Radyo Natin Nationwide LIVE Report: 12 YEAR OLD NOVO ECIJANO NAGTALA NG BAGONG RECORD SA ATHLETICS LONG JUMP ELEMENTARY FOR BOYS SA PALARONG PAMBANSA 2024. BINASAG ANG MAHIGIT DALAWANG DEKADANG RECORD NG ISANG DABAWENYO SA PAREHONG SPORTS CATEGORY NOONG 2002
#RNNReport ni Armi Carranza ng Radyo Natin Guimba kasama si Cheska San Diego Bobadilla | 15 July 2024
Detalye:
Nag-set ng bagong record ang 12 años na Novo Ecijano na si Jyane Kirt Cantor sa Long Jump Elementary for Boys sa Palarong Pambansa 2024 - sa distansyang 6.14 meters. Binasag nito ang 22-year old record ni Jeremy Tamles ng Davao na 6.04 meters sa Palarong Pambansa sa Naga City taong 2002.
Ito ang unang gold medal na nakamit ng Nueva Ecija at ng Gitnang Luzon sa Palarong Pambansa na kasalukuyang ginaganap sa Cebu City Sports Complex.
[Sa isang interview] Ayon kay Jyane, first time niya na naglaro sa Palaro at hindi inaasahan ang pagkapanalo at record breaking pa dahil rank 12 lamang raw siya sa Central Luzon Regional Athletic Association (CLRAA) Meet noong Mayo.
Isa rin siyang ‘converted athlete, mula sa pagiging kinatawan sa triple jump athletics, sumabak siya sa long jump. Napag-alamang ang tinaguriang “Man of Steel” ng Southeast Asian o SEA Games at men’s decathlon gold winner na si Aries Toledo mismo, na isa ring Novo Ecijano, ang nagsanay kay Jyane bago ito sumabak sa national sports competition.
Kwento pa nito, sinamahan nya ng dasal ang pagsabak sa finals at inspirasyon niya ang mga magulang na all out support sa kanya.
Bumuhos ang pagbati sa binatilyo na ngayo'y kinikilala na ring isa sa Nueva Ecija pride sa natamo niyang tagumpay. Mensahe ng mga guro ng Caanawan ES sa pamumuno ni Principal Febie Paulo pagbutihin nito ang talento sa sports at mag-aral din nang mabuti.
Samantala, nakakuha din ang mga Novo Ecijanong atleta ng silver medals - si John Patrick Patricio sa Long Jump Secondary for Boys (Eduardo L. Joson Memorial High School - SDO NE) at sina Miel Mckenzie Cipriano at Daron Chester Lovendino [30 at 60 meter distance] sa Archery Secondary for Boys (REH Montessori College Inc at Aski Skills and Knowledge Institute Inc - SDO NE).
May bronze medals naman sina Chemy Joy Castro (Marciano Del Rosario Memorial NHS) - SDO Cabanatuan City) at Dhindhon Perez (Palayan City NHS - SDO NE) sa Arnis Secondary.
Humakot din ng gold at silver medals ang mga kinatawang Novo Ecijano sa para games na sina John Zedrick Sario, Cathrine Obeas at Randy Rosete Jr.
As of July 14, ang Central Luzon Patriots kung saan kabilang ang Nueva Ecija athletes ay nakasungkit na ng 75 medalya -- 19 na gold, 25 silver at 31 bronze sa regular sports at 11 medalya - 5 gold, 4 silver at 2 bronze sa para games.
PANUORIN ang buong episode ng programa sa link na ito: 🔗www.facebook.c...
News and Video Editor: Armi Carranza
#RadyoNatin #RadyoNatinNationwide
#SamaSamaTayoPilipino #RNG1053 #DWTC1053FM #RadyoNatinGuimba #RN35 #MBC #MBCMediaGroup #KBP #KBPNuevaEcija
21 авг 2024