Nə olduğunu bilsəniz, hər gün bir çay qaşığı...
Sizi 10 il gəncləşdirəcək 10 ərzaq.
Hamımız gənc görünmək, mümkün qədər uzun yaşamaq arzusundayıq. Düzdür, bu məsələdə əsas rolu genetika oynayır, amma qida rasionumuzun da həyatda gənc və gözəl qalmağımızda xüsusi payı vardır. Bu gün sizə qocalığı ləngidən, dərinizi təravətləndirən 10 qida məhsulu haqqında danışacağam.
10. Avokado. Deyirlər ki, avokadonun tərkibində yüksək miqdarda yağ olduğuna görə, o, çəki artmasına səbəb olur. Əslində isə belə deyil. Avokadonun tərkibindəki yağlar çox faydalıdır. Gündə 1 avokado yemək qanda xolesterinin miqdarını aşağı salır və dəri hüceyrələrinin yenilənməsinə yardım edir. Avokadoda C vitamini, kalium, antioksidantlar, fol turşusu vardır. Bunların faydalarını çox saymışıq, daha da saymaq istəmirəm. Sizə bu dəfə avokadonun şirəsindən danışacağam. Heç içməmisinizsə, sınaqdan keçirməyə çalışın. Yeni dadlar sınaqdan keçirmək heç vaxt gec deyil. İndi sizə kremli avokado şirəsinin hazırlanma prosesindən danışacağam. Əzilmiş avokadonun üzərinə bir az süd, 1 xörək qaşığı qəhvəyi şəkər, bir az da buz əlavə edin. Bunların hamısını bir yerdə blenderdən keçirin, eynicinsli kütlə alınanadək qarışdırın. Kremli avokado şirəsini nuş edin!
9. Giləmeyvələr. Çiyələk, üzüm, qarağat, moruq, böyürtkən... Belə giləmeyvələri yeməyi xoşlamırsınızsa, adətinizi dəyişin. Giləmeyvələrin tərkibində olan antioksidantlar dəri hüceyrələrinin dağılmasının qarşısını alır. Bundan əlavə, giləmeyvə yemək bədəndəki şişkinliyin çəkilməsinə və sümük ağrılarının azalmasına kömək edir. Bəzən il boyu heç almağı düşünmədiyimiz qarağatın yaddaşı gücləndirdiyini, zehni inkişaf etdirdiyini, alzeymer, əqli zəiflik və sidik yolları xəstəliklərində faydalı olduğunu da qeyd edim, bir yerə yazın.
8. Yerkökü. Bu tərəvəz tərkibindəki beta-karotenlə gözlərimizin keşiyindədir. Orqanizmimiz beta-karoteni vitamin A-ya çevirir. O isə göz qişası və digər hissələri üçün əvəzedilməz tikinti materialıdır. Bundan əlavə, A vitamini dərini foto qocalmadan da qoruyur. Bəs, foto qocalma nədir? Dəri vaxtından qabaq qocalır, otuz yaşlı insan ilk baxışdan altmış yaşlı biri kimi görünür. Yerkökünü rasionunuza daxil etməklə, dərinizi gənc saxlaya bilərsiniz.
7. Sitrus meyvələri. Sitrus meyvələri vitamin C və fol turşusunun əsas mənbəyidir. Bu maddələr isə, bildiyiniz kimi orqanizmdə xolesterinin və sidik turşusunun səviyyəsini aşağı salır. Əgər siz sitrus meyvələrini daimi olaraq yesəniz, o zaman onlar qan dövranındakı problemlərin aradan qaldırılmasında və ürək xəstəliklərində də faydalı olar. Limon şirəsi içmək bütün bədəni, əsas da qalın bağırsağı toksinlərdən təmizləyir. Nəticədə, orqanizm toksinləri yox, faydalı maddələri mənimsəyir.
6. Sarımsaq. Düşünürsünüz ki, sarımsaqdan yalnız vampir əleyhinə silah kimi istifadə edilə bilər? Yox, zarafat edirəm. Sarımsaq orqanizmdəki əksər bakteriyaları da məhv edir. Təbii ki, düzgün şəkildə istifadə edilməklə. Düzdür, sarımsağın iyi çox adamın xoşuna gəlmir, amma sarımsağın inanılmaz üstünlükləri bu diskomforta dəyir. Tərkibinə görə, sarımsaq ən güclü antibiotikdir. Bununla yanaşı, qanda xolesterinin miqdarını tənzimləyir, qan dövranını yaxşılaşdırır və bəzi xərçəng növlərinin yaranmasının qarşısını alır.
5. Zeytun yağı. Sağlam qidaların ayrılmaz parçası olan zeytun yağı dəriyə qulluq üçün vasitə kimi də istifadə edilir. Zeytun yağının tərkibindəki linolen turşusu dərini nəmləndirir, dolğunlaşdırır və qocalmasının qarşısını alır. Bəs, bu yağdan necə istifadə etməliyik? Yatmazdan qabaq bir neçə damcı zeytun yağını səliqəli şəkildə gözünüzün ətrafına sürtün. Narahat olmayın, bundan sonra üzünüzü yumağa ehtiyac yoxdu. Göz ətrafına sürtülən zeytun yağı dərini hamar, nəmli edir, qırışları azaldır. Hətta, səhər tezdən tonuslaşdırıcı losyonlar əvəzinə də üzünüzə zeytun yağı çəkə bilərsiniz. Qırışlar əleyhinə kremi də zeytun yağıyla əvəzləyin. Və bütün bunların nəticəsini qısa zamanda görəcəksiniz. Ayrıca, zeytun yağını təbii kosmetik vasitələrinizə də əlavə edə bilərsiniz. Bir şeyi də qeyd edim ki, zeytun yağı allergik təsirə malik deyil.
4. Pomidor. Şirəli və dadlı pomidor, eyni zamanda, sağlamlığın keşiyində dayanır. Pomidorun tərkibində C və A vitamini ilə yanaşı, fol turşusu var. Pomidora qırmızı rəngi verən likopendir. O da öz növbəsində, antioksidantlıq dərəcəsinə görə, qırmızı şərabdan 14 dəfə güclüdür. Likopen dərini ultra-bənövşəyi şüalardan qoruyur, ürək-damar xəstəliklərinə yoluxma riskini azaldır, infeksion xəstəliklərdə faydalıdır. Həmçinin, pomidor bədən tərəfindən çox asanlıqla həzm olunur. Əgər siz pomidoru azacıq zeytun yağıyla qızartsanız, o zaman onun müalicəvi xüsusiyyəti daha çox artar.
15 сен 2024