා ඇත්තටම වැඩිපුර රිදෙන්නේ කාගේ හිතද කියල දන්නවද කියලා. එතනින් නොකියා කියන්නේ හැමෝටම වඩා ඇය වේදනාවෙන් ඉන්නේ කියලා. දෙවනි කොටස මධුසමයෙන් පස්සේ දවසේ දෙන්නගේ හිතේ තියන ප්‍රශ්න ගැන යන සංවාදයක් විදිහට මට දැනෙන්නේ. පිරිමි කෙනා අහනවා මගේ හිතේ වගේ ඔයාගේ හිතෙත් මන් ඉඳිඳ.එහෙම නැත්තන් ඊයේ රෑ වගේ එයාගේ නමම කොඳුර කොඳුර ඉඳිද කියලා. ඇත්තටම අපේ ආදරේ හීනෙන් උනත් අපිව ස්පර්ෂ කරන්න පුලුවන් දෙයක්. ඉතින් මේ ගෑනු ලමයා කලින් දවසේ ඇත්තටම කලින් ආදරේ කරපු කෙනා ගැන හිනෙන් මුමුණලා තියනවා. ඒවගේම ඊයේ දෙතොල් වලින් තෙමුණ කෝලව ගත උන රැය ඇත්තටම එයාගේද කියලා මේ පිරිමි ලමයා අහනවා. ඇත්තටම එයා ඒක අහන්න හේතුව වෙන්න ඇත්තෙත් කලින් දවසේ රෑ ඇගෙන් මිමිණුන වචන වෙන්නැති. ඉතින් ඒ නිසා ඒ රැය සම්පූර්ණ තමන්ට හිමි උනත් ඒකේ අයිතිය ඇත්තටම එයාගේද කියන සැකය පිරිමි ලමයට එනවා. අන්තිමට අහනවා මගේ රූබර නිලියේ ආදරේ රැඟුමක්ද කියලා. ඉතින් මට හිතෙනවා ඔයා මාත් එක්ක මේ රංගනක්ද කරන්නේ ඔයාට ආදරේ රංගනයක් වගේද කියලා පිරිමි ලමයා අහ්නවා කියලා. මේ ටිකටත් හරි ලස්සන උත්තර ටිකක් ගැනු ලමයා දෙනවා. මගේ නමම ඔබේ නමට ලීවා තව මදි නේද, ඇත්තටම අපි අපේ නම තව කෙනෙක්ගෙ නමට සම්බන්ධ කරන්නේ කසාදෙදි. විශේෂයෙන්ම ගෑනු කෙනා පිරිමි කෙනාට. ඉතින් කසාද බැන්ඳත් තව මදිද වගේ අහ්නවා කියලා මට හිතෙනවා. ඊටපස්සේ පොඩි නෝක්කාඩුවක උත්තරයක් ගෑනු ලමය දෙනවා. ඇත්තටම අපි දකින හීන ගැන අපිට දිව්‍රන්න පුලුවන්ද අහනවා. ඒවගේම කියනවා ආදරේ කියලා මේ තරම් හේතු වලට උත්තර දෙන්න බෑ මොකද ආදරේ සිල්ලර දෙයක් නෙවේ කියලා. අන්තිමටම කියනවා රඟමඩල තාම තරුණයි යන්නම අවසරද කියලා. ඇත්තටම එයාගෙන් අහනවනේ කලින් රූබර නිලියේ ආදරේ රැඟුමක්ද කියලා. ඒකට මේ උත්තරේ දෙනවා කියලා මට හිතෙනවා. නිලියකගේ අවකාශය , එයාගේ ඉඩ තමයි රඟමඩල කියන්නේ. ඉතින් තාමත් මගේ ජීවිතේ හොඳම අවකාශය විවෘතයි යන්නද කියලා ඇය සැමියගෙන් අහනවා. ඇගේ ආදරය ලඟට යාමට කරන ඉල්ලිමක් විදිහටත් මට ඒක දැනෙනවා. ඉතින් ඔන්න ඔහොමයි අභිගේ ගීතයක් බවට හැරුනු සුන්දර කල්පනාව මට දැනුනේ ❤️

අභිශේකා අක්කේ ඔයාගේ සිංදු ගොඩක් අය ඉස්සරහ ඉදන් අහන්න මං හරි බයයි. ඒවා අස්සේ අපේ හදවත හරි සුන්දර විදියට රිදෙනවා. අපේ ඇස් එක නිමේශයකින් තෙත් කරනවා. 🙄❤️

75 ස් වතාවක් විතර බලලත් ඇයි මේක එපා වෙන්නේ නැත්තෙ😢

ජීවිතකතාව තුළ මන් මුහුණ දුන් අදුරු සිදුවීමක් අභී, වේදනාත්මක වචන මාලාවක්, වේදනාත්මක රූප රාමුවක් සහ, වේදනාත්මක සන්ගීතයක් සමග එක් කොට සුන්දරව ඉදිරිපත් කළා. යල් පැන ගියපු එක අසුන්දර පැතිකඩක් මට ආයෙමත් පාරක් සිහි උනත්, ඇස් වලට අඩන්නට නොදී, හදවතින් යම් තාක් දුරට හඩමින් මම ගීතය වින්දා. ඔහු කලකට පෙර මගේ ජීවිතයේ පළවෙනි තැන ගත්තු, මගේ හුස්මටත් වඩා මන් ආදරය කරපු, මගේ ලෝකයේ වීරයා උනා. ජීවිතේ පළවෙනි වතාවට, තාත්තට පස්සෙ පිට පිරිමියෙක් පනටත් වඩා විස්වාස කරපු පළමුවන සහ අවසාන අවස්තාව එය උනා. මගේ ජීවිතයට සතුටුදායක හමුවීමක් වෙලා, දහස් වාරයක් හිතෙන් වැටෙමින්, කදුලු උල්පත් වල ආරම්භය සනිටුහන් කරමින්, නික්ම ගිය ඔහු අදටත් මට මුනගැසුනු සොදුරු මිනිසෙක් ලෙසට පමණක් මම දකිනවා. ඔහුගේ නික්ම යාම මාව අගාදයකට ඇද දැමුවා. තුන්වතාවක් ජීවිතය විනාස කරගැනීමට මම උත්සාහ කළා. නොකා නොබී ගතකරපු දින ගනන මටවත් මතක නැහැ. දිග පතරන්ක ප්‍රමානයෙන් ටයිප් කර සෙන්ඩ් කරපු මැසේජ් දුසිම් ගණන් ඩිලිවර් වෙද්දි ඔහු ගලක් උනා. මන් වෙනුවෙන් අඩන්න, වැලපෙන්න නැති උවත් මා වෙනුවෙන් එක් මොහොතක් දුක් වෙන්නවත් ඔහු මට ප්‍රේම කර තිබුනේ නෑ. මුලාව, තනිකම සහ වේදනාව සමග අකමැත්තෙන් හෝ මට මිතුරු වෙන්නට සිදු උනා. මගේ කදුලු, මගේ වේදනාත්මක දුක් ගී අදෝනා, ඔහුට තවත් එක් විහිලුවක් පමනක් වෙද්දි, මම ජීවිතයේ නොගතම යුතු, එක් පව්කාරී, විනාසකාරි, තවත් එක බරපතල තීරණයක් ගත්තා. ඒ ඔහුට වයිර කිරීමට!නමුත් ඒ වයිරය, තරහව ඇතුලේ එකලත් මගේ හිත තුළ බුර බුරා නැගුනේ ඔහු වෙනුවෙන්ම දැවෙන ආදරය පමණයි.වයිර කිරීම, ඔහුට බාධා කිරීම තුළින් මා ප්‍රාර්තනා කළේ, ඔහුට මාව සිහිවීම සහ ඔහුගෙ ආගමනයයි. නමුත් ඒ තුලින් මා තව තවත් ඔහුට පිලිකුළක් උනා. ඔහුගේ මතකයන් අමතක කරගන්නට බැරි තැන මම ජීවිත සෙල්ලමක් කළා. ඒ ඔහුව අමතක කිරීමට වෙනත් පුද්ගලයෙකු යොදාගැනීම. මා කිසි දිනෙක දෙවැන්නාට ප්‍රේම කළේ නැ. මට හුදෙක් අවැසි උනේ, ඔහු නැතත් මා සතුටින් බව ඔහුට ඇගවීමට පමණයි. දෙවැන්නාගේ උත්තරීතර, පිවිතුරු ආදරය මට සෙල්ලමක් පමනක් උනා. මගෙන් ආදරය ඉල්ලන, අතීතය අමතක කරන ලෙස කදුලු හලමින් ඉල්ලන ඔහු අදටත් මට සිතුවම් පටලයක් මෙන් මැවෙනවා. පිරිමි කදුලු හරි බලවත්. හැමදාම නොහැලුනාට ඒ කදුලු හරි බලවත්. මට සිතුනෙම එහෙම. අතීතය අමතක කරන්නද, වර්තමානය අමතක කරන්නද කියන තීරණ දෙක මැද්දෙ මම ආයෙමත් තනි උනා. මම කරපු වැරැද්දේ බරපතලකම මට ඒ වෙලාවෙයි තේරුනේ. අභීගේ 'මතක' සින්දුවේ එන "නිල්පාට කටරොලු මලක නිල පිපුනු හිතකට දෙන්න තිබුනා" කියන පද පෙළ හැමදාම හද තුළ දෝන්කාර දුන්නා. මම පෙරටත් වඩා වේදනා වින්දා. දෙවැන්නා මට පමණක් වීරයෙක් උනු අයෙක්.ඉතින් එවැනි උතුම් මිනිසෙක් මා අහිමි කරගත යුතුද? කෙසේවත් නැත. උතුම් වූ මයිත්‍රී භාවනාව, කාර්‍යබහුලත්වය සහ සිතුවිලි පාලනය කිරීම මගින් නැවතත් පන නොඑන ලෙස ප්‍රතම ප්‍රේමවන්තයා හදවතින් මරා දැමුවා.නමුත් ප්‍රේමය මා මැරුවේ නැ. ඔහුව ආගන්තුකයෙක් ලෙසට දැකීමට මා කල්යත්ම හුරු උනා. දෙවැන්නාට මුලු හදම පිදීමටත්, ඔහුව පුලුවන් කාලයක් රැකගැනීමටත්, ඔහු මා ළග රැදෙන්නේ කවදාටද ඒතාක් ඔහුට ආදරය දෙන්නටත් මා වගබලාගත්තා. නමුත් ඔහු නික්මුනත්, පෙර තරම්ම මා වේදනා නොවිදුනු ඇති බව සත්තයි. ළගදිම අතිනත ගන්න මගෙත්, දෙවැන්නාගේත් ආදරයට වසර හතරක්. දැන් ඔහු මගේ ජීවිතයේ දෙවැන්නෙක් නොවේ. මට ආදරය දුන් ප්‍රථමවැන්නායි. අභි එක ප්‍රශ්නයක් ඇහුවා. ඒ අපි ආදරේ අපිට ආදරේ අයටද? අපි ආදරේ අය අපිට ආදරේද? උත්තරය නැහැ නමුත් මේ තාවකාලික අත්දැකීමක් ගැනිමට අපි පැමිනි මේ කෙටි කාලින මනුශ්‍ය ජීවිතය තුල දුක් විදින්නේ මන්ද. තමාට ආදරය නැති එකෙකුට දිවි දී ප්‍රේම කිරිම පිහි තලයකින් පපු තලය කපන්නා හා සමාන වේදනාවකි. නමුත් තමාට ආදරය කරන්නෙකුට ආදරය කිරීම මල් පෙත්තක් මත සුවසේ නිදන්නා සේ හැගෙන මිහිරකි. සතුටකි. ගිනිගන්නා සිතුවිලි වලින් නිවීමකි. ඔබ ඔබට ආදරය කරන්නෙකුට ප්‍රේම කරන්න. ඔහු/ ඇය ඔබව මිහිරෙන් මිහිරට රැගෙන යාවි. ඔබ ඔබට ආදරය නොකරන්නෙකුට ආදරය කරන්න. ඔහු/ ඇය ඔබව වේදනාවෙන් වේදනාවට රැගෙන යාවි. "අභී" මන් හරි ආසයි ඔයා මේ දේ නතර කරනවනන්. මේ විදියට මම වලදාන මතක ගොඩට අදින එක නතර කරනවනම්. එතකොට මට පුලුවන් පරන මතක වලින් මොහොතක්වත් විදවන්නෙනැතුව ඉන්න. ඒත්, "අභී" මන් ඊටත් වඩා හරි ආසයි ඔයා මේ විදියට මට කතා කරන එකට. එතකොට මට පුලුවන්, නිවී හැනහිල්ලේ කෝපි කෝප්පෙකුත් බොන ගමන් ඔයාගෙ වචන අස්සෙ හිරවෙලා ටික වෙලාවකට අතීතෙ මතක අස්සෙ ගමනක් ගිහින්, ඒවයෙ තියන සුන්දර තැන් අස්සෙ ආයෙ තනි වෙන්න. "අභි" මන් ඔයාට සැහෙන්න අකමැතියි. ඒ වගේම සැහෙන්න ආදරෙයි.

