الواجهة اللي بنستخدمها لبرمجة البيكو موجودة بالفعل علي Raspberry Pi OS فتقدر لو معاك بيكو تبرمجه عن طريق راسبيري باي لكن المايكرو بايثون مفيد فقط للشيب اللي ليها امكانيات عتادية محدودة لكن الراسبيري باي العادي بيكون عليه نظام تشغيل تقدر تشتغل عليه بالبايثون
يا هندسة انا كنت بتابع احد اليوتيوبرز وبيشرح Cmake لل AVR فبساله ليه بتستخدم Cmake لما ممكن تستخدم Atmel studio او Arduino Ide قاللي السوق مفيهوش Arduino IDE او Atmel studio فعايز اعرف ليه وهل فيه ميزة لل Cmake عن البرامج دي.
كل واحد بشمهندس بيشرح كورس بيكون لاهداف غالبا بيتم ذكرها في اول حلقة في الكورس. من ده حضرتك بتشوف انت محتاج لايه وبتتفرج علي المحتوي اللي علي الحاجه اللي هتستخدمها او شغلك محتاجها او بتتعلمها للدراسة. مفيش بشمهندس في الحياة كلام ينطبق في العموم. بمعني مفيش حاجه اسمها السوق مفيهوش غير كذا. ده اساسا مصطلح خاطيء لان انا ممكن اذكرلك اسامي شركات بتشتغل ده وشركات بتشتغل ده وشركات بتشتغل ده. فكرة التعميم في حد ذاتها مبقتنعش بيها. انت بتتعلم بشمهندس الحاجه اللي انت محتاجها، ولو لسه مش بتحتاجها فبحر العلم واسع ولا ينقطع ومفيش معلومة بتتعلمها هترميها، لكل مقام مقال فساعتها مدورش علي الموجود في سوق العمل لان ممكن علبال ما تتخرج يكون الاهتمام بحاجه مختلفة وبرضه الموضوع علي حسب المسمي الوظيفي والشركة اللي بتشتغل فيها. فمادام لسه الرؤية مش واضحة عندك في الكاريير بتاعك، يبقي كل لما تستزيد من العلم وتتعلم طرق مختلفة كل ما كان افضل. العلم عامل زي الطبخة اللي طعمها حلو كل لما هتدوق منها هتجوع اكتر ومش العكس، مفيش حد عنده شغف بيشبع من العلم، فبلاش الكلام غللي علي شاكلة اصل الشغل محتاج اصل كذا وحضرتك تكون اساسا لسه موصلتش للمرحلة دي. وكل واحد ليه وجهة نظر بناء علي ما يتم تفضيله من خلاله وبناء علي تجربته الشخصية اللي قد تختلف من شخص لشخص. ومش شرط اقولك ايه ماشي في السوق يبقي انت هتشتغل بيه، صح ولا غلط؟؟
The Raspberry Pi Pico family encompasses several variants, each tailored to specific requirements. The Pico H, Pico W, and Pico WH offer distinct features and capabilities to cater to diverse preferences. Additionally, the Raspberry Pi Pico family comprises four boards: Raspberry Pi Pico, Pico H, Pico W, and Pico WH. These variants may possess unique characteristics and specifications, enabling users to select the most appropriate version for their projects. Careful consideration of these differences is crucial when choosing the optimal Raspberry Pi Pico variant for your endeavors.
