Pooram Star Prediction for female | പൂരം നക്ഷത്രം സ്ത്രീകളുടെ പ്രത്യേകഫലം K.P.Sreevasthav 9447320192 

#sreevasthav #indianastrologer #keralaastrology
പുരം - സ്ത്രീകൾ പ്രത്യേകഫലം
ആര്യമ്ണഭേ സുസ്ഥിരചിത്ത വിത്താ,
നയപ്രധാനാ ഗൃഹകൃത്യദക്ഷാ; ഗുണാനുരക്താ വ്യസനൈർ വിയുക്താ,
നാരീ ഭവേത് രോഗവിവർജ്ജിതാ ച.
സാരം : പൂരം നക്ഷത്രത്തിൽ ജനിച്ച സ്ത്രീക്ക് ഉറച്ച മനസ്സും , സ്ഥിരസമ്പത്തുമുണ്ടാകും . ഗൃഹകാര്യങ്ങളിൽ ചാതുര്യമുണ്ടാകും . നയപരമായി ഇടപെടുവാൻ കഴിയും . ഗുണങ്ങളോടെല്ലാം താല്പര്യം കാണിക്കും .
ഇവരെ എളുപ്പത്തിൽ
വ്യസനങ്ങളോ , രോഗങ്ങളോ കീഴ്പ്പെടുത്തുകയും ഇല്ല .
പൂരം നക്ഷത്രം സ്ത്രീകളെ സംബന്ധിച്ചിടത്തോളം അത്ര നല്ലതല്ലെന്നുള്ള ഒരു പറച്ചിലുണ്ട് . അത് അത്രമാത്രം ശരിയാണെന്ന് തോന്നുന്നില്ല, ഈ നക്ഷത്രത്തിൽ പിറന്ന സ്ത്രീകൾ വിശിഷ്ടമായ സ്വഭാവഗുണമുള്ളവ രും , സൗഭാഗ്യവതികളുമായിരിക്കും ഇവർ വിപദി ധൈര്യമുള്ളവരും ജീവിതത്തിൽ വിജയിക്കുന്നവരുമായിട്ടാണ് കാണപ്പെടുന്നത് .
കുടുംബഭദ്രതയും സന്താനാഭിവൃദ്ധിയും ഇവർക്കുണ്ടായിരിക്കും . സംസാരചാതുര്യവും ഉപകാരസ്മരണയും ഇവരുടെ ഗുണങ്ങളാണ് .
അതുപോലെ നീതി നിർവ്വഹണത്തിലും കൃത്യനിഷ്ഠയിലും ഇവർ മറ്റുള്ളവരുടെ പ്രശംസ പിടിച്ചുപറ്റും . ഇങ്ങനെയൊക്കെയാണെങ്കിലും ഇവർക്ക് തന്റേടക്കൂടുതൽ ഉണ്ടായിരിക്കും . തനിക്കു താൻപോന്ന സ്വഭാവമിവരിൽ മുന്നിട്ടു നിൽക്കുന്നതുകൊണ്ട് മറ്റുള്ളവരുടെ ശത്രുതയ്ക്കും അപവാദാരോപണങ്ങൾക്കും എളുപ്പമിവർ പാത്രീഭൂതരാകും . ദുർഗർവ്വും ദുഃശാഠ്യവും ഇവരുടെ നെഗറ്റീവ് വശങ്ങളാണ് .
ഗുന്മം , വായുക്ഷോഭം മുതലായ രോഗങ്ങൾ ഇവരെ എളുപ്പത്തിൽ ബാധിക്കും .
ജീവിതചക്രം
പൂരം നക്ഷത്രജാതർക്ക് മദ്ധ്യവയസുവരെ ഉയർച്ച താഴ്ചകൾ ഒന്നിടവിട്ട് ഉണ്ടായിക്കൊണ്ടിരിക്കും . ഏകദേശം 10 വയസ്സുവരെയുള്ള സമയം പോതുവെ സന്തോഷകരമായിരിക്കും . 10 മുതൽ 16 വയസ്സുവരെ ഗുണദോഷിമിശ്രം . വിദ്യാഭ്യാസത്തിൽ ഏറെ ശ്രദ്ധ വേണ്ടതായ സമയമാണിത് .
