“Besh tashabbus olimpiadasi” ning 2023-yil birinchi va ikkinchi mavsumlarida paxtachilik yoshlar 21 ta oltin, 13 ta kumush va 19 ta bronza medal ni qo‘lga kiritib, respublikada peshqadam bo‘ldi. Shuningdek, 208 ta tuman (shahar) orasida eng yaxshi natija qayd etgan Paxtachi tumani ham respublikada birinchi o‘rinni egalladi. Tumandagi 7 ta mahalla yoshlari musobaqalarning respublika bosqichida 6 ta oltin va 2 ta kumush medal bilan 22 ball to‘pladi.
Xo‘sh, tuman yoshlari bu natijaga qanday erishdi?
- Paxtachida 150 ming nafardan ziyod aholi yashaydi va uning 60 foizini (73 ming
587 nafarini) yoshlar tashkil etadi, - deydi tuman hokimining o‘rinbosari A.Qo‘ldoshev. - Tumanda 6 ta stadion, 56 ta sport zal, 46 ta futbol, 13 ta sun’iy qoplamali mini futbol, 49 ta gandbol, 54 tadan basketbol va voleybol, to‘rttadan stritbol va badminton maydon chalari, 3 ta fitnes zali hamda 1 ta shaxmat maydonchasi mavjud.
Tumanda aholi o‘rtasida sog‘lom turmush tarzini targ‘ib qilish, ommaviy sportni rivoj lantirish maqsadida 17,8 kilometr salomatlik, 8,8 kilometr velosiped yo‘laklari qurildi, 42 ta workout, shuningdek, “Besh tashabbus olim piadasi”da g‘olib bo‘lgan yoshlarning mahal lalarida to‘rtta universal va bitta street work out maydonchalari tashkil etildi. Shuningdek, yoshlarning muammolariga yechim topish, bandligini ta’minlash, kasb-hunarga o‘qitish va ularning bo‘sh vaqtini mazmunli tashkil etish maqsadida tuman sektorlariga biriktirildi.
“Besh tashabbus olimpiadasi”ning 2023-yil birinchi va ikkinchi mavsumlarida 11 ta
sport, 2 ta san’at, 1 ta kibersport, 5 ta kasb-hunar yo‘nalishidagi musobaqa va
tanlovlarda 30 ming nafarga yaqin yoshlar ishtirok etdi. Tumanda amalga oshirilgan ishlar va yaratilgan sharoitlar natijasida yosh larimiz 6 ta oltin, 2 ta kumush medalni qo‘lga kiritib, respublikada birinchi o‘rinni egalladi.
Mazkur olimpiada nogironligi bo‘lgan yoshlar uchun ham imkoniyatlar eshigini
ochmoqda. Tumanning Amirobod mahallasi da yashovchi Asaloy Qo‘ldosheva 16-21 yosh toifasida paralimpiada doirasida o‘tkazilgan yengil atletika musobaqasining respublika bosqichida g‘olib bo‘ldi.
- Yoshim yigirmada, ikki yildan beri Xurshida Davronova qo‘l ostida yengil atletikaning yadro uloqtirish turi bilan shug‘ul lanyapman, - deydi Asaloy. - O‘tgan yil mahallamizdagi yoshlar yetakchisi taklifi bilan ilk bor “Besh tashabbus paralimpiadasi”da qatnashdim. Turnir o‘zimni ko‘rsatish uchun
zo‘r imkoniyat bo‘ldi. Musobaqaning respub lika bosqichida g‘oliblikni qo‘lga kiritdim va mahallamizga universal sport maydonchasi qurib berildi. To‘g‘risi, oldin mahallamiz da shug‘ullanish uchun imkoniyat yo‘q edi.
Musobaqalarda ishtirok etish va sport to‘ga raklariga borish uchun qo‘shni qishloqlarga, tumandagi sport maktablariga yoki Navoiy shahridagi sport inshootlariga borardik.
- Mahallamizda 30 yoshgacha bo‘lgan yoshlar 430 nafarni tashkil etadi, - deydi
Urganji mahallasi yoshlar yetakchisi Fotima Barotova. - Mahallada yoshlarning bo‘sh vaqtini mazmunli tashkil qilish maqsadi da kutubxona, sport to‘garaklari, xorijiy til kurslari tashkil etilgan va yoshlarimiz bundan unumli foydalanmoqda. Jumladan, 2023-yil biz uchun juda omadli keldi. 16-21 yosh toifasida mahallamiz qizlari “Besh tashabbus olimpiadasi” stritbol musobaqasining respublika bosqichida g‘olib bo‘ldi va mahalamizda sport maydonchasi bunyod etildi.
Davlatimiz rahbari tashabbusi bilan joriy etilgan “Yoshlar uchun ming kitob” loyihasida g‘olib bo‘ldik va kutubxonamizga o‘zbek tili ga tarjima qilingan jahonda mashhur mingta kitob olib berildi. Shuningdek, yosh sportchimiz Og‘abek Otabekov mahallada og‘ir atletika to‘garagini tashkil etib, yoshlarni
xalqaro musobaqalarga olib chiqdi. Yurtimizda yosh avlod ta’lim-tarbiyasi, ularning bilim olishi, kasb-hunar o‘rganishi
va iste’dodini namoyish etishi uchun barcha imkoniyatlar yaratilgan. Bu islohotlar
davomi sifatida 2024-yil - Yoshlar va biznesni qo‘llab-quvvatlash yili deb e’lon qilingani yoshlar uchun yanada keng imkoniyatlar eshigini ochadi.
1 окт 2024