කිසිම කාලේක කිසිම ගීත රචනයකට සමාන කරන්න බැරි, කිසිම කාලෙක කිසිම හඩකට සමාන කරන්න බැරි අමුතුම අනන්‍යතාවයක් "අභී". හදවත් සමීපව ස්පර්ශ කරන වචන❤

රඟමඩල තාම තරුණයි කප්පරක් පෙම් කලත් දැනෙන්නේ නෑ නේද හිරිවැටුණු ඕලු මල් පිබිදෙන්නේ කවදාද? මටවඩා දැනෙන්නට ඔහු හාඳු දුන්නාද? රිද්දන්න බැරි කමට දැනෙනවා කියනවද? මට අනුව මේ ගීතය ශෘංගාරාත්මක විරහවක්. ඇය අතැරුනු ආදරයක් එක්ක ජීවත් වන යුවතියක්. ඔහු, ඇයව අයිති වුනු පිරිමියා. ඇය සමග ඉන්න වාසනාවන්තයි ඔහු. ඔහුට අනුව නම් ඔහු ඇයට කප්පරක් තරම් ආදරෙයි. ඇයටත් යම් හැගීමක් ඔහු ගැන ඇති. නැත්නම් ඈ සමග යහන්ගත වෙන්න බෑනේ. ඒත් ඕලු මල් හිරිවැටිලා. ඔහු කෙතරම් උත්සහ කලත් ඔහුට පුලුවන් වෙලා නෑ ඕලු මල පුබුදන්න. නමුත් ඇය, සානුකම්පිත වෙනවා ඔහු ගැන. එකතු නොවී බරි කමට එකතු වෙනවා වගේ. “මැණික ඔයාට දැනුනද???” ඇය: “ඔවු 🙂” පෙම් කලා කිව්වාට පෙම් කලා වෙනවාද? තරු එලියේ පිපුණු මල් හද එලියෙන් මැරුණාද? ඔහු හාඳු දුන්නේ හිතටයි ප්‍රේමය ගින්දරද? වැඩිපුරම රිදෙන්නේ කොයි හිතද දන්නවද? ඇය පිලිතුරක් වෙනුවෙන් ප්‍රති ප්‍රශ්ණ කරනවා ඔහුව. ප්‍රේමය කියන්නේ මොකක් කියලද ඔයා හිතන්නේ. \ ආදරේ කරනවා කිව්ව පලියට ඒක ආදරයක් වෙනවාද. මට ඔහුගෙන් ඔබෙන් තරම් දේවල් නොලැබෙන්න ඇති. ඒත් ඒ ආදරය ඒ පුංචි තරු එලිවලින් ඉපදුනේ. දැන් ඔබේ ඔය හද එලිය ඒ තරු එලිය වැහිලා. ඒත් දන්නවාද, ඔහු සිපගත්තේ මගේ හදවත මිසක් මගේ මේ කය නෙවේ. ඒ නිසාමයි ඒ ආදරය මාව තාමත් දවන්නේ. ඉතින් ඔයා තාමත් හිතන්නේ ඔයාව මම රිද්දනවා කියලද???? මගේ වගේම ඔය හිතේ තාම මම ඉන්නවාද ඊයේ රෑ වගේ හෙටත් ඔහුගේ නම මුමුණයිද නා දලු වතුරෙන් තෙමුණ කෝල ඒ රැය මගෙද මගේ රූබර නිලියේ ආදරේ රැගුමක්ද මෙච්චර දේ දැනුනත් ඔහු තාමත් ඇගේ පහස සොයනවා. දවසක ඔහු හොයන පහස ඕනවටත් වඩා ඇය සපුරනවා. ඈව හැගීම් සමුදයක ගිල්වමින් රති විලක රඟ දෙනවා. නමුත්, ඇයගේ කෙදිරිය අතරින් ඇහෙන්නේ ඔහුගේ නම නෙමේ!! ඇය ගතින් ඔහු සමග සිටියත් සිතින් "ඔහු" සමග යහන් ගත වෙලා. ඇයව උද්දීපනය කරලා තියෙන්නේ "ඔහු." එනිසා නා දලු තෙමුන රෑ ඔහුගේ නෙමේ. ඒ රෑ “ඔහු” ගේ. මගේ නමම ඔබට ලීවත් එය තව මදි නේද රෑ දකින හීන ගැන දිවුරන්නට පුලුවන්ද නොකියම ඉන්නම් ප්‍රේමේ මෙතරම් සිල්ලරද ඇය නැවතත් කියනවා, මගේ “හැමදෙයක්ම “ දුන්නත් තාම ඔබ සෑහෙන් නෑ නේද. මට තාමත් මම ඔබේ කියා දිවුරන්නට බෑ. ඒ මගේ හීන වල ඔබ නැති නිසා කියලා මම කොහොම ඔබට කියන්නද. හිතේ ඇතුලේ ඉන්න කෙනාට ප්‍රේම කරන අතරේ ඔබටත් ප්‍රේම කරන්න තරම් මගේ ප්‍රේමය සිල්ලර නෑ. ඊට වඩා ඒක වටිනවා. ඒ නිසා, රඟමඩල තාම තරුණයි යන්නට අවසරද???!

