BPF दोलोआ राजखान्थि मुलाम्फानि थाखाय आंनि सायाव नंखाय बांसावदों : प्रमद बर।
NBNN NEWS 6 April /2020 :बि टि सि बिसाइख'थिखौ लानानै गुबुन गुबुन आफाद राजखान्थि दोलोनि गेजेराव गावजों गाव मुं सुलायनाय सोंखारिलाय नाय थासारिया बांसिननायखौ नुनो मोन्दों। बे समावनो थांनाय बावैसो सान सिगां ससियेल मिडियाआव इउ पि पि एल राजखान्थि दोलोनि आफादगिरि प्रमद बर'नि हेंथायै सोद्रोम गोयै बांसावनाय बायदि बायदि खोथा सावरायनाय ओंथि गोयै बाथ्राफोरखौ लानानै इउ पि पि एल राजखान्थि दोलोनि आफादगिरि प्रमद बर'आ सम्बाराव रोखा बिजिरथि होयो।
खौरांगिरिनि सिगाङाव इउनाइटेड पिपुलस पार्टि लिभारियेल सुदयै इउ पि पि एल राजखान्थि दोलोनि आफादगिरि प्रमद बर'आ बुङोदि, सासे सुबुंनि रां रुपा धोन सम्पतिखौ लानानै राजखान्थि खालामनो नांआ होन्नानै बुङो। आंनि सायाव बि टि सि खुंथायनि गोहोयाव थानाय बि पि एफ दोलोनि दैदेनगिरिफोरा बायदि बायदि नंखाय बाथ्रा बुंसावदों होन्नानै बुङो।
5 апр 2020