ওঁ হ্রীং-ঋতং ত্বমচলো গুণজিৎ গুণেড্যঃ
☀️॥ শ্রীরামকৃষ্ণস্তোত্র ॥☀️
ওঁ হ্রীং-ঋতং ত্বমচলো গুণজিৎ গুণেড্যঃ,
ন-ক্তন্দিবং সকরুণং তব পাদপদ্মম্ ।
মো-হঙ্কষং বহুকৃতং ন ভজে যতোঽহং,
তস্মাত্ত্বমেব শরণং মম দীনবন্ধো ॥ ১॥
ভ-ক্তির্ভগশ্চ ভজনং ভবভেদকারি,
গ-চ্ছন্ত্যলং সুবিপুলং গমনায় তত্ত্বম্ ।
ব-ক্ত্রোদ্ধৃতন্তু হৃদি মে ন চ ভাতি কিঞ্চিৎ,
[var বক্ত্রোদ্ধৃতোঽপি হৃদয়ে ন মে ভাতি কিঞ্চিৎ,]
তস্মাত্ত্বমেব শরণং মম দীনবন্ধো ॥ ২॥
তে-জস্তরন্তি তরসা ত্বয়ি তৃপ্ততৃষ্ণাঃ,
[ var তে-জস্তরন্তি ত্বরিতং ত্বয়ি তৃপ্ততৃষ্ণাঃ,]
রা-গে কৃতে ঋতপথে ত্বয়ি রামকৃষ্ণে ।
ম-র্ত্যামৃতং তব পদং মরণোর্মিনাশং,
তস্মাত্ত্বমেব শরণং মম দীনবন্ধো ॥ ৩॥
কৃ-ত্যং করোতি কলুষং কুহকান্তকারি,
ষ্ণা-ন্তং শিবং সুবিমলং তব নাম নাথ ।
য-স্মাদহং ত্বশরণো জগদেকগম্য,
তস্মাত্ত্বমেব শরণং মম দীনবন্ধো ॥ ৪॥
ওঁ স্থাপকায় চ ধর্মস্য সর্বধর্মস্বরূপিণে ।
অবতারবরিষ্ঠায় রামকৃষ্ণায় তে নমঃ ॥
-- স্বামী বিবেকানন্দ
27 сен 2024