Qonli namoyishlardan ikki yil o‘tib, faollarga taqiblar kuchaymoqda - Qoraqalpog'iston 

Қорақалпоғистонда камида 21 кишининг ўлимига сабаб бўлган қонли намойишлардан икки йил ўтиб, Ўзбекистон Олий суди “Олға, Қорақалпоғистон” ҳаракатини “экстремистик ташкилот” деб топгани ўртага чиқди.
Шу йил 30 майда Парахат Мусапбаровга нисбатан Хўжейли тумани суди чиқарган ҳукмда Олий суд тегишли қарори шу йил 22 февралда қабул қилингани айтилган.
Ҳукм жамоатчиликка эълон қилингани йўқ. Шунингдек, “Олға, Қорақалпоғистон” ҳаракатини “экстремистик ташкилот” деб топилгани ҳам маълум қилинмади.
Ўзбек матбуоти Конституцияда Қорақалпоғистоннинг суверен мақомини бекор қилиш таклифи ортидан бошланиб кетган Нукусдаги қонли воқеаларнинг навбатдаги санасини ҳам эътиборсиз қолдирди.
Воқеаларни текшириш учун икки йил аввал тузилган парламент комиссияси ҳанузгача ўз хулосасини эълон қилмаган.
АҚШ, Европа Иттифоқи, БМТ ва халқаро инсон ҳуқуқлари ташкилотлари ҳам ўзбек расмийларини Қорақалпоғистондаги воқеалар юзасидан очиқ, ҳар томонлама ва шаффоф тергов ўтказишга, тинч намойишчиларга қарши ҳаддан зиёд куч қўлланилганига оид иддаоларни текширишга чақириб келади.
🔴Ozodlik kanaliga obuna bo'ling! 👉 t.me/ozodlikkanali
🔴 Bizga xabar yo'llash uchun 👉 t.me/ozodnews
Qoraqalpog‘istonda kamida 21 kishining o‘limiga sabab bo‘lgan qonli namoyishlardan ikki yil o‘tib, O‘zbekiston Oliy sudi “Olg‘a, Qoraqalpog‘iston” harakatini “ekstremistik tashkilot” deb topgani o‘rtaga chiqdi.
Shu yil 30 mayda Paraxat Musapbarovga nisbatan Xo‘jeyli tumani sudi chiqargan hukmda Oliy sud tegishli qarori shu yil 22 fevralda qabul qilingani aytilgan.
Hukm jamoatchilikka e’lon qilingani yo‘q. Shuningdek, “Olg‘a, Qoraqalpog‘iston” harakatini “ekstremistik tashkilot” deb topilgani ham ma’lum qilinmadi.
O‘zbek matbuoti Konstitutsiyada Qoraqalpog‘istonning suveren maqomini bekor qilish taklifi ortidan boshlanib ketgan Nukusdagi qonli voqealarning navbatdagi sanasini ham e’tiborsiz qoldirdi.
Voqealarni tekshirish uchun ikki yil avval tuzilgan parlament komissiyasi hanuzgacha o‘z xulosasini e’lon qilmagan.
AQSH, Yevropa Ittifoqi, BMT va xalqaro inson huquqlari tashkilotlari ham o‘zbek rasmiylarini Qoraqalpog‘istondagi voqealar yuzasidan ochiq, har tomonlama va shaffof tergov o‘tkazishga, tinch namoyishchilarga qarshi haddan ziyod kuch qo‘llanilganiga oid iddaolarni tekshirishga chaqirib keladi.
#ozodlik #uzbekistan #tashkent #yangiliklar #karakalpakstan #shavkatmirziyoyev