Ovsunçu (2002) 

12+
Filmdə bolşeviklərin Sovet hakimiyyəti quruculuğu illərində Azərbaycanın ucqar bölgələrində sovet quruluşunu qəbul etməyən insanlara qarşı törətdikləri özbaşınalıq və amansızlıqlardan bəhs olunur.
Təbibliyin sirlərinə irsən yiyələnən Rəsul müxtəlif otlarla kənd camaatını müalicə edən sakit təbiətli loğmandır. Amma rus qoşunlarının kəndə daxil olması onun bu sakitliyini pozur. Yeni qoyulan qayda-qanunlar onu qane etmir və nəticədə loğman ailəsinin şərəfi naminə mübarizəyə qalxır.
İstehsalçı: Azərbaycanfilm, Yeni Film, Timraş (İsrail), Rusiya Kaskadyorlar Assosiasiyası (Rusiya)
İlk baxış tarixi: 31.01.2003
Texniki göstəricilər: 35 mm, 16:9
Janr: tarixi, psixoloji dram, macəra
Mükafatlar:
1. Listopad Festivalı - “Ən yaxşı prodüser” (2003, Minsk / Belarus)
2. Listopad Festivalı - Mir telekanalının xüsusi mükafatı (2003, Minsk / Belarus)
3. IV Qızıl Çıraq Milli Kino Mükafatı - Ən yaxşı bədii film (2004, Bakı)
4. IV Qızıl Çıraq Milli Kino Mükafatı - Ən yaxşı aktyor - Fuad Poladov (2004, Bakı)
5. IV Qızıl Çıraq Milli Kino Mükafatı - Ən yaxşı operator işi - Kənan Məmmədov (2004, Bakı)
6. “Qızıl Minbər” İslam Ölkələrinin I Kinofestivalı - “Ən yaxşı film” (2005, Kazan / Tatarıstan)
7. “Qızıl Minbər” İslam Ölkələrinin I Kinofestivalı - aktrisa Ayan Mirqasımovaya Rusiyanın “Almas Holdinq” şirkətinin təsis etdiyi “Səadət quşu” - gümüş quş xüsusi mükafatı (2005, Kazan / Tatarıstan)
Rejissor: Oktay Mir-Qasım
Ssenari müəllifləri: Oktay Mir-Qasım, Natiq Rəsulzadə, Rüstəm İbrahimbəyov
Operator: Kənan Məmmədov
Rəssamlar: Rafis İsmayılov, Rafiq Nəsirov
Bəstəkar: Elmar Fel
Rollarda: Bəxtiyar Xanızadə (ovsunçu Rəsul), Fuad Poladov (dəstə komandiri Aslan), Ayan Mirqasımova (ovsunçunun arvadı Mədinə), Eldəniz Rəsulov (kəndxuda Şaban)
Prodüserlər: Oktay Mir-Qasım, Xamis Muradov
Film Oktay Mir-Qasımın atasının xatirəsinə həsr olunub.
Film ilk dəfə plana 1989-cu ildə düşsə də, çəkilişlərinə yalnız 2000-ci ilin avqustunda başlanılıb.
Film çəkilişləri Balakənin Katex kəndində, Şamaxının Zarat və Dəmirçi kəndlərində, Qobustan və Zuğulbada aparılıb.