Optik eynək seçimində seçimimizi eynəyin keyfiyyəti ilə məhdudlaşdırmamalıyıq. Daha aydın görmək üçün başqa amillərdən də xəbərdar olmağımız lazımdır.
Bu videodan sonra siz eynək seçiminizi daha rahat edəcəksiniz.
Videonu izləməyi və suallarınız varsa, rəy bölməsində qeyd etməyi unutmayın.
Aşağıdakı linklərə daxil olaraq məni digər sosial şəbəkələrdən də izləyə bilərsiniz.
Facebook: / rafadarxalilov
İnstagram: / rafadarxali. .
Dəyərli dostlar, bu gün sizə optik eynək seçimi ilə əlaqədar məlumat vermək istəyirəm. Optik eynək seçimi ilk olaraq eynəyin üz quruluşumuza necə oturmağı ilə əlaqədar, yəni xarici görünüş, yaraşmağı ilə əlaqədar başlayır. Əgər eynək üzümüzə rahat yaraşırsa və aynadakı aldığımız görüntü bizi qane edirsə, ondan sonra eynəyin xüsusiyyətlərinə keçirik. Eynəyin xüsusiyyətlərində bir neçə parametr var. O parametrlərə diqqət etsək, alacağımız eynəkdən daha razı qalacağıq. Yəni daha faydalı olacaq, istifadəli olacaq. Ən birinci, mümkün qədər eynək seçərkən yüngül eynək seçməyə çalışırıq. İkinci, mümkün qədər elastik eynək seçməyə çalışırıq və komfort yenə də çox önəmlidir. Komfort dediyimizdə buruna oturan, eynəyin buruna oturan yastı hissələri və qulağın arxasına uyğun gələn sapları çox önəmlidir. Onlar həm burnumuzun üstünü incitməməlidirlər, həm də qulağımızın arxasını sıxmamalıdırlar. Bunlar xarici görünüş ilə əlaqədardır. Bunun xaricində yazılan optik eynək reseptinə uyğun eynək çərçivəsinin bəzi xüsusiyyətlərinə diqqət etmək lazımdır. Əgər astiqmatik eynək yazılıbsa, xüsusilə də astiqmatı yüksək dərəcədirsə, belə eynəklərdə mümkün qədər böyük çərçivə seçilməlidir. İkincisi, mümkün qədər kənarları bağlı çərçivə seçilməlidir və girdə, dairəvi çərçivələr seçilməməlidir. Birinci, geniş çərçivə niyə seçilməlidir? Daha geniş sahədə, daha aydın görmə təmin olunsun deyə. İkinci, kənarları niyə bağlı olmalıdır? Şüşələrin kənarı açıq olduqda düşən şüalar oradan sınma verir və həmin hissədə yansımalar daha çox olur, görüntü bizi aldadır. Üçüncü, niyə girdə olmasın? Çünki astiqmatik şüşələr çərçivə çox girdə olarsa, şüşə çərçivənin içərisində hərlənir, fırlanır, yerini dəyişdirir. Yəni astiqmatizmin bucağı dəyişmiş olur, görüntünün keyfiyyəti aşağı düşür, hətta pisləşə bilir. Ona görə də çərçivələr olmamasına diqqət edəcəyik. Digər nöqtə, miyop insanlarda yenə də eynək çərçivəsi geniş ola bilər, niyə? Çünki şüşələrin mərkəzi hissəsi nazik olur, geniç çərçivə seçdikdə görmə sahəsi daha genişlənmiş olacaq. Amma hipermetroplar üçün tam tərsinə, hipermetrop şüşələrin mərkəzi hissəsi qalın olduğuna görə şüşə ağırlaşır. Çərçivə böyüdükcə şüşənin kütləsi böyüyür və ağırlıq əmələ gətirir. O ağırlıq nə olur olsun, bizim burnumuzun üstünü sıxır və orada iz buraxır. Ona görə də hipermetrop şüşələrdə, yəni müsbət şüşələrdə mümkün qədər çərçivəmiz daha kiçik olsa, daha az sıxıntı yaşayarıq, daha qısa müddətdə adaptasiya olarıq.
Şüşələrin keyfiyyəti nece seçilməlidir?
Şüşələrin çox fərqli növləri var. Material olaraq 2 ana qrupa bölünür: Minerallar, orqanik şüşələr. Son zamanlar mineral olan, yəni tam təbii şüşə olanları seçməməyə diqqət edirik. Çünki bu cür şüşələr asanlıqla qırılır və qırıldığı zaman çiliklənir. Həmin o şüşə qırıntıları gözümüzə düşüb gözümüzü zədələyib, cızıb, hətta kəsə bilər. Ona görə tövsiyə etdiyimiz orqanik şüşələrdir. Çünki orqanik şüşələr gec qırılır. Qırılsa da, çiliklənib kəskin kənarlı kəsik əmələ gətirmir. Bundan başqa, şüşələrin ultrabənövşəyi şüa bloklama xüsusiyyəti var. Bundan əlavə olaraq onların səthində müxtəlif, fərqli örtüklər olur. Antirefle örtüklər ki ətrafdan gələn şüaları azaltsın, yansıyan şüaları azaltsın. Ondan sonra bunların üstündə yenə əlavə örtüklər olur. Sərt örtüklər şüşələrin tez cızılmağının qabağını almaqdan ötrüdür və bəzi şüşələr var, həm rəngli ola bilir. Bəziləri var xamilyondur, rəng dəyişdirə bilən şüşələr ola bilir. Bayaq unutdum, çərçivə seçimində bəzi çərçivələr var ki son zamanlar çıxıb, belə maqnitli çərçivələrdir. Bu eynəklərin üstün cəhəti odur ki, əslində, xamilyonlarda, yəni Rəng dəyişdirən eynəklərdə xamilyonların əksəriyyəti tam içəridə istədiyiniz qədər şəffaflaşmır, günəşdə də istədiyiniz qədər tündləşmir. Onların tündləşməsi üçün birbaşa günəş şüası düşməlidir. Məsələn, avtomobildə oturmuşuq, birbaşa günəş şüası düşmür, amma ona görə də şüşəmiz tündləşmir, rəngi dəyişmir. Ona görə onlardan bəzən çox da faydalana bilmirik. Bu maqnitli eynəklər daha üstünlük təşkil edir bu mövzularda. Niyə? İçəridə olduğumuz zaman onsuz da tam şəffafdır. Çölə çıxdığımız zaman da bunun üzərinə fərqli qoruyucu örtüklər var. Örtükləri əlavə etməklə tamamilə bir günəş eynəyinə asanlıqla çevirilir və bir günəş eynəyindən gözlədiyimiz bütün tələbləri yerinə yetirmiş olur. Optik eynək seçimi haqqında tövsiyələrim bunlardır. Ümid edirəm ki, insanlar bu tövsiyələrdən faydalanarlar və onların işinə yarayar.
15 сен 2024