ආදරේට කොහෙද නිර්වචන...ආදරේට කොහෙද මාර්ගෝපදේශ..මං බෞද්ධ ... මට දැනෙන විදියටනම් අපේ හිත කෙනෙක් ළඟ නවතින්නෙම සසර පුරුද්දට..කෙනෙක් ළඟදි හිත කීරි ගැහෙන තේරැම් ගන්න බැරි දෙයක් දැනෙනවානම් ඒ කෙනාව අපිට මේ සසරෙ ගොඩක් හුරුයි..ආදරේ කාටවත් තේරුම් ගන්න බැරි ඒකයි..❤️

රූප රචනය බලද්දී ගීතය අමතක වෙනවා✅ගීතය අහද්දී ඇස් පියවෙන නිසා රූප රචනය නොපෙනී යනවා.🙏 ඉතිං ආයේ ආයේ බලනවා.අහනවා 🌷

හිතින් වෙන කෙනෙක්ට ආදරේ කරලා, ගතින් වෙන කෙනෙක්ගේ වෙන එකම දුකක්..... ඒ නිසාම වෙන්න ඇති සමහර මිනිස්සු පරණ මතක එක්කම තනියම ජීවත් වෙන්නේ....ඒ මතක හරිම සුන්දරයි ❤

දවසට කී වතාවක් නම් අහන්න ඇතිද කියලා හිතන්න බෑ...දවස් පහක් අදට...ඒ දවස් පහට මේ ගීතය කෙතරම් ඇහුවද දන්නේ නෑ...හිතට නිවනක් නෑ ගෙනෙන හැම ගීතයක්ම හරි ලස්සනට විඳින්න පුලුවන්...ඔබ හදවතේ රැඳුන නිහතමානි ගායිකාවක්....❤ මෙහි පද අරුත ඔබෙන්ම දැනගන්නට ඇත්නම්.................

අභී කියන්නේ සින්දු කියන මත්ද්‍රව්‍යක් .❤️ තනිකරම ඇබ්බැහි වනසුලු මත්ද්‍රව්‍යක්. ගැලවීමක් නම් නෑ Love u so much ABHI ❤️😘

"රිද්දන්න බැරිකමට දැනෙනවා කියනවද" "පෙම් කළා කිව්වට පෙම් කළා වෙනවාද" හිතට අමාරුම තැන් දෙක 😥✨️

අභීගෙ දෑතට වගේම කටහඬටත් කවදාවත්ම ඇස්වහක් නම් වදින්න එපා ..මොකද ඔය දැතින් ලියවෙන ලස්සන පදවැල් ඔය හඩින් අපිට තව තවත් අහන්න ඕන ...❤❤❤

"පෙම් කලා කිව්වාට පෙම් කලාම වෙනවාද..🥺" හැමදාම වගේ අහී කියන්නේ භාවනාවක් ❤

"මගෙ රූබර නිලියේ ආදරේ රැගුමක්ද " කියලා අන්තිමට කියන තැනදි ඒ voice එක ඇහෙනකොට දැනෙන හැගීම, මට තේරෙන්නෙ නෑ ඒක ගැන කියන්න, ඒත් එක්කම අභී අක්කෙ "රග මඩල තාම තරුණයි යන්නම අවසරද" කියලා අහනකොට , මේ වෙන් වෙන්න අවසර ඉල්ලන විදියෙ ඒ පද පේලි දෙකේ තියෙන සංයමය, වේදනාබර බව, හැගුම්බර බව, විඩාබර බව තව වෙන් කරල කියා ගන්න බැරි කෑ ගහලා අඩන්න තරම් හිතෙන හැගීම් ගොඩාක් ගැබ් වෙලා තියෙනවා කියලා දැනෙනවා

හිතින් අමතක කරන්න බැරි ආදරයක් අපි හැමෝටම තියෙනවා! ආයේ ඒ ආදරේ මගේ වෙනවනම්! ❤පුදුම ලස්සනයි 🌹

ඇයි මම මේක සැරින් සැරේ ඇවිත් අහන්නේ? ගීතයකට මිනිස්සු හිතන්නෙවත් නැති තැනක මෙහෙම අතරමං කරන්න පුලුවන් ද? වැඩිපුරම රිදුනේ මගේ හිත... ඔයා දන්න්නවද අභී❤

ප්‍රේමය නිසා විදවන හිත් සුවපත් වේවා ! 🥺❤️

ලගදිම 1 M ගහනවා මම බලන අහන තරමටම.... මම වගේ තවත් අය සිටීද ....මේ වෙද්දි 100 වතාවකට වඩා ඇහුවා 👌😘

අහපු වාර ගණන මෙච්චරයි කියලා කියන්න බෑ .ඒ තරමට වෙනස්ම රසයක් දැනුණු ලස්සන වැඩක් .අභී අක්කිගේ රංගනයත් මාරම ලස්සනයි ❤❤❤❤

"පෙම් කළා කිව්වාට පෙම් කළා වෙනවාද... රිද්දන්න බැරි කමට දැනෙනවා කියනවද ❤..." ඇය වරෙක කියනවා ආදරය යනු හිත හීරෙක එක, ඒ මැද්දෙන් හිනා වෙන එක කියලා... දැන් අය කියනවා ආදරය කියන්නෙ යන්නට දීම කියා.. සැබැවින්ම ආදරය ඇයව වෙනස් කරලා... කවුරු කොහොම කිව්වත්, ආදරය කියන්නෙ යන්නට දීම කියලා... අපි එහෙම කියන්නෙ අපේ හිත සනසවගන්න මිස ඇත්ත නම් ඔහුගෙ හෝ ඇයගෙ යලි පැමිණීම අපි බලාපොරොත්තු වෙනවා.. මම කතාවක් අහලා තියෙනව ඔබ වරෙක දෙදෙනෙකුට ආලය කරයි නම් ඔබ අනිවාර්යයෙන්ම තෝරාගත යුත්තෙ දෙවැන්නාවයි. මන්ද යත් පලමුවැන්නාට ඔබ සැබැවින්ම ආදරේ නම් දෙවැන්නෙක් සිටින්නෙ කෙසෙද... ළඟ තබා ගන්න බැරි ගොඩක් දේවල් වලට අපි යන්න දුන්නට හිත ඉල්ලන්නෙම ඒ දෙවල්. අපි කරන්නෙම හිත හදාගන්න එක මේ ගීතයේ වගේම... "රඟ මඩල තාම තරුණයි යන්නම අවසරද ...?" Abhisheka Wimalaweera ගෙ ගීත වල කියවෙන්නෙ අපේම ජීවිත කතා.. ගීතයෙ පද රචනය, රූප රචනය ඉස්තරම්. ''මතක'' ගීතයෙ ඇය ඉරි දෙකක් මැදින් හරස් ඉරක් අදිනවා වගෙමෙ රගමඩලේදි ඉරි තුන, හතරක් කරනවා.. එයයි සැබෑම යතාර්ථයට. මා ඔබේ ගීත වල හෘද්‍යාංගම බව ප්‍රිය කරමි.. ආදරෙයි අභී ❤️

හිනාව අමතක වුන තැන කඳුළු ඉස්සර වෙලාම හිතේ තියෙන මානසික යුද්ධේ ගැන ඇස් දිහා බලන ඕනෙම කෙනෙක් ට පේනවා..🙂🥀 ඇය දන්නේ නෑ කා වෙනුවෙන්ද කඳුළු වලට ඉඩ දිය යුත්තේ කියලා, ඒකමයි ඇස් වලින් කඳුලක් පේන්න නැත්තේ.. නමුත් ඇගේ හිත දන්නවා ඔහුගේ යළි පැමිණීම ඇය බලාපොරොත්තු වෙනවා කියලා.. ඔහුත් දන්නවා ඇගේ ගතම ඔහු නමට ලිවත් මදි කියලා ඇගේ හිත වෙනතක නිසා.. "රිද්දන්න බැරි කමට දැණෙනවා කියනවද🥀..?" හෝ.. මේ රචනයේ බරම තැන, එක මිටට අරං වරු ගානක් උනත් හිතන්න පුළුවන්, නමකට ගතකට ආදරේ කරන හිතකට හරී ලේසී ඇති නමුත් හිතකට ආදරේ කරන ඕනම හිතකට හරි බරයි ඒ වචන.. ඇස් වලට කඳුළු නොදීම හිතක් අඬවන්න පුළුවන් කියලා දැන ගත්තේ ඔය වචන ඉස්සරහා... පිරිමි හිතත් ආසයී ගැහැනු හිත් ලඟ නිවෙන්න, ඒකමයි ගැහැනු වැඩිපුර ආදරේ කරේ ප්‍රතිවීරයන්ට කියලා කියද්දිත් ගෑනු හිත් ළග වීරයො වෙන්න ඕනෙ හින්දම නොහඩා දරාගෙන ඉන්න පුරුදු වෙන්න ඇත්තේ... අයිතියක් නැති හදක අයිතියක් හොයද්දී නොදැනිම තවත් අපි ඇබ්බැහි වෙනවා. ඒත් ඒ හිතේ ඉන්නේ වෙන හිතක් කියලා දැනෙද්දී ප්‍රේමයත් හරියට මිරිඟුවක් වෙනවා! "රඟ මඩල තාම තරුණයි යන්නම අවසරද ...?" ඔහු බලං ඉන්නවා ඇය එනකල් දෙවෙනි දවසේත්, තාම මග හරින ඒ හිත ඇත්තටම ඒවීද යාවිද කියලා දන්නෙ නැහැ.. ආදරේ කියන්නේ යන්නට අවසර දීමම නම් ඔහු ඇයට ඉඩ දේවී, ඉතින් ඇය!? 🙂🙏🏻 පෑරෙන තැනක් වුවත් ඔයා හරි ලස්සනය ස්පර්ශ කලා. රූප රචනය, පද රචනය, හඬ සුසංයෝගය මෙහෙමයි කියලා අගයක් දෙන්න බෑ, පුදුම ලස්සනයී.. ඔබේ හැම ගීතයටම ප්‍රිය කරන කෙනෙක්! ආදරෙයි අභී ❤

කොයිතරම් මවා පෑම් කළත් හැම ගෑනූ හිතකම කොහේ හරි හැංගුන අහිමුවුණු කෙනෙක් ගැන මතකයක් තියෙනවා ....ඉතිං අභී මේ කියන්නේ ඒ හැගීම කියලා මට හහිතෙනවා ❤❤

ඔහු ළඟ හිටියාට ඔය හිතේ මං නේද? අපෙ මතක එක්කලා හීනෙන් පොර බඳිනවද? හඳ අයිති අහසටයි එ් බව දැනුනාම මගෙ සඳවතියේ පොළවට නුඹ බර වැඩි නේද? මා රාග සිතින් බැලුවේ නෑ ඔහුට කියන්න අපි අතැඟිලි පටලන් හීන දැක්කා නොවෙද? හීන මිසක් ඔබෙ උණුසුම මං නොවින්ද ම එ් රැය හැමදාමත් ඔහුගේ ඔබ පවසන්න.

