OPATIJSKA MADONINA - Daniel Načinović 

OPATIJSKA MADONINA - Daniel Načinović
glazba: Daniel Načinović i David Trkulja, stihovi: Daniel Načinović
- Nagrada publike
6. Festival čakavske šansone „ČAnsonfest - Kastav 2010.“, 27.08.2010.
NOĆ JE BILA KAD JE BARKA VANKA ŠLA,
NOĆ KVARNERSKA, TIHA KA' I NASLIKANA.
PAK SKOČIL JE ONI HUNCUT FORTUNAL,
ZAPLJUSNUL JE MALU BARKU VELI VAL.
ČA SVE BIVA NA TEN MORU, KI ĆE ZNAT…
I VA SRCU BUDE JADA SAKEGA,
ŠIRON SVETA I ZGOR TLA DOMAĆEGA
- OD PORTIĆA TAMO DO VOLOSKEGA.
JIDRO SAN ŠALDAL, ANJELE SAN ZVAL.
VA TEN GROTLE OD ŽIVJENJA
JA SAN ZAKANTAL:
OPATIJSKA MADONINA, REGINA DEL MARE!
SVE UŽANCE NAN STARE…
NE ZNAN KO ĆE JOŠ MOĆ ZDURAT!?
MA NA GROTAH SU GLASI ODVAVEK
JUBAV ČA POZNAJU,
I VA SAKOJ NEVOJE NA POMOĆ TEBE ĆE ZAZVAT!
OPATIJSKA MADONINA, REGINA DEL MARE!
TI NAN RIBARE ČUVAŠ,
MORNARE, LANTERNU I GRAD.
O, ŠALVAJ NAN I KOSTI I KOŽU
NA BISNEMU MORU;
ČUVAJ SVE VAGABONDE, VAKOVE KAKOV SAN I JA!
OPATIJSKA MADONINA,
ČUVAJ SVE VAGABONDE, VAKOVE KAKOV SAN I JA!
--
© Udruga "Kanat" Kastav i "Grafik studio" Rijeka, 2010.