Singers : Ustad Ahmad Hussain & Ustad Mohammad Hussain
Album : Shamkhana (Live)
Ghazal : Patther Ke Jigarwaoln Gham Mein Woh Rawani Hai
Poet : Bashir Badr
Patthar Ke Jigar Walo Gham Mein Wo Rawani Hai
Khud Rah Bana Lega Bahta Hua Pani Hai
Ek Zehn-e-pareshan Mein Khwab-e-ghazalistan Hai
Patthar Ki Hifazat Mein Shishe Ki Jawani Hai
Dil Se Jo Chhate Baadal to Aankh Mein Sawan Hai
Thahra Hua Dariya Hai Bahta Hua Pani Hai
Ham-rang-e-dil-e-pur-khun Har Lala-e-sahrai
Gesu Ki Tarah Muztar Ab Raat Ki Rani Hai
Jis Sang Pe Nazren Kin Khurshid-e-haqiqat Hai
Jis Chand Se Munh Moda Patthar Ki Kahani Hai
Ai Pir-e-khirad-mandan Dil Ki Bhi Zarurat Hai
Ye Shahr-e-ghazalan Hai Ye Mulk-e-jawani Hai
Gham Wajh-e-figar-e-dil Gham Wajh-e-qarar-e-dil
Aansu Kabhi Shisha Hai Aansu Kabhi Pani Hai
Is Hausla-e-dil Par Hum Ne Bhi Kafan Pahna
Hans Kar Koi Puchhega Kya Jaan Ganwani Hai
Din Talkh Haqaeq Ke Sahraon Ka Suraj Hai
Shab Gesu-e-afsana Yaadon Ki Kahani Hai
Wo Husn Jise Hum Ne Ruswa Kiya Duniya Mein
Nadida Haqiqat Hai Na-gufta Kahani Hai
Wo Misra-e-awara Diwanon Pe Bhaari Hai
Jis Mein Tere Gesu Ki Be-rabt Kahani Hai
Hum Khushbu-e-awara Hum Nur-e-pareshan Hain
Ai 'Badr' Muqaddar Mein Aashufta-bayani Hai
This channel is the official channel of Jashn-e-Adab Foundation, known for its literary activities celebrating Art, Culture & Literature in Hindi and Urdu across the world right from 2012.
Connect with us :
Facebook : / jashneadab
Twitter : / jashneadab
Instagram : / jashneadab_foundation
#ahmadhussain #mohammadhussain #bashirbadr
20 окт 2024