සමාජයේ අපි නොහිතන පැතිකඩවල් ගැන හරිම අපූරුවට ඝවේශණය කරන අභී ඒව පදවැල් වලට පෙරලලා හරිම අපූරුවට ගායනා කරනව මනුස්ස හදවත පතුලටම කිදාබහින්න තරම් සමහර පදවැල් හරිම වේදානාකාරීයි❤❤❤

අද දවසම මේ සිංදුවත් එක්ක ගෙවුණා කිව්වොත් කවුරුත් විශ්වාස කරන එකක් නෑ..මතක නෑ කී පාරක් ආයේ ආයේ ඇහුවද කියල.හේතුවක් කියන්න තේරෙන්නෙ නෑ මේ දෙන්නා ගැනම දුක හිතෙනවා ආදරේ හිතෙනවා හිත රිදෙනවා ඒ වචන ඇහෙනකොට.ඔයාගේ වචන අක්කී මට කියන්න තේරෙන්නෙ නෑ.වචන වලට පුළුවන්ද මෙහෙම හැගීමක් දෙන්න🥺 ඒ වගේම රූප රචනය👌👌👌 මලිත් අයියගේ හඩත් හරිම රහයි ඔයාගේ හඩත් එක්ක ඇහෙනකොට❤️ කියන්න වචන නෑ ඔයා නියමයි.තවත් මේ වගේ නිර්මාණ අපිට දීලා අපිව සනසන්න.රිද්දන්න..කවදාහරි ඔයාගේ හඩ live අහන්න ඕන.ඒක ආසාවක්😍

" ආදරය යනු යන්නට අවසර දීමයි.." felt it deeply 🥺❤

Mr.Sunil Wimalaweera කොපමණ අනර්ඝ නිර්මාණ කරලා තිබුනත් එතුමාගේ විශිෂ්ටතම නිර්මාණය අභී...🙂❤️💫

නොකියම ඉන්නම් ප්‍රේමේ මෙතරම් සිල්ලරද....? රගමඩල තාම තරුණයි යන්නම අවසරද.....? 🥀 Beautiful ❤

කී පාරක් ඇහුවා ද කියන්න මතක නැ....ඒ හඩවල් දෙකේ ගැලපීම හා පද රචනය ...❤ වර්තමානයේ බිහි වු හොදම නිර්මානයකි😍🎼

ඔව් ගැහැනියෙකට වටින්නේ භෞතිකව දැනෙන ස්පර්ශයට වඩා හදවතට දැනෙන ස්පර්ශය යි..........ජීවිතයේ කවර තත්වයකදී කුමන වකවානුවක දී උවත් ඒ ස්පර්ශය අමතක වෙන්නේ නෑ...

කොච්චර ඇහුවත් අහන එක නවත්තන්න බෑ..අභී කවදත් ඇබ්බැහියක්.. මලින් අයියගෙ voice acting කියන්න වචන නෑ.. ආදරෙයි අභී.. ❤️🧿

අතකින්වත් අල්ලන්නේ නැති ඇහැකින්වත් බලන්නේ නැති මේ රූප රාමු බලන බලන ගානේ හිත කීරි ගැහෙන්නේ මගේ විතරද අනේ

ඔහුගේ ප්‍රතම ප්‍රේමය මා වූවත් මාගේ ප්‍රතම ප්‍රේමය ඔහු නොවේ... අමතක නොවන ප්‍රතම ප්‍රේමය හීනයක්ම කරන්නට ඔහුගේ පිරිමි හදවතට හැකි වූයේය. සැමදාටම ණැයගැති මා මේ ප්‍රේමයට...❤❤❤❤

මගේ හිත ගත් කුමරෝ ආදරේ 🔥 ද මගේ අත ගත් කුමරෝ ආදරේ වරදක් ද ... මන් කැමතියි මන් මැරෙන මොහොතේ මේ ගීතය අහන්න මට සතුටින් ආදරේ විදලා විදවලා මැරෙන්න

මේ ලෝකෙ මිනිස්සු වර්ග දෙකක් ඉන්නවා.. එක - ලෝකෙට පේන්න හිනා වෙලා ඉන්න මිනිස්සු. දෙක - හිතේ සතුට වෙනුවෙන් බැදීම් අත්අරින මිනිස්සු. හැමදාම බැනුම් ඇහුවෙ දෙවෙනි කොටසේ මිනිස්සු.කවුද හරි, කවුද වැරදි කියන්න දන්නෙ නෑ. ආදරේ නම් යන්නට අවසර දෙන්න... 💚

මලිත් ගෙ voice එක වෙනම level එකක්.. ❤❤❤

ආදරය යනු යන්නට අවසර දීමය..... ඒක ආදරෙන් පැරදුණු අය කියන ලස්සනම බොරුව . අතීතයට යන්න අවස්තාවක් ලැබුනොත් එයා ලගට ආයෙම යනවා

මාතරට Concert එකක් අනිවා ඕන, මේ සින්දුව සජීවීව අහනකන් ඉවසිල්ලක් නෑ, ❤

නා දලු අතුරෙන් තෙමුන කෝල ඒ රැය මගෙ ද..... මගේ රූබර නිළියේ ආදරේ රැගුමක් ද... ආසම කොටස ❤

පෙම් කළා කිවුවාට පෙම් කලා වෙනවාද...? තරු එළියෙ පිපුණු මල් හද එළියෙන් මැරුණාද...? ඔහු හාදු දුන්නෙ හිතටයි ප්‍රේමය ගින්දරද...? වැඩිපුරම රිදෙන්නේ කොයි හිතද දන්නවද...? ❤️‍🩹🥺🥀

