Channel ini berisi tutorial seni suara Jawa mulai dari tembang macapat, tembang dolanan, sulukan wayang dan lain-lain. Tutorial disediakan bagi para pemula, baris demi baris agar pemahaman nada dan teknik vokalnya lebih jelas.
#tutorial #tembang #macapat #bowo #kinanthi
1. Ompak :
Saji siswa arane basa nawala
Nadyan namung nyalemong tanpa ukara
Ujung jari balung rondhoning kalapa
Kawengkuwa sayekti dadya usada
Kinanthi :
Atur panuwun satuhu
Konjuk Dwija Permadani
Ingkang datan mawas siswa
Kathah cubluk ing pamanggih
Sampun mbabar ngelmu nyata
Linambaran tresna asih
2. Ompak :
Jarwa mudha mudhane Sang Prabu Kresna
Maksih anom ngudi raharjaning praja
Teja tirta atmaja Nata Rahwana
Kekuwunge karya rujiting wardaya
Kinanthi :
Wus nem wulan laminipun
Para siswa ngudi ngelmi
Kawruh kapanatacaran
Sarta medhar sabda nenggih
Tan kraos wus paripurna
Pindha sagebyaring thathit
3. Ompak :
Sekar pisang pisang sesajining karya
Patut lamun linulutan ing sasama
Jarweng janma janma kang koncatan nyawa
Wong prawira mati alabuh nagara
Kinanthi :
Wus dumugi wancinipun
Winisuda kula sami
Nadyan tuhu dereng pana
Dereng limpat miwah wasis
Jejering panatacara
Medhar sabda mnapa malih
4. Ompak :
Witing klapa kalapa kang maksih mudha
Salugune wong mardi pikir raharja
Kawi dewa giwanging wulan purnama
Anjenthara limpad pasanging grahita
Kinanthi :
Jro pawiyatan lumaku
Kathah lepat dosa mami
Mring Dwija kang wicaksana
Kula nyuwun pangaksami
Sinartan pangastungkara
Rinoban berkahing Gusti
5. Ompak :
Janur gunung ukuran bunder pinola
Aja leren yen jangkane durung teka
Wohing aren rukmi jingga saupama
Ngelingana ya mung Gusti kang kuwasa
Kinanthi :
Mring sedaya para rawuh
Kakung sumawana putri
Mirunggan mring para dwija
Kula nyuwun jurung puji
Sasampunnya winisuda
Kuwawi hayu leladi
21 сен 2024