Rajahmundry Famous Pandalapaka Apparao Biryani | 26 Years Old Famous Biryani Hotel | Food Book 

స్వాగతం.. నమస్కారం..
నా పేరు లోక్ నాధ్..
నేను ఈ వేళ మీకు పరిచయం చేయబోతున్నాను గత 26 సంవత్సరాల నుండి అమోఘమైన రుచితో నాణ్యమైన బిర్యానీని అందిస్తూ ఉభయ గోదావరి జిల్లాల్లో విశేష గుర్తింపు పొందిన రాజమండ్రి లోని పందలపాక అప్పారావు గారి సత్య పంచ కల్యాణి పలావ్ హోటల్ ని,ఇక్కడ లభించే బిర్యానిని...
అప్పారావు గారి స్వస్థలం రాజమండ్రి కి సమీపంలోని పందలపాక.వారు పాకశాస్త్రం లో అత్యంత శ్రేష్ఠత గల వారు.వారి చేత్తో ఏ వంటకం చేసిన గొప్ప రుచిని కలిగి ఉంటుంది. సినీ,రాజకీయ రంగ ప్రముఖులు సైతం తమ శుభకార్యాల నాడు
అప్పారావు గారిని పిలిపించుకుని వంటలు చేయించుకునే వారు.గోదావరి జిల్లాలకు వచ్చిన సమయంలో వారి వద్దకు వచ్చి ప్రత్యేకంగా ఉండిచుకునే భుజించే వారు.ఆ తరుణంలో ఘన కీర్తి గడించారు పందలపాక అప్పారావు గారు.
పాక శాస్త్రం లో ప్రావీణ్యులు అయినందున ఆహార శాల ఏర్పాటుకై ఆలోచన చేసి రాయవరంలో ప్రారంభించి రుచి శుచి కరమైన ఆహార పదార్థాలు,ప్రత్యేకంగా బిర్యానీ ని రెండు రూపాయలకే అందించి జనాదరణ పొందారు.
తదుపరి రాజమండ్రి లో ఆహారశాలను ఏర్పాటు చేసి తమ ఊరి పేరు,తాము ప్రేమగా పెంచుకుంటున్న అశ్వం అనగా గుర్రం పేరు కలిసొచ్చే విధంగా సత్య పంచ కల్యాణి పలావ్ హోటల్ గా నామకరణం చేసి నాణ్యత తో పసందైన రుచితో బిర్యానీ తోపాటు అనేక ఆహార పదార్థాలు వండి రుచితో తక్కువ ధరకే వడ్డించి రాజమండ్రి వాసుల నుండి ఆదరాభిమానాలు పొందారు అప్పారావు గారు .అందుకు నిదర్శనమే వారి బిర్యానీ కోసం ప్రజలు విరివిగా వేచి ఉన్న ఈ దృశ్యం.
సహృదయులైన అప్పారావు గారు .తనకు తెలిసిన విద్యను నలుగురికి నేర్పి వారికి ఉపాధి కల్పించారు.వారి శిష్యులు ఎందరో వంటల రంగంలో రాణిస్తున్నారు.ఇప్పుడు వారు విశ్రాంతి తీసుకుంటూగా వారి కుమారులు ఆహార శాలల నిర్వహణ చూస్తూ తమ తండ్రి బాటలో పయనిస్తున్నారు.
పందలపాక అప్పారావు గారి బిర్యాని.
కమ్మటి సువాసనను వేదజల్లుతూ తినగానే అమోఘమైన రుచిని కలిగివుండి జిహ్వ చాపల్యాన్ని పూర్తి సంతృప్తి పరుస్తుంది.బిర్యానీ లో మసాల పరిధి అతి స్వల్పం,అనుగుణంగా చికెన్ వేపుడు తయారు చేస్తారు.అలా రెండింటిని మిళితం చేసుకుని తింటే వచ్చు రుచికరమైన అనుభూతి అద్భుతమనడంలో ఏ మాత్రం అతి శయోక్తి లేదు.నాకు నచ్చిన 5 బిర్యానీలలో పందలపాక అప్పారావు గారి బిర్యాని వకటి. నాకు చాలా చాలా బాగా నచ్చింది ఈ బిర్యానీ. ఇప్పుడు మనకు అప్పారావు గారి చిన్న కుమారుడు సత్తి బాబు గారు తమ ఆహార శాల గూర్చి వివరిస్తారు.
#Rajahmundry
#PandalapakaApparaoBiryni
#FoodBook