මේ සින්දුව ගැන පැහැදිලි කිරීමක් ඕනේමයි. මේක නම් භාවනවක් ❤

ගීතය වගේම රූප රචනයත් තරමක් ගැඹුරුයි වගේ මට දැනෙනවා... ඕනම නිර්මාණයක් විවිධ කෝණ වලින් අපිට දකින්න පුළුවන්...අභී හැම වෙලේම අපිට හිතන්න අවසර දීලා තියනවා... ඉතින් මේ මගේ අදහස... මුලින්ම පටන් ගන්නේ වාහනයේ දර්ශනයෙන්,එතනදී කුරුළු පිහාටු පෙන්නුම් කරන්නේ සැහැල්ලු ජීවිත දෙකක් කියලා හිතෙනවා...ඔවුන් යන්නේ මුහුදු තීරයේ ගල් තියෙන තැනකට,විටක ජීවිතය සැහැල්ලු වුනත් හිත් ගල් වෙන්නත්, මුහුදක් වගේ විශාල වෙන්නත් පුළුවන්...නමුත් මේ අතර අර වාහනය ගමන් කරනවා...ප්‍රශ්න අතර ජීවිතය ගලාගෙන යනවා වගේ... මේ මධුසමයට යන යුවල ගෙන් සැමියා බිරිඳගේ සිත දිනාගැනීමට විශේෂයෙන් යහන කාමරය සරසලා තියනවා...යම් තැනක ඔහු පවසනවා හිරිවැටුන ඕළු මල් පිබිදෙන්නේ කවදාද කියලා...ඕළු මල පිපෙන්නේ මඩේ...හැබැයි ඒ මල පිපෙන්නේ මඩෙන් උඩට ඇවිත්...මෙතන සැමියා බිරිඳගේ අතීතය ගැන විමසනවා වගේම ඔහුගේ ආදරය ගැන හරි ලොකුවට පවසනවා...ලං වෙන්න ආසාවෙන් ඇය ඇදට ගියත් ඇදේ තිබුනේ වෙලුන මල් පොකුරක්...ඇය ඒකට අකමැති වෙන්නේ කැප කිරීම ගැන ඔහුගේ දෙඩවීමට අකමැති බවක් පෙන්වමින්... සැමියා පවසන දේ සත්‍යයක් බව ඇගේ ගෙලේ පසුපස ඇති අකුර මලිත් ගේ නොවන "N" අකුරක් පෙන්වනවා...ඒ වගේම ඇය ගෙල සිරවෙන්නම බැද ඇති මාලෙනුත් බැදීම දිස් වෙනවා...ඇය කෙස් කලඹෙන් එය වසාගෙන රාත්‍රිය විදීමට සූදානම් වෙනවා... ඇය සැමියාගෙන් විමසනවා... ආදරේ කියූ පමණින්ම ඒක ආදරය වෙනවද? හැබැයි මේ වෙලාවේ ඇගේ ගෙලේ මාලය නෑ...ඇය තරමක් නිදහස් වෙලා....තරු එළිය පිපුණු මල් සඳ එළියේ මැරෙනවා ද?තරු එලිය කියන්නේ පොඩි එළියක් ඒ එලිය හඳට සමාන නෑ,පෙර පෙම්වතෙක් හිටියට සැමියා තරම් නැති බව ඇය ඉගි කරනවා... නමුත් ඇය ඒ රාත්‍රියේ රෝස පෙති පුළුස්සනවා...ඒ ඇය ඇගේ අතීතය අමතක කරන්න උත්සාහ කරනවා වෙන්න පුළුවන්... හැබැයි මේ වෙද්දි සැමියා තෙත බරිත වෙලා...කාමයද ඔහුගේ හදවතේ බොළඳ බව නිසා වෙන්නත් පුළුවන් ප්‍රේමය ගින්දරක් ඇත්තටම මෙතන වැඩි පුරම හිත රිදෙන්නෙ කාටද? බොළඳ සැමියටද? තමාටද? ගල්ගොඩක කල්පනා කරන බිරිඳගේගෙන් සැමියා අහනවා...ආපහු මම තරම් ම ඔයා මටත් ආදරේ කරනවද?ඊයේ රෑ වගේම හෙටත් කලින් කෙනාගේ ගැනම හිතනවද??මගෙත් එක්ක ඒ ගෙවපූ රෑ සුන්දර වුණේ ඔහුගේ රෑපය මගෙන් මවාගෙන ද??? සැමියා ඇත්තටම ඇයට ආදරය කරන බව එක වචනයක තියනවා...ඇය මේ කරන්නේ තමාව රවටන රැගුමක් වුනත් "මගෙ රූබර නිලියේ" ඇය තමන්ගේ කරගෙන අවසානයි නමුත් තවමත් ඔහු සිටින්නේ සැකයකින්.... ඔය අතරේ පෙන්වනවා සැමියා රතු වයින් එක බොනවා...මත්වෙලා බොරුවට පුංචි දේත් ලොකුවට කියවන කෙනෙක් බව ඉන් පැහැදිලි වෙනවා.... නිහඩව හිටපු බිරිඳ කතා කරනවා කසාද බැඳලා ඉන්නේ ඔයයි මමයි...ඒක ම ඔයාට මදිද? තවත් මොනවද බලාපොරොත්තු වෙන්නේ? මට දැනුන අතීතයක් තිබූනා නමුත් දැන් ඉන්නේ ඔයා ඒක වෙරලේ N අකුර M කරන ආකාරයෙන් පෙන්වනවා...ඇය පවසනවා නමුත් රෑ දකින හීන ගැන මට පාලනය කරගන්න තව කල් යයි...මේ තරමටම ප්‍රශ්න කරන්න තරම් ආදරේ නිවටද?? ඔයයි මමයි තාම තරුණයි...ඔයාට හිතෙනවා නම් අපි වෙන් වෙමු කියලා ඇය පවසනවා.... නමුත් සැමියා තවමත් ඇයට ආදරය කරනවා....අවසාන රූප රාමුවේ ඇද මත බිරිඳ ඔහුට අයිති වූ බවට ලේ පැල්ලම තියනවා.... සැමියා ඒ මතට තමන් බොමින් සිටි වයින් එක හලනවා....දෙදෙනා අවසානයට එකම ඇදක වැතිරෙනවා.... විවාහයක ගැඹුර තේරුම් ගත්තා වගේ.... සමාවෙන්න වෙනමම පැතිකඩකින් මේ නිර්මාණය විග්‍රහ කරාට...මගේ අදහස මේ තවත් අය සියුම් දේවල් මේ තුළින් දකීවී.... අභී...මේ වගේ නිර්මාණය තව තවත් කරන් යන්න ඔයාට ශක්තිය ලැබෙන්න ඕන...තරුණ තරුණියන් සේරටම සංගීතය නිර්මාණය ය රූප කාව්‍යක රසාස්වාදය විදින්න ඇබ්බැහි කරාට පිං... ❤

❤️දැනෙන්න,උතුරන්න ලැබෙන ආදරය හිමි වෙන්න ඕනෙ හැමෝටම සදාකාලිකවම...❤️

මෙච්චර දවස් මේ සින්දුව මග ඇරියා..ඒත් අද කමක් නෑ කියලා හිතාගෙන සින්දුව ඇහුවා..අයියෝ අපරාදෙ ඇහුවෙ..පිහියකින් පපුව හෑරුවා නම් මීට වඩා ඉවසන්න පුළුවන් 😭😭😭😭😭😭😭😭😭😭😭😭😭😭😭

ගෑනු හැමදාම හෙව්වේ ආදරේ.රණ්ඩු උනේ ආදරේ ලබන්න.එත් බොහොමයක් පිරිමින්ට නොතේරුනෙත් ඒ දේමයි.

මේ ලෝකෙ මේ දුක පිරිමි වගේම ගෑණු අයත් අත්විදිනවා…කොච්චර ඇහුවත් ඇතිවෙන්නේ නැති සිංදුවක්. කාලෙකින් අහපු. අභිශේකා මලිත් සුසංයෝගය ❤️

ප්‍රේමයෙන් නොරිඳුනු හිත් පවා මොහොතකට රිද්දවන පද ගැලපීමක් ❤ මාරම රහයි, ලස්සනයි ❤❤❤❤

උත්තරේ - අපි ඉන්න ඕනි අපිත් ආදරේ අපිටත් ආදරේ තැනක....ඔය දෙකම වෙන්නේ නැති තැනක ඉන්න පුලුවන් හැබයි සතුටින් නම් නෙවෙයි.....මේ සින්දුවෙන් මට තේරිච්ච දේ මන් එයාට කිව්වා.....සමහර විට ආපහු මමත් එයට ආදරේ කරන්න පටන් අරගෙන තව එයත් එක්ක දුර යයි...ඒත් එතකන් බොරු කරන්න බෑ....යාලුවෝ හැමෝම බැනපු මගෙ ප්‍රශ්නෙට උත්තරේ දුන්නේ අබිශේකගේ මේ සින්දුව....ඔයාගේ සින්දු බර වැඩි තාම මට....Come to Rathnapura too ❤️

සිල්ලර සිංදු අහන පරපුරක මේවගේ නිර්මාණ අගයන්න පුළුවන් මිනිස්සු ඉන්න බව දකිද්දි ලැබෙන්නේ පුදුමාකාර සතුටක්...ස්තූතීයි අභී .💙💙💙

මම මේ Song එක අහුවෙ අද 50 වෙනි වතාව. අභී අක්කි ඔයාගේ කටහඩ නම් භාවනාවක්.... මලිත් අයියා ඔයාගෙත් එහෙමයි ❤ අක්කිගෙ මේ සින්දුවේ වචන මාරයි. ♥️ මගේ රූබර නිළියේ ආදරේ රැගුමක්ද. . . . . ❤ රග මඩල තාම තරුණයි. . . යන්නම අවසරද. . . . . ❤ Thank You So much Both of You 😍🙈 (Akki & Aiya)

කවුරු ළග හිටියත් සමහර මිනිස්සු දුන්න ආදරේ කාටවත්ම කවදාවත්ම දෙන්න බෑ 😔❤️... 2023.06.02

