Ilay rivotra mitsoka izay,
Avy any antsinanana any,
Mitondra bitsika ho ahy,
Nalefanao any mba ho any;
Namirifiry io rivotra io
Ka tsapako avy hatrany,
Fa mangatsiaka ilay fitia
Nitsiry tanatinao.
Any ambadika any ianao
Manadino ny momba ahy
Izaho anefa mba manantena anao
Hanarina ny fiainako.
Ny rivotra aty aminay
Dia mitondra vovoka foana
Manditsoka ny masoko
Tsy ahitako ny lalako intsony
Io vovoka nentindrivotra io
No inoako fa mba nandratra anao
Tsy ahoako anefa izany
Tsy mampiova ny fiainako
Tsy ny rivotra anefa no entiko
Hahafantarako ny endrikao,
Fa aleo mifanatri-tava aloha
Toa izay hanendrikendrika foana
Tsy naharitra aho fa nandeha
Nanatona anao
Gaga anefa aho satria
Mbola mpifankatia izaho sy ianao.
Tsy mba hihaino io rivotra io intsony aho
Sy ny mety ho lazany any.
Fa mandiso ny lalako izany
Tsy hanatona anao fa hankahala anao.
25 апр 2023
