#Na ka bynta ki khubor jong phi sngewbha phun sha ngi:
Ri Bhoi: 9612815584/9366200259
Shillong: 8794289019/6009584272
Lane phi lah ban email sha ngi: unongpathai5858@gmail.com
Office jong ngi: Synod Complex Building, Nongpoh, Room No. 6
Shillong: 22 April 2023:
Ki Pukni kiba la wan boi ha Lad Demthring, kaba don haka surok Dawki Amlarem Jowai ki la poi kham bun shuh shuh bad mynta ki la don haduh 82 tylli.
Kum ban shu kdew ba haka sngi ba ki poi nyngkong kitei ki pukni ki don tang 38 tylli kaba long katkum ka jingiathuh jong ki bor pahara ka Tnad Wildlife kiba don ha katei ka jaka ban ai jingiada ia kitei ki sim pukni.
Kine ki sim ki la wan dem wan sah haka surok lane lah ban ong haka lad ban leit sha ka shnong Demthring, ka shnong kaba jngai tang kumba katto katne kilometre na Jowai kaba don sha shilliang ka Wah Myntdu, bad kitei ki pukni mynta kila neh kumba ar taiew ha katei ka jaka.
Kane ka jingwan boi kine ki sim ha kane ka jaka ka dei ka sien kaba ar bad kane ka jaka ka dei kaba don iaki sem ot doh iathuh ki Pulit pahara ka Tnad Forest na Jowai District.
Ha kine ki khyndiat sngi namar ba biang ka bam ka dih, kine ki sim kim shym la tur sha ki dukan shnong, hynrei ka lah ban long ruh ba lah kwah ban leit bam da kiwei kiwei ki jingbam bad ba ki paidbah ki pynmlien ban ai doh iaki ka la pynlong iaki ba kin leit tur sha ki dukan ban rong iaka doh.
Ia kitei ki 82 tylli ki sim pukni la ai jingiada da ka tnad Kam khlaw jong ka jylla Meghalaya.
Shuh shuh na ka liang ka Tnad ka iathuh ba kine ki sim Pukni ki dei kiba la jan duhjait kaba long katkum ka jinglum jingkhein International Union for Conservation of Nature (IUCN) Red List Threatened Species kumta ka donkam ia uwei pa uwei ban ai ka jingiada ia kine ki sim kiba pynkhuid ruh iaka mariang.
Khyndiat halor ka jingpoi kitei ku sim pukni kiba tip haka ktien phareng kum ki Himalayan vulture (Gyps himalayensis) kane ka dei ka sien kaba ar kaba kine ki sim pukni ki wan ha kane ka jaka ha Lad Demthring haka surok Dawki Amlarem Jowai.
Ki paidbah kiba iaid lynti na katei ka jaka ki ju ai bam bad bsa jingbam ia kitei ki pukni jan ar taiew kumta kitei ki pukni ki la juh la jan bha bad ki briew bad kim tieng shuh bad ki la wan tur haduh haki dukan shnong.
Shuh shuh ka jingdon jong kine ki pukni ha katei ka jaka kala khring ia kiba bun ki paidbah ban leit jngoh iaki khamtam iaki nongwan shangkai suwari na kylleng ki jaka.
21 апр 2023