"රඟමඩල තාම තරුණයි යන්නට අවසරද?" හිතින් කෙනෙක්ව තුරුළු කරන් ගතින් වෙන කෙනෙකුට තුරුළු වීමට සිදු වීමක්.... ඇයගේ අකමැත්තෙන් සිදු වූ විවාහයක්…. "කප්පරක් පෙම් කලත් දැනෙන්නේ නෑ නේද හිරිවැටුණු ඕලු මල් පිබිදෙන්නේ කවදාද? මටවඩා දැනෙන්නට ඔහු හාදු දුන්නාද? රිද්දන්න බැරි කමට දැනෙනවා කියනවද? " ඔහු (සැමියා) අහනවා කොච්චර ආදරේ කලත් දැනෙන්නැහැ නේද කියල මොකද ඇයගෙ අකමැත්ත ඇය නොපෙන්නුවට ඔහුට (සැමියට) දැනෙනවා.. ඒ අකමැත්තෙන් ඇතිකරගෙන තියෙන හැඟීම් කැමැත්තෙන් වෙන්නෙ කවද්ද කියලා ඔහු අහනවා.. පෙම්වතාව ඇයට ගොඩාක් ලඟින් දැනුන නිසාද ඔහුව (සැමියාව) නොදැනෙන්නෙ අහනවා… ඒත් ඔහුට ( සැමියට) රිදෙයි කියලා හිතල කැමැත්තෙන් සතුටින් ඉන්නවා වගේ ඉන්නවද කියලා අහනවා ඇයගෙන්… ඇගෙන් ඔහු (සැමියා)මේ අහන ප්‍රශ්න වලට ඇය මෙහෙම ප්‍රශ්න වලින්ම උත්තර දෙනවා "පෙම් කලා කිව්වාට පෙම් කලා වෙනවාද? තරු එලියේ පිපුණු මල් හද එලියෙන් මැරුණාද? ඔහු හාඳු දුන්නේ හිතටයි ප්‍රේමය ගින්දරද? වැඩිපුරම රිදෙන්නේ කොයි හිතද දන්නවද?" ඔහුගේ (සැමියා)පලමු ප්‍රශ්නයට (කප්පරක් පෙම් කලත් දැනෙන්නේ නෑ නේද) ඇය උත්තර දෙන්නෙ කොච්චර පෙම් කලා කිව්වත් ඒක අනිත් කෙනාට දැනෙන්නැත්නම් ඒක ප්‍රේමයක්ද කියන ප්‍රශ්නාර්තයකින්මයි… ඔහුගේ (සැමියා)දෙවන ප්‍රශ්නයට ( හිරිවැටුණු ඕලු මල් පිබිදෙන්නේ කවදාද?) ඇය අහනවා පෙම්වතාගෙන් මුලින්ම ලැබුන පහස සැමියා ලඟදි වැඩියෙන් මතක් වෙනවා මිසක් අමතක වෙයිද කියලා… ඔහුගේ (සැමියා)තුන්වන ප්‍රශ්නයට ( මටවඩා දැනෙන්නට ඔහු හාදු දුන්නාද?) ඇය කියනවා ඔයා මගේ ඇඟට දැනෙන්න දේවල් කලාට එයා මගේ හිතටයි දැනුනෙ හිතට දැනෙන ප්‍රේමයටයි රිද්දන පුලුවන් වැඩියෙන්ම.. අන්තිම පේලියෙන් ඇය ඔහුට කියනවා ඔයාට රිදෙනව කියල බොරුවට දැනෙනව වගේ ඉන්න ඕන නැහැ මට ඊට වඩා මගේ ආදරේ නැතුව මං දුක් විඳිනවා කියලා… "මගේ වගේම ඔය හිතේ තාම මම ඉන්නවාද ඊයේ රෑ වගේ හෙටත් ඔහුගේ නම මුමුණයිද නා දලු වතුරෙන් තෙමුණ කෝල ඒ රැය මගෙද මගේ රූබර නිලියේ ආදරේ රැගුමක්ද?" "මගේ නමම ඔබට ලීවත් එය තව මදි නේද රෑ දකින හීන ගැන දිවුරන්නට පුලුවන්ද නොකියම ඉන්නම් ප්‍රේමේ මෙතරම් සිල්ලරද" "රඟමඩල තාම තරුණයි යන්නට අවසරද?" ඔවුන්ගෙ (සැමියාගේ සහ ඇයගේ ) මධුසමයේදි ඇයට ඇගේ සැමියාගෙ නම වෙනුවට මිමිනෙන්නෙ ඇගේ පෙම්වතාගෙ නම ඒ වුනත් ඔහුගේ (සැමියාගේ) හිතේ තාමත් ඇයට ඉඩ තියෙනවා කියලා කියනවත් එක්කම ඔහු (සැමියා) ඇයගෙන් අහනවා ඒ මගෙ (සැමියාගෙ) හිතේ වගේ ඔයාගේ හිතෙත් මට ඉඩ තියෙනවද,තිබුනද නැත්නම් මාත් (සැමියත්) එක්ක එකතු වුන රැයත් පෙම්වතාවම මවාගෙන විතරක් සිදුවුන දෙයක්ද මේ සිද්දවුන විවාහය බොරුවක්ද කියලා අහනවා ඒ ප්‍රශ්න වලට පිළිතුරු ප්‍රශ්න විදිහටම ඇය දෙනවා.. මම ඔයාට ( සැමියාට) නීතියෙන් අයිති වෙලා තියෙනවා තවත් මොනව කියන්නද කියලා … ඒ වගේම කියනවා පෙම්වතාව යටිහිතේ ඉද්දි ආයෙ මතක් වෙන්නැහැ කියලා බොරු පොරොන්දු දෙන්න බැහැ කියලා.. ඒ වගේම ප්‍රේමය කියන දෙය පතිවතට යට කරන්න තරම් බාල දෙයක් නෙවයි කියලා…. අන්තිමට ඔහු (සැමියා)අහන ප්‍රශ්නයට (මගේ රූබර නිලියේ ආදරේ රැගුමක්ද?") ඇය ලස්සන උත්තරයක් දෙනවා නැහැ ආදරේ කියන්නෙ නැති වෙන දෙයක් නෙවයි ඔයා (සැමියා ) මට මගේ පෙම්වතා ලඟට යන්න දෙනවනම් පතිවත බිඳිලා තිබුනත් තාම අපේ (පෙම්වතාගෙ සහ ඇයගේ) සිත් බිඳිලා නැහැ අපිට ( පෙම්වතාට සහ ඇයට) ආදරෙන් ඉන්න පුලුවන් කියලා "රඟමඩල තාම තරුණයි යන්නට අවසරද?" විශුවල් එකට අනුව ඇයගෙ හිතේ කොනකවත් ඔහුව ( සැමියා) නැති බව දැනගත්තම ඇයට යන්න දෙනවා… ආදරය යනු යන්නට අවසර දීමය… නැතහෙත් ආදරය හිත් ඇතුලෙම මිය යාවි….(රඟමඩල වියපත් වෙමින් පවතී)

2:09 ඔහු හාදු දුන්නෙ හිතටයි, ප්‍රේමය ගින්දර ද... වැඩිපුරම රිදෙන්නේ කොයි හිත ද දන්නවද... මෙතැනදි... අනිත් පෙම්වතාගෙ හිත ගැනත් කියනවා වෙන්න බැරිද... 🤔

දවසට එකපාරක් අහන්නෙ නැතිව බෑ අක්කී❤️❤️පිස්සුවක්...ඇත්තමයි පුදුම තරම් ලස්සනයි❤️❤️❤️කොච්චර ඇහුවත් එපා වෙන්නෙ නෑ.ඔයාගෙ කටහඩ මත්ද්‍රව්‍යක් වගේ...ඔයාගෙ නිර්මාණ වලට සමකරන්න නිර්මාණ මේ මෑතකාලෙක නම් නෑ අක්කී......මායාවක් අක්කී....තෙරුවන් සරණයි❤️❤️❤️ඔයාව ඇත්තටම දකින්න ආසාවක් තියෙනවා....නුවරට ආවත් ඒ concert එක මගහැරුනා අක්කී

මලිත් - අහන්න ආසාවෙන් ඉඳපු voice එකක්.. අභී - අහන්න ආසම voice එකක්.. තව මොකුත් කියන්න ඕනෙද? 😌❤️

හිතේ කෙනෙක් තියන් ගතින් තව කෙනෙක්ගෙ වෙනවාට වඩා හොදයි හිතත් එක්කම තනිවෙන එක... ඒ වේදනාව තමන්ටමයි, එහෙම නොවී නොදැනෙන තැනක නැවතුනොත් තව කෙනෙකුත් විදවනවා... නොදැනෙන තැන්වල නවතින්නම එපා___සැනසීමක් නැතිවෙයි❤️

මම හිතන්නේ මම ලංකාවේ දැක්ක සහ මට ඇහුන කටහඩවල් වලින් මං ආසම කරන කටහඩ අභිශේකා විමලවීර මහත්මියගේ,, ඇත්තටම මම කලාව සම්බන්දව වැඩිය හොයපු කෙනෙක් නෙවෙයි සහ ආස කරපු කෙනෙක් නෙවෙයි ,, හැබැයි ඇයගේ සින්දු ඇහුවට පස්සේ,,මම ඒ සින්දු වල වචන වලට ගොඩක් ආස කලා ඒ වචන වල පුදුම බරක්,, අරුතක් හැංගිලා තියෙනවා,, ඇත්තටම මම කලාවට ආදරය කරන්න පටන් ගත්තේ ඇය නිසා,, මම දැනට උසස් පෙළ හදාරනවා කලා අංශයෙන්,, සිංහල විෂය තමයි මගෙ ප්‍රියතම විෂය වෙලා තියෙන්නේ,, ඇය නිසාම කලාවට ආදරේ කරපු මං දැන් කවි,, සින්දු පවා ලියන්න ඇබ්බැහි වෙලා ඉන්නවා,, ඇය ඇත්තටම ලංකාවට සම්පතක්,, ඒ කටහඩ භාවනාවක්‌...💆‍♀️✨️❤

කාලෙකදි දෙන්නම ආදරේ කරපු බව ඇත්ත, ඒත් දවසක යන්න ඕන කිව්වොත් හෝ නොකියාම ගියත් ඔවුනට යන්නට ඉඩ දිය යුතුය.. මන්ද? නික්ම යන්නේ පැමිනි බැවිනි. එහිදී කිසිවකු වරදකරුවන් නොවේ, අත් හැරීම තුල අති සුවපත් බව නොදන්නා තරමට අප ආදරයෙන් අසරන වී අති බැවිනි. ආදරය කිසිදා කිසිවකු අසරන නොකලේය.. මන්ද ආදරය ඇති තැන අත්හැරීම තිබූ බැවිනි.. ❤

ඇත්තටම අපිට ආදරේ කරන අය මේ ලෝකේ ඉන්නවා ද? ඒ වගේ රගපානවා වෙන්නත් පුළුවන්.ඇත්තටම ආදරේ කරන අය අදුරගන්න හරි අමාරුයි.

