Ruiterslied 

#boer #afrikaans
Die Ruiterslied kom uit die 1952 Afrikaanse rolprent "Altyd in my Drome" waarvan Pierre De Wet die regisseur en draaiboekskrywer was.
Die videogrepe in hierdie video kom uit die 1949 rolprent Sarie Marais en die 1952 rolprent Altyd in my Drome.
Lirieke:
Bruin damp die stof teen die lug se blou,
vrolik die klank van stiebeuels.
Lank was die ponies op stal gehou,
gee hul die vrye teuels!
Langs aanmekaar ry ons oor die rand,
vrolik waar ons ook mag gaan.
Sterk die geloof in ‘n Hoër Hand,
skouer aan skouer saam!
Kyk hoe pronk daardie trippellaar -
spore van sweet ken hy nie.
Gee hom die stang, laat hom vry baljaar
dan sal die myle vlie!
Hou daardie swart perd ‘n bietjie in
tot hy sy streke vergeet.
Oorkant die vlei waar die wild begin,
daar kan jy hom laat sweet!
Bruin damp die stof teen die lug se blou,
vrolik die klank van stiebeuels.
Lank was die ponies op stal gehou,
gee hul die vrye teuels!
Langs aanmekaar ry ons oor die rand,
vrolik waar ons ook mag gaan.
Sterk die geloof in ‘n Hoër Hand,
skouer aan skouer saam!