16 മുതൽ 26 വയസ്സുവരെ ഗുണപ്രദം . തൊഴിൽ വിജയം , ധനാഭിവൃദ്ധി , കുടുംബസുഖം എന്നിവയുണ്ടാകും . സ്ത്രീകൾക്ക് ഇതിനുള്ളിൽ വിവാഹ സമയവുമാണ്
26 മുതൽ 51 വയസ്സുവരെ ഗുണദോഷമിശ്രം , കർമ്മാഭിവൃദ്ധി , രാജപ്രീതി വിദേശയോഗം , വാഹനലാഭം തുടങ്ങിയ സൽഫലങ്ങളോടൊപ്പം ബന്ധുജനവിരഹം , രോഗഭീതി , അപകീർത്തി മന:ക്ലേശം തുടങ്ങിയ അശുഭഫലങ്ങളും വന്നും ചേരാം
51 വയസ്സുമുതൽ 67 വയസു വരെ ഗുണകരമായ സമയമാണ് 67 വയസ്സിന് മേൽ ശാന്തപൂർണ്ണമായ ജീവിതം നയിക്കാൻ ശ്രമിക്കുക .
പ്രതികൂല നക്ഷത്രങ്ങൾ അത്തം, ചോതി , അനിഴം എന്നീ നക്ഷത്രങ്ങളും അഷ്ടമരാശിക്കൂറിലുൾപ്പെട്ട പുരുരുട്ടാതി അവസാനകാൽ ഉത്രട്ടാതി , രേവതി എന്നീ നക്ഷത്രങ്ങളു മാണ് പ്രതികൂലനക്ഷത്രങ്ങൾ .
പ്രസ്തുത നക്ഷത്രങ്ങളിൽ ജനിച്ചവരുമായി കൂട്ടുബിസിനസ്സിൽ ഏർപ്പെടുന്നതും അവർക്കുവേണ്ടി ജാമ്യം നിൽക്കുന്നതും ദോഷത്തിൽ കാലിക്കുമെന്നാണ് പൊതുവെയുള്ള വിശ്വാസം ഈ നക്ഷത്രക്കാരുമായുള്ള ദീർഘകാല കൂട്ടുകെട്ടും അത്രകണ്ട് ഗുണം ചെയ്യില്ല . മേൽപ്പറഞ്ഞ പ്രതികൂല നക്ഷത്രങ്ങളിൽ ശുഭകാര്യങ്ങൾ ചെയ്യാതിരിക്കാനും ശ്രദ്ധിക്കുക .
അനുഷ്ഠിക്കേണ്ട കാര്യങ്ങൾ
പൂരം നക്ഷത്രക്കാർക്ക് പൊതുവെ ചന്ദ്രന്റെയും രാഹുവിന്റെയും ശനിയുടെയും ദശാകാലങ്ങൾ ദോഷപ്രദമാകയാൽ ഈ സമയങ്ങളിൽ വിധിപ്രകാരമുള്ള പരിഹാര കർമ്മങ്ങൾ അനുഷ്ഠിക്കുന്നത് നല്ലതായിരിക്കും . ഭരണി പൂരം , പൂരാടം എന്നീ ജന്മാനുജന്മ നക്ഷത്രങ്ങൾ ക്ഷേത്രദർശനത്തിനും വ്രതം , ജപം മുതലായ ശുഭകാര്യങ്ങൾക്കും ഉത്തമമാണ് . പൂരവും ഞായറാഴ്ചയും ചേർന്നുവരുന്ന ദിവസങ്ങളിൽ സവിശേഷ പ്രാധാന്യത്തോടെ വതജപാദികൾ നടത്താവുന്നതാണ്.
നക്ഷത്രാധിപനായ ശുക്രന്റെ പ്രീതിക്കായി മഹാലക്ഷ്മീഭജനം , അന്നപൂർണ്ണേശ്വരി സ്തോത്രജപം , ലളിതാസഹസ്രനാമജപം തുടങ്ങിയവ അനുഷ്ഠിക്കാം . രാശ്യാധിപനായ ആദിത്യനെ പ്രീതിപ്പെടുത്തുന്നതും ഗുണം ചെയ്യും . ആദിത്യപൂജ , ശിവക്ഷേത്ര ദർശനം തുടങ്ങിയവ ഏറെ ഗുണകരമാണ്
നക്ഷത്രവൃക്ഷാദികൾ
1. നക്ഷത്രവൃക്ഷം - പ്ലാശ്
ലെഗുമിനോസ എന്ന സസ്യകുടുംബത്തിലെ അംഗമാണ് പ്ലാശ് . ചുവന്ന പൂക്കളുണ്ടാകുന്ന നിത്യഹരിത മരങ്ങളിലൊന്നാണ് പ്ലാശ് .