තමන්ගේ නමේ අකුරයි ආදරේ කරන කෙනාගේ නමේ අකුරයි තැන් තැන් වල හීනියය කුරුටු ගාන එක මිනිස්සු එකෙන් හරි ආදරණීය හැගීමක් විදිනවා ❤

Need to think about the comment That I should post Still blank in mind ❤

දැනුනු කෙනා වෙන කෙනෙක් ඒත් දැන් ආදරේ කරන කෙනා තව කෙනෙක්.. දැනුනු කෙනා toxic.තිබුනෙ toxic relationship ekak. Eth eyath godaak adarei.. adarema thibila madi jiwath wenna kiyla hithala eyagen ඈත් වුනා.. ඒත් තාමත් දැනෙන්නෙ එයාව.. ඒත් මට ඕනි දැනෙන කෙනාව අමතක කරලා දැන් මගේ ලග ඉන්න කෙනා එක්ක හොදින් ඉන්නයි. කොච්චර දැනුන වුනත් ඒක toxic nam එකට ඉන්න බැරි නම් අයින් වෙන්න ඕනි කියල හිතලයි අයින් උනේ.. ඒත් අදටත් මං දන්නවා එයත් මං ගැන හිත හිත ඉන්නවා කියලා.. Me සින්දුව අහද්දී දැන් මං ලග ඉන්න boyfriend ge feeling eka mata denenawa.. මේ වචන වලින්ම නැතත් එයත් මේ දේම මගෙන් අහනවා හැමදාම.. දැනෙන කෙනා ලගට යන්න ඕනි නෑ..ඒත් ලග ඉන්න කෙනාව කවදම හරි ඒ තරම්ම දැනෙන්න කියලා ප්‍රාර්ථනා කරනවා 🙏❤ aluth affair eka patan aran thma masayai.. ithin math thma inne me stage eke me feeling eke.. ඉතිං අභී, මට හිතෙන්නෙම ඔයා මේ සින්දුව කලේ මටම කියලයි..❤

Release කරපු දවසෙ ඉඳන් තාම අහනවා ❤️❤️ අභීගෙ වචන 🥺❤️🌹

මම ඔයාගෙ සිංදුවක් එනකන් පිස්සු වෙන් වගෙ බලන් ඉන්න් කෙනෙක්..හැබැයි කොච්චර නොඉවසිල්ලක් තිබ්බත් මට ඔයාගේ සිංදු අහන්න හොදට සෙට් උන වේලාවක් තියෙන්න ඕනි,එ කියන්නෙ හිත ගොඩාක් නිදහස්,නිදහස් වටපිටාවක් ..ඒ ඔයාගෙ සිංදු අනිත් සිංදු වගෙ වෙන්නෙ නැති නිසා..මේ පද වල හිතන්න ගොඩාක් තියන නිසා..social media වල ඔයාගෙ මෙ සිංදුව ගැන ගොඩාක් විචාර,එයාලගෙ අත්දැකීම් මේ සිංදුවත් එක්ක ගලපලා තිබ්බ විදිහ ඉවසීමෙන් බලන් හිටියා මට සෙට් උන වෙලාවක් එනකන්..ඉතිං අද ආවා...මම ආදරය ගොඩාක් අදුනන කෙනෙක් නෙමෙයි ..මම තාම පරිනත ආදරවන්තයෝ එක්ක බලද්දි පොඩි දූවිල්ලක් වගේ..හැබැයි මම දකිනව ආදරයෙ වැඩහිටින අයව ..ඔයාගෙ පද වල තියන මේ අකීකරු කමට,ඒව අපෙ හිත් වල අපි දුර්වලම තැනින්,නැත්නම් අපිට මතක් කරන්න අමාරු තැන් ,අපි ගොඩක්ම ආදරය කරපු තැන් මාර ඉක්මනට උඩට ගන්නවා...මට වෙලාවකට හිතෙනවා ඔයා ඇයි මිනිස්සුන් ගේ දුර්වලම තැන් එක්ක සෙල්ලම් කරන්නෙ කියලා..හැබැයි ම්ම මේ වචන වලට පුදුම තරම් ආදරෙයි..ඔයාට මෙහෙම මිනිස්සු න්ගේ හිත් අස්ස අවුස්සන්න තව තවත් ඔය ලියන අත් ශක්තිමත් වෙන්න ඕනි..ඔච්චර ලස්සනට හිතන හිත ශක්තිමත් වෙන්න ඕනි..ඔයාගෙ පුංචි රසිකාවියක් විදිහට ආදරෙන් අභීට 💛

අභී.... ලොකු ඉල්ලීමක්... මේ සින්දුව ලියනකොට ඔයාගෙ හිතේ තිබුන හැංගුන කතාව ඔයාගෙ හඩින්ම අහන්න ආසයි..❤ අපූරු නිර්මානයට සුබ පැතුම් ❤අභී ❤මලිත්

ඔහොම සිංදු හදන්න එපා අප්පා😔😔 මේ අහන 50 ස් පාර💔

වත්මන් ලාංකේය ගීත ක්ෂේත්‍රය තුල උඩුගම් බලා පිහිනා යන කලාකාරිනී අභී♥️

සමහර දේවල් තියනවා වචන කරන්න බැරි...හරියට මේ සිංදුවට දාන comment එක වගේ❤️✨️🌀

මිනිස්සු ආදරේ කරන බව පෙන්නනවා. ඒත් මුළු ජීවිත කාලෙම ප්‍රේම කරන්නෙ එකම එක වතාවයි. හැමදාම වගේ මාරම ලස්සනයි 🔥❤❤

ගැහැනු පිරිමි වෙනසක් නැතුව අපි ආස අනිත් කෙනාට වීරයෙක්, රූබර නිලියක් වෙන්න..... විවාහය ශාරීරික මෙන්ම ආත්මීය බැදීමක්... නොගැලපීම්, අරුචිකම් එක්ක ඉස්සරහට යන්න හිත හදාගන්න බැරි නම්, ඔව්... අපි රංගනය නතර කරන්න ඕනේ.... කාට කොහොම දැනුනත්, රිදුනත්... තමන්ගේ යටි හිතේ ආශවන්, මතකයන් නිසා දැනට ලග නතර උන ආදරයට අසාධාරණයක් කරන්න අපිට අයිතියක් නෑ.... නමුත් අපිට විතරක්ම ආදරේ කරන කෙනාට කවදා හරි වෙන කෙනෙක් ලගට යන්න උනොත්, ආපහු මේ ප්‍රශ්නෙම අනිත් පාර්ශවයට බලපානවා නේද.. ඒ නිසා මං දකින හොදන දේ... අතීතය අතීතයේ ම තියලා, අපි ශක්තිමතව වර්ථමානෙයේ ජීවත් වෙමු.. අදහසක් පමනි.. හැම එකටම වගේ මේකටත් මුලු හිතින්ම ආදරෙයි. ජයෙන් ජය අභී! මලිත් ටත් ආශිර්වාදය!

ඒ වචන ඇහෙන්නත් කලින්ම රිදෙනවා.. දැනෙනවා.. ❤අභී❤ නමින් වැටෙන හුස්මත් ආදරයක්... කලාවක්...

Mt තාම 20 i .ඕනම කොල්ලෙක් තමන් ගෙ කෙල්ලගෙන් අහනවා.ඔයාට කලින් කොල්ලෙක් ඉදලා තියෙනවද? සමහරක් අය ඔව් කියයි .සමහරක් අය නෑ කියයි.ඔව් කියන අයගෙන් ඒ එක්කම එන ප්‍ර්තිචාරය තමයි මන් දැන් ආදරේ ඔයාට කියලා.ඒක ඒම වෙන්න පුලුවන් ද තමන් කලින් පෙම්වතාට අවංකව ආදරේ නොකෙරුවනම් ඒම වෙන්න පුලුවන් .එතකොට ඒ කෙල්ල කලින් කොල්ලට කරලා තියෙන්නෙ බොරුවක් නේත.සමහරක් විට ඒක ඒ දේම දැන් යාලු වෙලා ඉන්න කොල්ලටත් වෙන්න පුලුවන් නේත.මේක කොල්ලන්ටත් අදාලයි.❤ඒ නිසා මේ තරුණ කාලෙ බහුතර දෙනෙක් ගේ ප්‍ර්‍ර්මය පුහු ආදරයක් නේද ?

මන් ආදරේ... ආදරේ මට නැති කොට. මට ආදරේ ... ආදරේට මන් නැති කොට. ජීවිතේ කියන්නේ හිස් තැනක්... ‍යටි හිත රවටා කොටුකර... උඩු හිතින් පිටපත් කරවා පෙන්වන... අසීරුම රැගුමක්.. ලස්සනයි අබී මිස්..

කෙනෙක්ට ආදරේ නම්...කොහොමද තව කෙනෙක් ලගට යන්න හිත හදා ගන්නේ. මට නම් හිතද්දිත් බයයි,පිලිකුල්.අනික ඒක දෙවනියට කරන මොන තරම් වංචාවක්ද..ජීවිත කාලෙම මොන තරම් පව් එකතු කර ගන්නව ඇතිද.අනේ මන්ද... සමහර විට මං ඕනිවට වඩා හිතනව වැඩි ඇති. දෙන්නෙක් අතර ආදරයකදී කාලයත් එක්ක කෙනෙක්ගෙ හිතේ ආදරය නැති වුනොතින් එයාට සම්පූර්ණ අයිතිය තියෙනවා දැනෙන තැනකට යන්න.කාටවත් අයිතියක් නෑ එයාට වැරදි කියන්න..ඒත් අනික් කෙනා තනිවෙන්න බයට හරි,දුක නිසා හරි,දෙමව්පියොන්ට ඕනිවට කියලා හරි ... බදිනව නං මුලින්ම තමන් තමන්ට අවන්ක වෙලා දෙවනියට ඇත්තටම ආදරේ කරන්න ඕනි.බැරි නම් නොබැද ඉන්න ඕනි. ඒත් ඉතිං රස්සාව,සල්ලි, දේපල , උගත්කම මිසක්.... කවදද ආදරේ විවාහයට මිම්මක් උනේ.

