/ _n.a_d.o_
Nə eşq olaydı, nə aşiq, nə nazlı afət olaydı,
Nə xəlq olaydı, nə xaliq, nə əşki - həsrət olaydı.
Nə dərd olaydı, nə dərman, nə sur olaydı, nə matəm,
Nə aşiyaneyi - vüslət, nə bari - firqət olaydı
Rep mətni:
Gizli bir yerdə oturmuşduq üz - üzə,
Biz - bizə, göz - gözə baxırdıq biri - birimizə
İkimizin də ürəyimizdə var məhəbbət
Yalnız, ürək açmağa yoxdur cəsarət
Bu cəsarət bir Allah vergisi
Bu məhəbbət bir insan sevgisi
Axır - əvvəl ikimizdən birisi
Ürək açılanda gələr qəlbin səsi
Sevgisiz insanın gəlmir nəfəsi
Bir zindan kimi bağlıdır qəfəsi
Həyatdan küsübdür, yoxdur həvəsi
Məhəbbət dərdi bürüyüb hər kəsi
Ürəyim döyünür, həyəcanlıdır
Amma ki ölməyib, hələ canlıdır
Bilsən, səni necə sevmişdim
Qəlbimi sanki sənə vermişdim
Artıq özümü sənə bağlamışdım
Yeri gələndə ağlamışdım
Dağlamışdım sinəmi, elə bil batmış gəmi, örtmüş qəmi,
Ürəyimdəki və yaxud qəlbimdəki
Təki olsun sevgi dilində yox, ürəyində, gözlərində
Mən anlayaram, başa düşərəm, eşitməsəm də sözlərində
Amma nə qədər olar gözlərindən sevgi oxumaq
Sapı olmayan sevgini hara qədər olar yalançılıqla toxumaq
***
Könüldə nuri - məhəbbət, gözümdə pərdeyi - zülmət...
Nə nur olaydı, nə zülmət, nə böylə xilqət olaydı.
Tükəndi taqəti səbrim, ədalət! Ah, ədalət!
Nə öncə öylə səadət, nə böylə zillət olaydı
Rep mətni:
Qorxmaq lazım deyil məhəbbətdən, o bizim duyğumuzdu
Hislərinlə cavab vermək lazımdır, o məcburi sorğumuzdu
Sualdan qaçma, cavab ver
Cavabın yoxdursa ümid ver
Çünki "yox" cavabına dözmərəm
Haradasa ümidlə yaşayaram, ölmərəm
İlahi, sən böyüksən
Sən sevgidə sevənlərə dirəksən
Sevgimin çarəsi varsa əgər
Ömrümü də, günümü də verərdim hədər
Ağlım çaşıb, fikrim qarışıb, bilmirəm axı mən neyləyim
Kimə yaxşı deyim, kimə, kimi pisləyim, hə?
Sanki qəlbim yerindən qopacaq döyüntüsündən
Elə bil indicə dayancaq üzüntüsündən
İçim yanır, alovlanır, inanın ki aşıb - daşır
Sözüm hərəkətimə, hərəkətim isə sözümə qarışır
Sənətim, həyatım üst - üstə
Çalışdım, amma heç nə yoxdu üzdə
Alışaram, yanaram alov içində
İçimdən axar bir içimdə
"Kor ərəbin mahnısı"
(söz: Hüseyn Cavid; musiqi: Fikrət Əmirov)
21 дек 2012
