Nəinki Azərbaycanda, dünyada belə, indinin özündə kütləvi sevilməyən spesifik bir sahəni seçdi. Gözünü açandan caz gördü, cazda böyüdü. 10 yaşı ölmədi, istedadı vardı, musiqi vardı - bir sənətkarın yetişməsi üçün qalırdı bircə göz yaşları... - Göz yaşları da atasının gedişi ilə gəldi... Biri var, dünya şöhrətli pianoçu, bəstəkar, caz ifaçısı - Əzizə Mustafazadə...
Əzizə Mustafazadə 19 dekabr 1969-cu ildə tanınmış cazmen, 39 yaşında dünyasını dəyişən, Xalq artisti Vaqif Mustafazadənin ikinci evliliyindən dünyaya gəlib.
Vaqif Mustafazadənin birinci evliliyi ləzgi qızı Nərminə adlı xanımla olub. Vaqif bu evliliyi hamıdan gizlədirmiş. Bu nikahdan Lalə adlı qızı dünyaya gələn bəstəkar xanımı ilə yollarını bir müddət sonra ayırır. Vaqif Mustafazadənin dayısı qızı Afaq xanım deyir ki, sənətkarın anası Zivər xanım həmişə danışardı ki, Nərminə heç vaxt özünü yaxşı aparmayıb. Boş yerə qışqırarmış, çıxıb gedərmiş. Vaqif heç vaxt onun arxasınca getmirmiş. Boşandıqdan sonra Nərminə Laləni nə atası Vaqifə, nə də nənəsi Zivər xanıma göstərirdi.
Vaqifin ikinci həyat yoldaşı gürcü qızı Elza olur. Onlar Tiflisdə tanış olmuşdular.
Vaqif Mustafazadə konservatoriyanın 1-ci kursunu bitirib Gürcüstana gedir. Gürcülər onu "Orero" ansamblının rəhbəri vəzifəsinə dəvət edirlər. Vaxtanq Kikabidze, Nani Prikivadze Vaqifin ifasını çox bəyəniblrmiş. Bakıda isə həmin vaxtlar caza maraq çox deyildi. Vaqif Tiflisə köçəndə orada Elza ilə tanış olub. Elza gürcü qızıdır. Afaq xanım deyir ki, Elza xanım görəndə ki, Vaqif çox istedadlı bir pianoçudur, pərvanə kimi Vaqifin başına dolanmağa başladı. Şənbə və bazar günləri Zivər xanım oğlunu görmək üçün Tiflisə gedirdi. Elza Zivər xanımın da başına dolanırdı. Ona görə də, Zivər xanımın Elzadan xoşu gəlirdi.
Bu arada Vaqif Mustafazadənin ilk evliliyindən olan qızı Lalə də mahir piano ifaçısı kimi yetişir. Afaq xanım deyir ki, Nərminə Vaqifdə boşandan sonra evləndiyi Aşurbəyov yaxşı insan idi.
Bir dəfə atam pianoda, insanda çox dərin və kədərli hisslər oyadan Şur muğamını ifa edirmiş. O çalarkən mən ağlamağa başlamışam. Hər kəs mənə nə olduğunu, niyə ağladığımı başa düşməyə çalışarkən, birdən anam musiqiylə mənim hisslərim arasındakı əlaqəni sezir. Atama deyir "Vaqif, bir zəhmət Rasta keç. Rastı çal". O da çalmağa başlayıb. Rast isə şən və ritmik melodiyalarla səciyyələnir. Əlbəttə ki, göz yaşım hələ də yanaqlarımdan süzülərkən mən rəqs edən biri kimi hərəkətlər etməyə başlamışam. Anam səslənir ki, "Bax, bax gör o neyləyir!? Yenə Şuru çal!" Atam Şuru çalmağa başlayanda, bu dəfə daha da bərkdən ağlamışam. Ən azından, bu onların mənə söylədiyidir. Yenidən Rast çalınanda, mən də təzədən rəqs eləməyə başlamışam".
1979-cu il dekabrın 16-da Əzizənin 10 yaşının tamam olmasına 3 gün qalmış atası 39 yaşında ürək tutmasından vəfat edir.
Atasını çox sevən Əzizənin bu böyük itkini qarşılaya bilməsi üçün anası öz müğənnilik karyerasını buraxır və qızının yüksək istedadının inkişafına da köməkçi olur.
Əzizənin 5-ci albomunun adı, "Jazziza" ("Cazziza"), atasının uşaq ikən ona verdiyi ləqəbidir. Onun atasına ithaf etdiyi çoxlu musiqiləri var.
Əzizə Mustafazadə iki dəfə ailə qurub. Onun birinci həyat yoldaşı ingilis olub. Ailə qurandan sonra Əzizə həyat yoldaşı ilə birgə Londonda yaşayır. Ancaq bir müddət sonra onlar boşanırlar. Əzizə Almaniyaya gedir. Bu evlilikdən Əzizənin övladı olmur.
Sonralar Əzizənin birinci həyat yoldaşı Bakıya gəlir. Vaqif Mustafazadənin ev muzeyi ilə tanış olub, onun məzarını ziyarət edir.
2010-cü ildə Bakıda olanda Əzizə ikinci dəfə kasıb ailədən olan milliyətcə ləzgi oğlanı sevir. Və ikinci dəfə ona ərə gedir. O, özünə ikinci dəfə toy məclisi qurmur. Ancaq, deyilənlərə görə, anası Eliza xanım qəti şəkildə bu evliliyə qarşı çıxır. O, qızının daha imkanlı və varlı adamla ailə qurmasını istəyirmiş. Bu evlilikdən Əzizənin bir oğlu olur. O, oğlunun adını Ramiz-Xan qoyur.
Deyilənlərə görə, Əzizə Mustafazadə Ermənistanda konsert vermək üçün ora dəvət olunsa da, o bu təklifdən imtina edib və deyib ki, ölkədən kənarda yaşamağıma baxmayaraq, haqsızlıq və ədalətsizlikdən xəbərdaram: "Bu mövzunu hər zaman diqqət mərkəzində saxlayıram. Təsadüfi deyil ki, ikinci albomum hazırlanan ərəfədə Xocalı ilə bağlı kompozisiyanı lentə aldım. Sözlə ifadə edə bilmədiyim həyəcanımı və yaşadığım ağrını musiqi dili ilə hətta xəritədə Azərbaycanın yerini tapa bilməyən insanlara çatdırdım. Bu əsəri digər millətlərdən olan musiqiçilərlə birgə hazırladıq. Onlar Azərbaycan dilini bilməsələr də, məhz bu əsər vasitəsi ilə hadisələrin dərinliyinə vardılar. Xocalı dünya musiqisevərləri tərəfindən birmənalı qarşılanmadı. Bu kompozisiya ilə Azərbaycan həqiqətlərini az da olsa, dünya ictimaiyyətinin diqqət mərkəzində saxlaya bilmişəmsə, bu mənə böyük qürur verir”.
Hazırda ailəsi ilə Almaniyada yaşayan Əzizə Mustafazadə bütün gününü övladı ilə keçirir. 27 may 2018-ci ildə Azərbaycanın Xalq artisti fəxri adına layiq görülüb.
22 янв 2023