අභී & මලිත්... හිත නිවන කට හඩවල් දෙකක් ❤️❤️

ආදරයට දැනෙන්න වචන ඕනිද 🥀💔? නැහැ . එහෙනම් ? ඕනි දැනීම . හදකින් හදක් අල්ලා ගැනීම . එතන ආදරයේ පුශ්පය පෙති විදෙනවා . අභී හරි, මොකද , අපි ආදරය කරන්න ඕනි අපිට ආදරය කරන අයටමද ? නැහැ , අපි ආදරය කරන්න ඕනි අපි ආදරය කරන අයට . අපිට දැනෙන අයට . දුරින් ඉදන් හරි හදවතින් කවි දහසක් මූනන්න පුළුවන් ආදරයට . මේ වගේ ආදර පැතිකඩකදි අපිත් අපි ආදරය කරන හදත් අපිට ආදරය කරන හදත් මංමුලා වෙනවා ප්‍රේමයෙ මායා දැල තුළ . තේරුම් ගන්න පුළුවන් නම් එකී හේළි දහම තම කෝණයෙන් අතාරින්නට ලේසි වේවි අතකින් . නමුත් අතාරින්නට අසීරු වේවි හිතින් දහස්වරක් බවුන් වැඩුවත් 🥀💔

භාවනාවක් වගේ ලස්සන හදවතට දැනෙන වචන පෙලක්...කියන්න වචන නෑ..❤️💗❤️ "මගෙ වගේම ඔය හිතේ තාම මන් ඉන්නවද....." "වැඩිපුරම රිදෙන්නේ කොයි හිතද දන්නවද ......"❤❤❤

අභි..... මෙහෙම කරන්න එපා......ඔයාගේ ගොඩක් ගීත අතරේ.. මගේ ජීවිතේ තියෙන්නෙ කොහොමද........ එකම රචකයෙක් ලියපු ඒවත් නෙවෙයි..... මතක ,නුවර ...නිස්සාර....ආදරේ නීතිය.... දැන් මේක... හැමදාම රෑට මාව අඩවනවා කාටවත් කියගන්න බැරි..මගේ කතාව ... ඔයගේ ගීත මටම කියනවා... ඊලග ගීතයේ හැගීම ගැන මට අදහසක් තියෙනවා බලමු..ඒක මගේ ඊලග පියවර වෙයිද කියලා ආදරෙයි......❤❤❤

අභි මම ඔයාගේ හොඳ රසිකයෙක්. මේ කතාව කියන්න කලින් මම ඔයාට ඒක කියන්න ඕනේ. මැදින් කියවන එක නවත්තන්න එපා. අවසන් වෙනකම් කියවන්න කියලා ඉල්ලනවා මම. වෙනදා වගේම ඔයාගේ අලුත්ම සිංදුව රිලීස් වෙනකම් බලන් ඉඳලා එදාම මම මේ සිංදුව ඇහුවා. ඒත් මට අනික් සිංදු තරම් මේක දැනුනේ නෑ. කොටින්ම කිව්වොත් ඔබ විසින් ගායනා කරන අනෙකුත් ගායකයන්ගේ සිංදු තරම්වත්. මට හිතුනා මේක හරියන්නේ නෑ කියලා. පස්සේ තමයි හොඳම හරිය. මට වැඩ කර කර ඉද්දි කියවෙනවා" ආදරේ රැඟුමක්ද" කියලා.. හිටිය ගමන් කියවෙනවා "වැඩිපුරම රිදෙන්නේ කොයි හිතද දන්නවද" මේ අභීගේ සිංදුවනේ.මේකේ පොඩි වෙනසක් තියෙනවා කියලා ආයේ අහන්න ඕනේ කියලා තව පාරක් ඇහුවා. තව පාරක් විශුවල් එක බල බල ඇහුවා. ටික් ටොක් එකේ බැලුවා. Fb එකේ බැලුවා. නිදාගන්න යද්දි ඇහුවා.. උදේ ඇහුවා.ආයේ ඇහුවා.. තව වතාවක් ඇහුවා. මට ගනන් කරන්න බැරි තරමට ඇහුවා.. ඇත්තටම හරිම ලස්සන සිංදුවක්. මම මේකට අනික් සිංදුවලටත් වඩා Addicted. මත්පැන් පානය කලාම තැපෑලෙන් වදිනවා කියන්නේ. මෙන්න මේක එහෙම සිංදුවක්. හිතට දැනෙන්න පටන් ගන්න වෙලාව හිතාගන්න බැ. ඒ වැදුනම අයින් කරන්නත් බෑ. ඇබ්බැහි වෙනවා. ඔයයි මලිතුයි ඒ සිංදුව හරි ලස්සනට කියනවා. ඒ වගේම ඒ වචන ටික හරිම ලස්සනයි. "මගේ රූබර නිලියේ ආදරේ රැඟුමක්ද? රඟ මඩල තාම තරුණයි යන්නට අවසරද? කියලා ඇහුවට යන්න දෙන්න එපා. ආදරේ ඕනේ. ගොඩක්. අපි හැමවෙලාවෙම අපි ආදරය කරන කෙනා ගැන විතරයි හිතන්නේ. ඒත් අපිට ආදරේ කරන කෙනා මගහැර ගන්නවා නොදැනිම. සමහර විට අපි ආදරේ කරන කෙනාට අපිව නොවටිනවා ඇති. ඒ වුනත් අපි අන්ධව ඒ පසු පස යනවා. අපිට ඇත්තටම ආදරේ කරන කෙනා නොදැනිම මග හැරෙනවා.❤

හරිම ලස්සනයී ❤❤❤ මේ shoot එක කරේ අපේ ගෙවල් ලග බීච් එකේ එදා හරි අසාවෙන් බලන් හිටියා කතා කරන්න ඒත් බැරි වුනා 🥺🥺❤️❤️❤️

මේ සිංදුවෙ විග්‍රහය ඔයාගෙන්ම අහන්න ආසාවෙන් ඉන්නවා...හැමදාමත් ඔයාගෙ වචන වලට ආදරෙයි අභී! ලස්සන නිර්මාණය ක් මේකත්

කප්පරක් පෙම් කළත් දැණෙන්නේ නෑ නේද...? හිරිවැටුණු ඕලු මල් පිබිදෙන්නේ කවදාද...? මට වඩා දැනෙන්නට ඔහු හාදු දුන්නාද...? රිද්දන්න බැරි කමට දැණෙනවා කියනවද..? පෙම් කළා කිව්වාට පෙම් කළා වෙනවාද..? තරු එළියෙ පිපුණු මල් හද එළියෙන් මැරුණාද...? ඔහු හාදු දුන්නෙ හිතටයි ප්‍රේමය ගින්දරද...? වැඩිපුරම රිදෙන්නේ කොයි හිතද දන්නවද...? මගෙ වගෙම ඔය හිතේ තාම මං ඉන්නවද..? ඊයෙ රෑ වගෙ හෙටත් ඔහුගෙ නම මුමුණයිද..? නා දලු වතුරෙන් තෙමුණ කෝල ඒ රැය මගෙද..? මගෙ රූබර නිළියේ ආදරේ රැගුමක්ද...? මගෙ නමම ඔබෙ නමට ලීවත් තව මදි නේද..? රෑ දකින හීන ගැන දිවුරන්නට පුලුවන්ද..? නොකියම ඉන්නම් ප්‍රේමේ මෙතරම් සිල්ලරද..? රගමඩල තාම තරුණයි යන්නම අවසරද..???? මගෙ රූබර නිළියේ ආදරේ රැගුමක්ද...? රගමඩල තාම තරුණයි යන්නම අවසරද..????

අනේ ඇයි මෙහෙම දෙයක් කලේ.. හිත අඬන තරම් 😢😢😢😢😢 අභී මලිත් ඇයි මෙහෙම මිනිස්සු මරන්නෙ ?👌👌❤️❤️😇

අදටත් ආදරයක් ජිවිතෙට ළං නොකර ගන්නෙ මට තෙරෙන්නේ නෑ මං ළං වෙන්න ඕන මට ආදරේ කරන පිරිමි හිතකටද එහෙමත් නැත්තම් මං ආදරේ කරන පිරිමි හිතකටද කියලා. ඔය දෙකෙන් කොයි එක තොර ගත්තත් මං හරි අසරණයි.

Wow.... මලිත් අයියා .... කාලෙකින්... ලස්සන වචන ටිකක්... අක්කිගේ voice එක තමයි මන් ආසම හිත නිවන voice එක.. ❤❤❤

කෙනෙක්ට කරන්න අමාරුම දේ තමයි එක හිතකින් දෙන්නෙකුට ආදරේ කරන එක... හිත එකෙකු තියෙද්දී ගත එක එකෙකු ලඟ තියෙන එක... 😔 😔 ඉස්සර ගත්ත තීරනයක් නිසා කෙනෙක් ළඟ නතර වෙන්න උනා. ඒත් ආදරේට සිමා මායිම් නැ ❤

මලිත් පෙරේරගෙ සoගීතයත් කියල වැඩක් නැහැ සුපිරියි..👍👍👍

ඒ වචන, ඒ melody එක , ඒ හඩ භාවනාවක් වගේ ❤️❤️ තව තවත් ලස්සන නිර්මාණ කරන්න ඔබ දෙදෙනාටම හැකි වේවා ❤️❤️❤️

ඇයි මේක ඇහුවට එපා නොවෙන්නෙ...විසි තිස් පාරක් අහලා අපිම හිත රිද්ද ගන්නෙ...😢💔

ඒ කටහඬට ලං කරන්න පුලුවන් වෙන කටහඬක් මේ ලෝකෙම නෑ නේද? වශී වෙනා ඒ රූපෙට හඬ දුන්නු තැන හරි අපූරුයි නේද? සොබාදහමෙ පැතුමකිනුයි ඇය මැවුනේ පිළිගන්නවා නේද? ලොවක් නිවන ඒ කටහඬ අභීගෙමයි නේද? ❤️🥺😘 ඇබ්බැහි වෙන සුලුයි!!❤