Masalliqlar:
KORJIGA:
180-200 gramm pechenye
100 gramm sariyog’
ASOSIY QAVATIGA:
700 gramm qaymoqli suzma
200 gramm 35 %li yog’li qaymoq
180 gramm shakar upasi
2 osh qoshiq kakao kukuni
2 choy qoshiq vanil shakari
200 gramm jelatin
120 millilitr sovuq suv
100 gramm qora shokolad
Qadam 1
Korjini tayyorlaymiz
Pechenyelarni blender yoki o’qlovda maydalab olamiz.
Qadam 2
Sariyog’ni eritib olamiz va pechenyelar bilan aralashtirib olamiz.
Qadam 3
Aylanasi 24 sm li qolipga pergament qog’oz to’shaymiz.
Pechenyelarni qolipga solib, ustini tekislab olamiz.
So’ng qolipi bilan sovutgichga 30 daqiqaga olib qo’yamiz.
Qadam 4
Asosiy qavatini tayyorlaymiz
Jelatinni ustidan sovuq suv quyamiz va 20 daqiqaga qoldiramiz.
Qadam 5
Chuqurroq tog’orachaga suzma va qaymoqni solib, ko’pirtirib olamiz.
Ko’pirtirishda davom etib, vanilin va shakar upasini solamiz.
Qadam 6
Jelatinni qozonchaga solib, silliq holatga kirgunicha eritib olamiz.
Muhim! Jelatin qaynashiga yo’l qo’ymang!
Qadam 7
Suzma va qaymoqli aralashmani ikkiga bo’lamiz.
Qadam 8
Aralashmaning bir qismiga jelatinning yarmini quyamiz va mikserda ko’pirtirib olamiz.
Qolganini esa chetga olib qo’yamiz.
Qadam 9
Suzmali aralashmani qolipdagi pechenyelar ustidan quyamiz va muzlatgichga 20 daqiqaga olib qo’yamiz.
Qadam 10
Qolgan suzmaga kakaoni solamiz va aralashtiirb olamiz.
Qolgan jelatinni qizdirib, suyultirib olamiz va suzma ustidan quyamiz. Mikserda yaxshilab aralashtirib olamiz.
Qadam 11
Muzlatgichdagi chizkeykimiz ustidan kakaoli aralashmani ham quyamiz. Va 2 soatga sovutgichga olib qo’yamiz.
Qadam 12
Shokoladni eritib olamiz va chizkeyk ustidan quyamiz. To’liq qotishi uchun 3 soatga sovutgichga olib qo’yamiz.
Xohishga qarab, rezavor mevalar bilan ustini bezatamiz.
Yoqimli ishtaha!
Yanada ko'proq retseptlar - zira.uz da
Facebook: www. zirauz
Instagram: / zirauz
O'zbek tilidagi telegram: t.me/zirauzuz
Rus tilidagi telegram: t.me/zirauz
Telegramdagi guruh: t.me/zirauz_chat
Tahririyat raqami: (+99899) 837−15−15
Reklama bo'limi raqami: (+99878) 148−14−15
7 сен 2024
