“Mulleres de agua salgada” é o novo documental promovido GALP Golfo Ártabro Sur. Unha produción audiovisual de media hora na que se fai un percorrido pola "Historia" das mulleres do mar do noso territorio.
A través dunha vintena de entrevistas en primeira persoa, recollemos a importancia da man de obra feminina, as profesións ás que se dedican ou dedicaban as mulleres salgadas, a súa sabedoría mariñeira, os coñecementos técnicos transmitidos de xeración en xeración, e sobre todo, a súa implicación e paixón polo traballo no mar para servir o peixe e o marisco fresco nas nosas mesas.
14 авг 2024
