పుత్ర ప్రేమా, మాతృ ప్రేమా ఎంత ప్రేమ తల్లి నీకీ సూతనందనుడి పైన. మరి ఇంత ప్రేమను నాడెక్కడ దాచావమ్మా..... అలనాడు.... ఆనాడు అస్త్ర విద్యా పరీక్షా సమయాన ద్రోణాదిగా పెద్దలందరూ కలసి 'కులహీనుడా' 'సూతుడా' 'సూతుడా' 'కులహీనుడా' అంటూ అగ్ని సమ్మెట లాంటి మాటలతో నా అభిమానాన్ని బ్రద్దలు కొడుతుంటే 'కాదు....కర్ణుడు సూతుడు కాడు. వాడు నా బిడ్డ' అని చెప్పుకోలేకపోయిన నాడు ఈనాటి నీ మాతృప్రేమ ఏ కాష్టంలో కలిసింది తల్లీ ఏమమ్మా..... ధర్ముడికి యుధిష్ఠిరుడ్ని కన్నావు పవనుడికి భీముడ్ని పొందావు ఇంద్రుడికి అర్జునుడిని మోసావు ఇవి....ఇవన్నీ ఇష్టమయ్యాయే కానీ లోకసాక్షీ, కర్మసాక్షీ అయిన ఆ భాస్కర లబ్ధుడు కర్ణుడు నా కొడుకు అని చెప్పుకునేందుకు నీకు మనసు రాకపోయిందా తల్లీ కనీసం ఎవరో దిక్కు లేని బిడ్డ నాకు దొరికాడని మీ పెద్దలకు చెప్పి నీ స్తన్యమిచ్చి లాలించి ఉంటే నా బ్రతుకిలా నక్కలు పీకిన కళేబరం అయ్యుండేదామ్మా....ఏడవకమ్మా ఏడవకు ఇప్పుడేడ్చి మాత్రం ప్రయోజనమేముంది జరగాల్సిందేదో జరిగే పోయింది నిజానికి ఇవ్వాళ నాకెంతో ఆనందంగా ఉందమ్మా నా తల్లి, నన్ను కన్న తల్లి,ఇన్నాళ్ళుగా నాకు దూరంగా ఉన్న తల్లి, నా ప్రభువుకు శతృవులయి చరించుచున్న పాండవుల కన్న తల్లి....నా వద్దకు, కురు రాజ్యాంగ శుశ్రూషాపరుడి వద్దకు, ఒక సూతుడిగా బతుకుతున్న నా వద్దకు వచ్చి 'నాయనా కర్ణా నువ్వు నా బిడ్డవు రా' అని చెబుతుంటే నా ఆనందాన్ని ఎలా చెప్పుకోను తల్లీ నీ పలుకులు విని సంతోషంతో పొంగిపోతున్న నా చెవులు 'కర్ణుడు' అన్న నామధేయాన్ని సార్థకం చేస్తున్నాయి, మాతా. చాలు తల్లీ....చాలు. ఈ జన్మకిది చాలు. ఇక నా వంశాన్ని గాని, నా ఔన్నత్యాన్ని గాని ఎవ్వరూ గుర్తించనక్ఖర్లేదు సమస్త ధరాచక్రం ఏకం అయి 'కర్ణా నువ్వు సూతుడివి రా' అన్నా నేనేమీ బాధపడనమ్మా. అదేమమ్మా....చిరునవ్వులు చిందాల్సిన ఈ సమయంలో ఆ విషాద ఛాయలేమిటమ్మా ఏం కావాలో కోరుకో తల్లీ నీలాల నింగిలోని నక్షత్రాలను దూసి మాల చేసి ఇవ్వనా నటరాజు జడలలో నడయాడే బాలచంద్రుణ్ణి నీ పాదాల ముందు దింపనా లేక నీకీ గతి పట్టించిన ఆ యముడిని పడగొట్టి మా పినతండ్రి శ్రీ పాండురాజుల వారిని తిరిగి కొని రమ్మంటావా ఏం కావాలో కోరుకో తల్లీ ఏంటమ్మా నువ్వనేది కౌరవులను వదలి పాండవులతో చెయ్యి కలపమంటావా అమ్మా దుర్యోధనుడే లేకపోతే ఈనాడు ఈ కర్ణుడు నీ ముందిలా నిలిచే వాడామ్మా ఏనాడో...ఏనాడో ఆత్మహత్య చేసుకుని ఉండేవాడు అమ్మా రాజ్యమాతనిదైనా రాజరికం నాదిగా కనుసన్నల కౌరవ సామ్రాజ్యాన్ని ఏలమని మకుటంలేని మహాధికారాన్ని నా మస్తకాన ఉంచిన ఆత్మీయుడమ్మా నా సుయోధనుడు సూతకునితో చెలిమా అని చోద్యాలు పోతుంటే జగతి ఘాతకుడు కాదురా సూతుడైనా గాని అని నన్ను సమర్ధించి, నా స్నేహాన్ని మన్నించి ప్రాణంగా చూసుకున్న పవిత్రమూర్తమ్మా నా ధార్తరాష్ట్రుఁడు పాండవులతో సమరానికి సుయోధనుడికి సైన్యమెంత అంటే....