هل ممكن اوصل عدة الميكروكنترولر Atmega وكل ميكرو كنترولر محروق عليه كود لفعل شى معين وفي الأخر اوصلهم ب سيرفو موتور واحد بحيث كل كود له تحكم خاص بطريقة uart +شكرا جدا على السلسلة والشرح
ينفع تستخدم اكتر من مايكرو وكل مايكرو عليه كود وتوصل المايكرو دول ببعض عن طريق uart, i2c, spi اي من الوحدات دي ولكن السيرفو في النهاية هتوصله علي مايكرو واحد منهم وبما ان كل المايكرو متصلة مع بعض تقدر تبعت اللي انت عايزه من اي واحد للتاني لكن انا افضل انك توصل المايكروهات دي ببعض عن طريق i2c
المفروض علي المتابع هو اللي يعمل المشروع المتكامل، حضرتك دلوقتي لو في الكلية وفي اخر سنة وفيه مشروع تخرج هل الدكاترة بتشرح ليك مشروع تخرج سابق علشان تعمل زيه؟؟ لا طبعا مظبوط، حضرتك اللي بتختار مشروع التخرج وحضرتك بتعمله بناء علي اللي اتعلمته من المواد المختلفة اللي في الكلية طبق ده علي الكورسات اللي بتتعلمها انا دوري ان اشرحلك طريقة التعامل واوضح امثلة علي كل جزئية، ودور حضرتك انك تطبق اللي اتعلمته في مشروع متكامل علشان من خلاله تقيم انت استفدت ايه من الكورس وتحدد ايه اللي انت فاهمه وايه اللي مش فاهمه مش دوري اني اعملك مشروع متكامل لان مش شرط تحتاجه او مش شرط يكون هو ده المشروع المناسب ليك لكن دوري ان كل جزئية اعرض عليها مثال واضح يغطي الكلام اللي اتذكر ودور حضرتك هو في النهاية انك تعمل Integration في بروجكت
المشكلة من جوجل واشرت ليها مرارا وتكرارا في تعليقات المتابعين علي القناة جوجل عملت تحديث من حوالي سنة ضافت وضع علي الملفات اللي مرفوعة علي الجوجل درايف من اكتر من 3 سنوات، التحديث ده عبارة عن حماية لعدم التحميل، والدرايف انا رافع عليه اكتر من 3000 ملف منهم اكواد ومخططات وغيرها من مرفقات الفيديوهات، ومفيش خل غير اني ادخل علي كل ملف منهم اشيل الاوبشن اللي هما ضافوة ده وفعلوه بشكل افتراضي وحتي مينفعش اعمل تحديد للكل لازم كل ملف علي حدي ولا حتي ينفع احدد مجلد لازم كل ملف وده طبعا حاجه مستحيلة ادخل علي كل ملف اعمل كده لكن ان شاء الله لما يكون عندي وقت هدخل اشيل ده من ملفات كورس الاتصالات اللاسلكية
نصيحة لا تجعل صور المقطع تحتوى على الكثير من الاشياء لانها تُربك و تُبعد الشخص، وإذا كنت تستهدف العرب فعليك أن تتجنب الاكثار في اللغة الانگليزية واستخدام مصطلحات اكثر شفافية و وضوحاً وشكراً جزيلاً 🌹 لست خبيراً ولا املك قناة جيدة ولاكن انا شخص طبيعي دخل قناتك ليتعلم
نصيحة ليك ، انت تقدر توقف الفيديو في اي لحضظة وتركز علي حاجه واحدة فقط، وتقدر تعيد الحاجه اكتر من مره لو مش واضحة، بالنسبة للمصطلحات فجميع المراجع والكتب الموجوده لشرح هذا الشق من العلوم هيا مراجع انجليزية بحته وذكر المصطلحات بيكون بشكل تلقائي مبيكونش مترتب وده بيكون بسبب تردد هذه المصطلحات ومبنذكرش اي مصطلحات خارجه عن المجال يعني لما بتكلم في العموم مبتلاقنيش بقولك And So on You're Welcome Got it By the way guess what وغيرها ساعتها تقول بلاش المصطلحات دي لكن لما اقولك Serial Peripheral Interface كام واحد درسها بالعربي؟؟؟؟؟؟ كل الجامعات دراستها بالانجليزية القناة دي بتهدف طلبة هندسة والخريجين في المقام الأول وده واضح من أول يوم بدات فيه القناة ثم يليها محبين مجال الالكترونكس وجميع المصطلحات اللي بيتم ذكرها تقدر لو موضحش ليك مصطلح تسال في التعليق زي ما تفضلت وكتب تعليقك ده. وساعتها هشرحلك يعني ايه او ايه المقصود بيه وده اللي يهمك "ايه المقصود بيه" ومفيش حاجه اسمها اذا كنت تستهدف العرب، لما ان شاء الله حضرتك تكون مسئول في الدولة ابقي اسعي لترجمة المناهج وشرح المناهج كلها لجميع التخصصات باللغة العربية علشان ميطلعش المصطلحات علي لساننا كما درسناها باللغة الانجليزية وندخل في الجدال اللي داير دلوقتي ده وساعتها لما ننطق مصطلحات تخصصية بالانجليزية تبقي فزلكة لاننا درسناها بالعربي وننطقها بالانجليزي لكن الان الدكتور لما بيكتب ليك روشته بيكتب اسم الدوا بالعربي ولا الانجليزي؟؟؟؟؟؟؟ فباختصار المصطلحات العلمية دي بننطقها بالانجليزي علشان تم دراستها بالانجليزي وهي مصطلحات دارجة للجميع فلو مش مفهومة اذكر في التعليقات وانا برحب بالاسئلة في التعليقات وبجاوب عليها
