NH4+ kationini aniqlash uchun o‘tkazilgan reaksiyada ammoniy sulfat tuzi [(NH4)2SO4] va kalsiy gidroksid [Ca(OH)2] o’zaro ta’sirlashishi natijasida ammiak gazi (NH3) hosil bo’lgan. Ammiak hosil bo‘lganini aniqlash uchun gaz o‘tkazgich nayli probirkaning nayi fenolftaleinli suv solingan probirkaga yo‘naltiriladi. Reaksiya natijasida ajralgan ammiak gazi suv bilan reaksiyaga kirishib ammoniy gidroksid (NH4OH) ni hosil qiladi, buni probirkadagi suvning ranggi pushti rangga o‘zgarishida ko‘rishimiz mumkin.
(NH4)2SO4 + Ca(OH)2 = CaSO4 + 2NH3↑ + 2H2O
NH3 + H2O = NH4OH
Bu videodan 9-sinfda “Ion almashinish reaksiyasi” mavzusida, 8-sinfda “Azotning vodorodli birikmalari” mavzusida, “Ammiak olish va u bilan tajribalar o‘tkazish” amaliy mashg‘ulotida, 7-sinfda “Tuzlarning xossalari” mavzusida ham foydalansa bo‘ladi.
26 июн 2020