ఇంత అని కర్ణుడే నా సైన్యం, నా బలం, నా జనం, నా ప్రాణం నేనే కర్ణుడిని ....కర్ణుడే నేను అని చాటిన మహా మానసుడమ్మా నా రారాజు అమ్మా తన భార్య కొంగు లాగిన నా తొందరపాటును కూడా స్వీకరించి నా పక్షాన భార్యకు క్షమాపణలు చెప్పుకున్న స్నేహమూర్తమ్మా నా కౌరవాన్వయుడు అటువంటి రారాజును విడిచి ధర్మజుడితో చెయ్యి కలిపి నెయ్యాన్ని కయ్యం చేసుకునేంత మందుడ్నికానమ్మా.....నన్ను క్షమించు అమ్మా నా నెత్తురు అతనిచ్చిన పానీయం నా కండలు అతనిచ్చిన ఆహారం నా మేధస్సు అతని శ్రేయస్సు ఈ ఒక్కటి తప్ప ఏం కావాలో కోరుకో తల్లీ ఏమిటమ్మా ఆజిరంగంలో పాండవులను వధించ రాదా కుత్తుకను కత్తరించి కోకిలను పాడమంటున్నావా తల్లీ కోరలు తీసేసి నల్లత్రాచుని కాటేయ్యమంటున్నావా అమ్మా మాటిచ్చాను.....మాట నిలబెట్టుకుంటాను ధర్మరాజు....పాపం శాస్త్రాలతో తప్ప శస్త్రాలతో పరిచయంలేని వాడు, అతనిని వధించను భీముడు....అడ్డుపడి ఆవహం చేస్తాడే తప్ప అస్త్రాల సంగతి అసలే పట్టదు, అతనికొచ్చిన ప్రమాదమేమీ లేదు మాద్రేయులు....వచ్చీ రాని వయస్సు మా అస్త్రాభ్యాసం అంతైనా లేదు వారి ప్రాయం, వారిని వధించటం మాకే అవమానం ఇక మిగిలినది అర్జునుడు....అరిహృద్విభంజనుడు అమ్మా అర్జునుడే ఎదురైతే నన్ను నేను మర్చిపోతాను....నన్ను రారాజు ఆవహిస్తాడు మిగిలేది కర్ణుడా లేక కౌంతేయుడా అన్నది దైవ నిర్ణయం అమ్మా అర్జునుడే కూలితే కర్ణ, ధర్మ, భీమ, మాద్రేయులు ఐదుగురూ అదే ఈ కర్ణుడే కూలితే ధర్మ, భీమార్జున, నకుల, సహదేవులు ఐదుగురూ ఆరుగురు బిడ్డల తల్లీ నీ కొడుకులు ఐదుగురే పంచ పాండవులే సెలవు మాతా సెలవు
చాల సినిమాల్లో చాలా మంది కర్ణుడు పాత్ర పోషించారు కానీ మీ ఏకపాత్రాభినయం చూసి స్వర్గం లో ఉన్న కర్ణుడు కూడా సంతోషంతో ఉక్కిరిబిక్కిరి అయిపోతాడు. అంత బాగా చేసారు. మీలాంటి multi talented star ని మన తెలుగు industry గుర్తించకపోవడం మన దౌర్భాగ్యయం..God bless you and your family sir 🙏
I think he is only actor who was Underrated all the time . Tollywood lo all time number ga undalsina actor ni kondharu yadhavalu kodupumantatho piki ranivakunda chesaru
స్వరం సాయికుమార్ గారి సర్వస్వం. తండ్రి నుండి గళ వారసత్యం పొందిన ధన్యుడు. నటన గురించి ఆలోచించే సమయం ఉండదు వారి కంఠం కర్ణములబడితే! ధన్యుడు సాయి కుమారు! 🇮🇳🙏
NTR గారు తన నటనతో కర్ణుని విషయంలో 80% అబద్ధాలను పైగానే అబద్ధాలు ప్రచారం చేశారు ఆ ప్రభావం ఇప్పుడు ఎప్పుడు చేరిగిపోనిది.. జనాలు అసలు మహా భారతం చదవడం కంటే దీన్నే మూర్ఖంగా గుడ్డిగా నమ్ముతున్నారు