అప్పట్లో విరివిగా లభించి ఇప్పుడు అరుదుగా దొరుకుతున్న నిమ్మికాయలు పొదిలి పట్టణంలో విక్రయుస్తు కనిపించారు పలువురు.రుచికి కాస్త తియ్యగా తింటుంటే బంక, బంకగా ఉంటాయి.వీటిని పాల కాయలు అంటుంటారు.మన పెద్దలకు బాగా సుపరిచితం.రమారమి ఓ మాసం నుండి కుంభవృష్టి తప్పదన్నట్టు కమ్మేస్తున్న కారు మబ్బులు చిరుజల్లులలకే పరిమితమై హర్షం కుమ్మరిస్తున్నాయి.ఇలా ముసురు పట్టిన వేళ దేహాన్ని ఆవహించిన చలికి చక్కిలిగింతలుపెట్టి వెచ్చదనంనింపేదుకు ఇష్టమైన ఆహారం చేసుకుని వేడి,వేడిగా ఆస్వాదించడం మనకెంతో ఇష్టం.ఈపొద్దు వాతావరణంకు అనుగుణమైన ఆహారంతో మీ ముందుకు వచ్చాను నేను.మా నాన్నకు పౌరాణిక చిత్రాలన్నా,నాటకాలన్నా.. అమితాసక్తి. ఓ వ్యాపకంగా నిత్యం పద్యాలు, అలనాటి పాటలు వింటుంటే వారు.అలా నా చిన్నప్పుడు చెవిన పడ్డ ఆలాపనలు మరలా వినిపిస్తే మా నాన్నతో గడిపిన జ్ఞాపకాలు గుర్తుచేస్తాయి.రంగమేదైన కొందరు వృతి పట్ల గౌరవంగా,పనిలో ఎంతో ఇష్టతతో నిమగ్నంగా మెసులుకుంటారు.తద్వారా తమచే రూపొందించబడే పదార్ధాములు లేక వస్తువుకు ఓ స్వభావం చేకూర్చి వన్నె తెచ్చి చూపరులను మెప్పిస్తారు.ఆహార తయారీలో పలువురు సుశిక్షితులను చూశాను నా ఆహార విహారాన.శుచికరమైన ఆహారం వడ్డించాలన్న ప్రాధమిక సూత్రం పాటిస్తూ వారు వండిన పదార్థాలు సహజ నేవళింపుతో చూడగానే నాణ్యత స్వభావం ఆకళింపు చేసుకునేలా ఉంది.పొదిలిలోని కాలేషా గారి ఆహారశాలకు నేను చెప్పిన మాటలు సరిపడ్తాయి.ముడి పిండితో చూడముచ్చటగా పోశారు దోశ.గుండ్రంగా భలే ఉంది చూస్తుంటేనే.బొద్దుగా తయారు కబడుతుంది అట్టు వలే. కోడికూర పులుసు ఇంకెలా.ముక్కలకు బాగా పట్టించారు సుగంధ ద్రవ్యాలను.అల్లంవెల్లుల్లి మిశ్రమం రుచిలో క్రియాశీలకం.కొద్దిగా ఘాటుతో కారం పల్లెటూరి కోడికూర వలే నాటు రుచిని కలిగి ఉంది.భలే ఉంది దోశ - కోడికూర జోడి.అందించిన మూడు దోసెలతో గట్టిగా తిన్నామన్న అనుభూతి కలుగుతుంది.కిచిడికి నాణ్యమైన బియ్యం వినియోగించారు.స్వల్ప మషాలానే ఉంది.సాధాగా బాగా నచ్చింది నాకు. పొదిలి మరికొన్ని కార్యక్రమాలు చేద్దాం అనుకుంటున్నా శుచిగల ఆహారం అందించే వారి వివరాలు తెలుపగలరు. ధన్యవాదాలు.
గమనిక⚠️ :- వ్యాఖ్యత ప్రణాళిక ప్రకారం ఆహారం మితంగా తీసుకుంటారు.కేవలం రుచి మాత్రమే చూసి తన అనుభూతిని వ్యక్తం చేస్తాడు.మీ ఆహారపు అలవాట్లు పట్ల గౌరవం చాటుతూ మితాహారాన్ని ప్రోత్సహిస్తాడు.వినోదాత్మక కార్యక్రమం ఇది.
16 окт 2024