ഇന്ത്യയിലുടനീളം കാട്ടുപ്രദേശങ്ങളിൽ ഇത് കാണപ്പെടുന്നു . വളക്കൂറുള്ള പ്രദേശത്താണ് ഇത് കൂടുതലായും വളരുന്നത് . ഏക ദേശം 10 മുതൽ 20 മീറ്റർ വരെ ഉയരത്തിൽ വളരുന്ന ഇതിന്റെ പ്രധാന തടി വളഞ്ഞ് പുളഞ്ഞ് ശാഖകളോടുകൂടി കാണപ്പെടുന്നു . ഇതിന്റെ ഇലകൾ ഏകദേശം വൃത്താകൃതിയോടുകൂടിയതായിരിക്കും . ഒരു ഞെട്ടിന്മേൽ മൂന്നിലകളുണ്ടാകും . പൂവുകൾക്ക് ചുവപ്പ് ( ഓറഞ്ച് ) ആണ് നിറം . ഇതിന്റെ ഇല , പൂവ് , കായ, തൊലി , വേര് , കറ എന്നിവയെല്ലാം ഔഷധയോഗ്യമാണ് . ഗാലിക് ആസിഡ് 5 ശതമാനം കായയിലും ഫലത്തിലും കാണപ്പെടുന്നു. വിത്തിലും വിവിധതരം രാസഘടകങ്ങൾ അടങ്ങിയിട്ടുണ്ട്. കടുതിക്ത കഷായരസവും ലഘു രൂക്ഷഗുണവും ഉഷ്ണവീര്യവും വിപാ കത്തിൽ കടുവുമാണ് പ്ലാശ് ,
2. നക്ഷത്രമൃഗം ചുണ്ടെലി
എലി വർഗ്ഗത്തിൽപ്പെട്ട ഒരു സസ്തനിയാണ് ചുണ്ടെലി ,
( പലരും ഇത് നച്ചെലി അഥവാ നൊച്ചൻ ആണെന്നാണ് കരുതിയിരിക്കുന്നത് . അത് തെറ്റാണ് .
പൂരം നക്ഷത്രത്തിൽ ജനിച്ചവർ ഒരു കാരണവശാലും തങ്ങളുടെ നക്ഷത്ര മൃഗമായ എലിയെ ഉപദ്രവിക്കാൻ പാടില്ല
3. നക്ഷതപക്ഷി ചെമ്പോത്ത്
4. നക്ഷത്രയോനി - സ്ത്രീ
5. നക്ഷത്രഗണം - മനുഷ്യൻ
6. നക്ഷത്രദേവത ആര്യമാവ്
12 ആദിത്യന്മാരെ ക്കുറിച്ച് വേദങ്ങളിൽ പറയുന്നുണ്ട്
" ദ്വാദശാദിത്യമാർ ' എന്നാണ് അവരെ വിശേഷിപ്പിക്കുന്നത് . അവരിലൊരാളാണ് ആര്യമാവ് , അസ്തമിക്കാൻ പോകുന്ന സൂര്യനെയും ഇപ്രകാരം വിശേഷിപ്പിക്കാറുണ്ട്.
മേല്പറഞ്ഞ പക്ഷിമൃഗാദികളെ പൂരം നക്ഷത്രക്കാർ ഒരു കാരണവശാലും ഉപദ്രവിക്കുവാൻ പാടില്ല . കഴിയുമെങ്കിൽ അവയെ പരിരക്ഷിക്കുന്നത് ഗുണകരവുമാണ് . നക്ഷത്രവൃക്ഷമായ പ്ലാശിനെ നട്ടുവളർത്തുന്നത് ആയുസ്സിന് ഗുണകരമാണ്. ദീർഘായുസ്സ് ആഗ്രഹിക്കുന്നവർ ഒരു കാരണവശാലും ഈ മരം മുറിക്കുവാൻ പാടില്ല . നക്ഷത്രദേവതയായ ആര്യമാവിനെ നിത്യവും പ്രസാദിപ്പിക്കുന്നത് ജീവിതപുരോഗതിക്ക് ഏറ്റവും ഗുണകരമാണ് ഋഗ്വേദ പരാമർശിതമായ ആദിത്യന്മാരിൽ ഒരാളായ ഈ ദേവതയെ പ്രീതിപ്പെടുത്താനുള്ള മന്ത്മായ
ഓം ആര്യമ്ണേ നമ: എന്ന മന്ത്രം നിത്യവും ജപിക്കുന്നത് വളരെ നല്ലതാണ്
ഭാഗ്യനിറം കറുപ്പ് , ചുവപ്പ്
ഭാഗ്യദിക്ക് കിഴക്ക്
ഭാഗ്യദിവസം വെള്ളി
ഭാഗ്യസംഖ്യ 6 ഭാഗ്യരത്നം വജ്രം

Наука