Бирлашган миллатлар ташкилотининг (БМТ) Қозоғистондаги ваколатхонаси бу давлатдан бошпана сўраётган беш қорақалпоғистонлик аризасини кўриб чиқишга чақирди.
БМТ хатида Жангелди Жақсимбетов, Райса Худайбергенова, Зиуар Мирманбетова ва Тлеубике Юлдашевалар номи тилга олинган.тБу фаоллар 2022 йилда Ўзбекистон сўрови билан қўлга олинган ва 12 ой Қозоғистонда ҳибсда сақланган. Айни пайтда яна бир фаол ва ҳуқуқбон Ақилбек Муратов ҳибсда.
2022 йилда Ўзбекистон Конституциясини ўзгартириш лойиҳаси эълон қилинган ва ундан Қорақалпоғистонга берилган суверенлик мақоми олиб ташлаш таклиф қилинганди. Бундан норози қорақалпоқлар 1-2 июлида пойтахт Нукусда оммавий намойишга чиқди. Акция зўравонликка уланиб кетди ва бу - 2005 йилдаги Андижон воқеаларидан кейинги энг қонли намойишга айланди.
Ўзбекистон Бош прокуратурасига кўра, Нукус воқеаларида 21 киши ўлган, 243 киши яраланган, 516 киши қўлга олинган. Намойишлар ортидан, Конституциянинг Қорақалпоғистонга оид қисми ўзгартирилмади - суверен давлат ичидаги суверен республика бўлиб қолди.
Аммо, расмий Тошкентнинг Қорақалпоғистонга оид сиёсати, куч ишлатар идораларининг эса муносабати ўзгарди. Фаоллар ортидан таъқиблар бошланди.
🔴Ozodlik kanaliga obuna bo'ling! 👉 t.me/ozodlikkanali
🔴Bizga xabar yo'llash uchun 👉 t.me/ozodnews
Birlashgan millatlar tashkilotining (BMT) Qozog‘istondagi vakolatxonasi bu davlatdan boshpana so‘rayotgan besh qoraqalpog‘istonlik arizasini ko‘rib chiqishga chaqirdi.
BMT xatida Jangeldi Jaqsimbetov, Raysa Xudaybergenova, Ziuar Mirmanbetova va Tleubike Yuldashevalar nomi tilga olingan.Bu faollar 2022-yilda O‘zbekiston so‘rovi bilan qo‘lga olingan va 12 oy Qozog‘istonda hibsda saqlangan. Ayni paytda yana bir faol va huquqbon Aqilbek Muratov hibsda.
2022-yilda O‘zbekiston Konstitutsiyasini o‘zgartirish loyihasi e’lon qilingan va undan Qoraqalpog‘istonga berilgan suverenlik maqomi olib tashlash taklif qilingandi. Bundan norozi qoraqalpoqlar 1-2-iyulida poytaxt Nukusda ommaviy namoyishga chiqdi. Aksiya zo‘ravonlikka ulanib ketdi va bu - 2005-yildagi Andijon voqealaridan keyingi eng qonli namoyishga aylandi.
O‘zbekiston Bosh prokuraturasiga ko‘ra, Nukus voqealarida 21 kishi o‘lgan, 243 kishi yaralangan, 516 kishi qo‘lga olingan. Namoyishlar ortidan, Konstitutsiyaning Qoraqalpog‘istonga oid qismi o‘zgartirilmadi - suveren davlat ichidagi suveren respublika bo‘lib qoldi.
Ammo, rasmiy Toshkentning Qoraqalpog‘istonga oid siyosati, kuch ishlatar idoralarining esa munosabati o‘zgardi. Faollar ortidan ta’qiblar boshlandi.
#ozodlik #uzbekistan #tashkent #yangiliklar #karakalpakstan #mirziyoyev #crocus #moscow #hujum #ukraina #bosqin #urush
31 мар 2024
